Kulonga 15:14 - Baibo Busansulushi Bwa Libuku Ili

¹⁴ Mishobo yoonse yakanyumfwa nshemwakacita, aboobo itootutuma abuumbi. Bene Filisiti boowa bwabacata cankusu.

Kulonga 15:14 교차 참조

Dutolonomi 2:25

Kuswa sunu ntoolengesha mishobo yoonse pacishi ca panshi kutalika kumuloonda. Bantu boonse bananootutuma kuboowa pakubandabo liina lyanu.’

Isaya 14:31

Amulile mwebo nobamundabala inene! Amoolome akuloonda nobene Filisiti noonse. Amubone lusuko mbolwatumba kulubasu lwa kumalenge! Ndikoto lya bashilumamba litoosa. Pakati kabo taapu moowa.

Kulumbaisha 48:6

Mpomunyaawo boowa bwakabacata akulisukama kunene. Ee, cakubabo anga ngumwanakashi ucite lifumo lyabuka.

Joshuwa 9:24

Mpeeke bakakumbula Joshuwa ayi, “Swebo sobasebenshi banu nkambo, twakanyumfwa cakutatonsha mbuli Mwaami Lesa, Lesa wanu mbwaakaambila Mose musebenshi wakwe ayi akamupe cishi coonse, alimwi ayi mukanooya cicaya baabo bekalaamo kunembo lyanu. Paceebo ceeci twakaloonda ayi inga mwaakutucaya. Anu nceceeco ncetwakacitila boobo.

Shakubelenga 14:14

balaakulwiita bantu bekala mucishi ici. Bantu aba banyumfwa kale ayi mwebo noBaami baLesa, muli aswebo. Mulaboneka patuba na likumbi lyanu lyeemikana peculu lyesu, alimwi ayi mulatutanjilila mulicincilo lya likumbi ciindi ca malumwi, amulicincilo lya mulilo ciindi ca mashiku.

Isaya 14:29

Mutasangalali mwebo nobene Filisiti kwaamba ayi Asilya, iyo nkoli ya bweendeleshi yalinga kumuuma yatyoka. Ceebo kuswa kumushobo wa nsoka ilya, kulaakuswa mpili. Mumpili mulaakuswa cifukufuku ucite busoka bucaya.

Shakubelenga 22:5

wakatuma beshinkombe mukwiita Balaamu mwanaakwe Beyo, uyo wakalinga kuPeto kufwaafwi aMulonga wa Yufuletisi mucishi ca Amawu. Makani ngobakamuletela kuswa kuli Balaki ngakwaamba ayi, “Ntookushibisha ayi mushobo woonse wakaswa mucishi ca Ijipiti alimwi mbaanji abuumbi, ono besa mukwikala pafwaafwi akumisheesu.

Joshuwa 10:2

Mpeeke lakwe alimwi abantu bakwe bakalisukama abuumbi pacikani ici mukwiinga Gibyoni yakalinga ndabala inene abuumbi, bweenka mbuli mandabala amwi oonse mwikala bamaami. Ndabala ya Gibyoni yakalinga inene kwiinda ya Ai alimwi bantu ba mumo bakalinga kucishi kulwana abuumbi.

1 Samwelo 4:7

bakaloonda akwaamba ayi, “Lesa umwi wesa mumisumba yabo! Ono twamana! Tacina kucitikawo kale ca mushobo uyu!

1 Makani 14:17

Lyalo Defedi wakaya mpuwo mushishi shoonse alimwi Mwaami Lesa wakalengesha mishobo yoonse kumuloonda.

Isaya 23:5

Bene Ijipiti abalo balaakukankamana akuungumana baakunyumfwa ayi ndabala ya Taya yanyonyoolwa.

Esekelo 32:9

“ ‘Ndaakupensha myoyo ya bantu baanji bushiku ndaakuluula shakunyonyooka kwako pakati ka mishobo imwi, ee, pakati ka shishi isho nshooteshi.

Abakuku 3:7

Ndakabona bene Kushani kabaloonda alimwi abene Midyani kabatutuma.

Joshuwa 2:11

Nditwakanyumfwa shikani ishi, soonse twakaloonda abuumbi ceebo ca ndimwe. Ncakwiila Mwaami Lesa, Lesa wanu, nguLesa wa kwiculu alimwi apacishi ca panshi.

Joshuwa 9:9

Lyalo bakamukumbula ayi, “Swebo sobasebenshi banu twaswa kucishi cili kulaale abuumbi ceebo twakanyumfwa mpuwo ya Mwaami Lesa, Lesa wanu. Twakanyumfwa shoonse nshaakacita mucishi ca Ijipiti,

1 Samwelo 4:8

Anu ngani weenga watufuna kubalesa bacite nkusu balya? Mbobalesa bakanyonyoola bene Ijipiti muluyanga!

Kulumbaisha 48:7

Mwebo nobaLesa, mwakabanyonyoola anga ngamaato aya kuTashishi, ayo akanyonyoolwa acipuupu ciswa kwicwe.

Abakuku 3:6

Cishi coonse catenkaana ndyaakeemikana. Lyalo ndyaakalangilisha, mishobo ya bantu yakatutuma. Tulundu tukulukulu twakasekemuka. Atwalo tulundu tuniini tukulukulu twakawa ndyaakeenda munshila shakwe shikulukulu.