Kulonga 15:11 - Baibo Busansulushi Bwa Libuku Ili

¹¹ “NoBaami baLesa, ngani uli anga ndimwe pabalesa boonse? Ino ngani uli anga ndimwe nomusalalite abuumbi? Ino ngani uli anga ndimwe nomucite bulemu bukankamika? Ino ngani uli anga ndimwe nomucita shitondesho sha nkusu shakwiculu?

Kulonga 15:11 교차 참조

1 Baami 8:23

wapaila ayi, “NoBaami baLesa, baLesa ba bene Isilaeli, taaku lesa uli mbuli ndimwe mwiculu nabi pacishi ca panshi! Mwebo mulacita kweelana acipangano ncemwapanga abantu banu, akubabonesha lusuno lwanu na bekala mukunyumfwila ndimwe camoyo woonse.

1 Samwelo 2:2

“Taaku usalalite mbuli Mwaami Lesa, taakuuwo uli mbuli nguwe, taaku mwaandami uli mbuli Lesa wesu.

2 Samwelo 7:22

“Ncakwiila mwebo noBaami baLesa noBeshinkusu shoonse mulalemekwa abuumbi! Taaku wiinda ndimwe alimwi taaku lesa aumwi, sombibo mwebo nweenka bweenka mbotunyumfwa amatwi esu.

Ciyubululo 4:8

Cilengwa cuumi coonse cakalinga kucite mapapaminwa ali osanwe alyomwi ayo akalinga kuswitebo meenso, mukati apansengwe. Malumwi amashiku teshakalinga kucileka kwiimba ayi, “Ulisalalite, Ulisalalite, Ulisalalite, Mwaami Lesa Shinkusu shoonse, wakalingaawo, uliiwo alimwi weshi akanooliiwo!”

Isaya 6:3

Bakalinga koolobeshana ayi, “Ulisalalite, Ulisalalite, Ulisalalite Mwaami Lesa Shinkusu shoonse! Cishi coonse ca panshi ciliswitebo bulemu bwakwe.”

Dutolonomi 3:24

‘NoBaami baLesa noBeshinkusu shoonse, ndishi kwaamba ayi mwantondeshabo matalikilo a shintu shinene shikankamika nsheshi mukacite. Taaku lesa kwiculu nabi panshi weenga wacita shintu sha nkusu shiindaawo pasheesho nshemwacita!

Kulumbaisha 86:8

NoBaami baLesa, taaku uli mbuli ndimwe pakati ka balesa bamwi boonse. Taaku ukonsha kucita shankamiko nshemucita.

Kulumbaisha 77:14

Ndimwe nobaLesa nomucita shaankamiko, mulatondesha nkusu shanu pamishobo ya mucishi.

Ciyubululo 15:4

NoBaami baLesa, ngani utamuloondi akulemeka liina lyanu? Mukwiinga mwebo nweenka ndimwe Musalalite. Mishobo yoonse ilaakuyoboloka mukumulambila mukwiinga micito yanu iluleme, ilaboneka kubantu boonse.”

Isaya 40:25

Usalalite waamba ayi, “Anu nebo inga mwanjelanisha ani? Anu ngani uli mbuli ndime?

Dutolonomi 33:26

Nobene Isilaeli, taaku lesa umwi uli anga nguLesa wanu, uyo weendeenda mwiculu mubulemu bwakwe, uleendeenda mumakumbi ayi amucaafwe.

Kulumbaisha 77:19

Nshila yanu yakeenda mumaanshi, mukwakwa wanu wakapula pakati ka Lweenge, nakubi kwaamba ayi momwakalyata tamukwe kuboneka.

Isaya 40:18

Anu ono Mwaami Lesa inga mwamweelanisha ani? Ncikoshanyonshi nceenga mwamweelanika ancico?

Kulumbaisha 35:10

Ndaakwaamba camoyo woonse ayi, “NoBaami baLesa, anu ngani uli anga ndimwe? Ee, mwebo nomupulusha ulefukite kubaabo mbaatakoonshi kukoma. Ncakwiila mwebo mulapulusha bapenshi kubaabo babalyatilila.”

Kulonga 8:10

Mwaami wakakumbula ayi, “Ukampailile ciilo.” Mose alakwe wakakumbula ayi, “Ndaakucita kweelana ambomwasenga, alimwi mulaakwishiba ayi taaku aumwi uli anga nguMwaami Lesa, Lesa wesu.

Kulumbaisha 66:5

Nobantu, kamwisa mubone Lesa ncaakacita, mubone milimo ikankamika njaacita pakati ka bantu.

Jelemiya 49:19

“Bweenka mbuli nkalamu itooswa mumasaka a kuJoodani akuya kumafulo abotu, mbweshi nkatandaanye abene Edomu kuswa kucishi cabo cakufwambaana. Lyalo mutanjilili uyo ngweshi nkasaale, ulaakweendelesha mushobo uyo. Ino ngani weelene andime uyo ukonsha kumpikisha? Anu ngumweembeshinshi uyo ukonsha kwiimikana kunembo lyangu?

Isaya 57:15

Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.

Kulumbaisha 145:17

Mwaami Lesa uliluleme munshila shakwe shoonse, ulicite nkumbu pashintu shoonse nshaakalenga.

Jelemiya 10:16

Lesa wa bamulunyungu lwakwe Jakobo taaeleneewo ambabo ceebo lakwe ngowakalenga shintu shoonse. Wakasala bene Isilaeli ayi babe bantu bakwe. Mwaami Lesa Shinkusu shoonse ndyeliina lyakwe.

Kulumbaisha 119:120

Mubili wangu ulatutuma ceebo cakuloonda ndimwe. Ndicite boowa ceebo ca koombolosha kwanu.

Luka 12:5

Ono ntoomutondesha wooyo ngomweelete kuloonda. Amuloonde Lesa uyo weenga amana kucaya mubili ulicite nkusu shakuuwaala mumulilo utamaani. Ee, ntoomwaambila ayi amumuloonde.

Kulumbaisha 90:11

Anu ngani ushi nkusu sha bukali bwanu? Muntu uleendaawo kumuloonda na weshiba bukali bwanu mbobubete.

Bene Lefi 19:2

“Lwiita bene Isilaeli boonse ayi babe bantu basalalite, ceebo nebo neMwaami Lesa wanu ndisalalite.

Isaya 30:11

Amuswe munshila, mutashinkilishi muyeeyo wesu. Tatusuni kunyumfwa shaWooyo Usalalite wa bene Isilaeli.”

Kulumbaisha 89:18

NoBaami baLesa liyawo lyesu lilaswa kuli ndimwe. Mwaami wesu ulaswa kuUsalalite wa bene Isilaeli.

Ciyubululo 13:4

Bantu boonse bakalambila shinshimwe uyo mukwiinga wakapa munyama uyo nkusu shakwe. Alakwe munyama bakamulambila, kabaamba ayi, “Ngani uli anga ngumunyama uyu? Ngani weenga walwanaakwe?”

Kulonga 3:20

Sombi ndaakusebensesha nkusu shangu, alimwi ndaakupa mulandu bene Ijipiti kwiinda mukucita shintu shiloondesha mucishi cabo. Kuswawaawo mwaami ulaakumusuminisha ayi muye.

Kulonga 9:14

Ono na ukake, ntootuma myaalu yangu yoonse iindaawo pali ndiwe, bacinenenene bako alimwi abantu bamucishi cako. Ntoocita boobo kwaamba ayi wishibe ayi taaku aumwi uli mbuli ndime mucishi ca panshi coonse.

Kulonga 18:11

Ono ndeshiiba ayi Mwaami Lesa ulicite nkusu kwiinda pabalesa boonse, mukwiinga wakacita boobo ciindi bene Ijipiti ndibakalinga kubona bene Isilaeli ayi taaku mbobabete.”

Kulonga 20:3

“Utalambili Lesa aumwi, sombibo ndime.

2 Makani 2:5

Ŋanda yakwe Lesa iyo njeshi nkayake ilaakuba yabulemu mukwiinga Lesa wesu ulicite bulemu kwiinda balesa bamwi boonse.

2 Makani 6:14

Mpeeke wakapaila ayi, “NoBaami baLesa, baLesa ba bene Isilaeli, taaku lesa uli mbuli ndimwe mwiculu nabi pacishi ca panshi! Mwebo mulacita kweelana acipangano ncemwapanga abantu banu, akubabonesha lusuno lwanu na bekala mukunyumfwila ndimwe camoyo woonse.

Kulumbaisha 22:23

Ndaakwaamba ayi, “Amulumbaishe Mwaami Lesa mwebo nomumulemeka, Amumulemeke mwebo noonse nobamulunyungu bakwe Jakobo. Ee, amumuloonde noonse nobantu bene Isilaeli!

Kulumbaisha 113:5

Anu ngani weenga weelana aMwaami Lesa, Lesa wesu uyo ushiite pacuuna ca bwaami kwiculu?

Kulumbaisha 136:4

Mwaami Lesa eenkabo ngookonsha kucita shaankamiko, ee, mukwiinga lusuno lwakwe ndwamuyayaya.

Mika 7:18

Ino ngani lesa weelene amwebo, lesa uyo ushiminganya shibiibi akulekelela milandu ya bantu banu bakacaala? Mwebo tamukalali kwa lyoonse alyoonse, sombi mulasangalala mukutondesha lusuno lutamaani.

Kulonga 8:6

Aboobo Aloni wakeetandabika pamaanshi oonse. Mpeeke mwakaswa babombwe akukumanabo cishi coonse ca Ijipiti.

Dutolonomi 1:30

Mwaami Lesa, Lesa wanu utoomutanjilila alimwi utoomulwaninaako bweenka mbomwakabona kaacita muIjipiti

Dutolonomi 4:34

Sa kuliiwo lesa wakayeeyaawo kuya mukubwesa bantu kuswa pakati ka mushobo umwi akubaalula kuba bantu bakwe mbuli bwakamucita Mwaami Lesa, Lesa wanu muIjipiti? Mumeenso anu wakasebensesha nkusu shakwe shinene. Wakaletela bene Ijipiti myaalu ankoondo, wakacita shaankamiko ashitondesho sha nkusu sha kwiculu alimwi akulengesha shintu shiyoosha kucitika.

1 Makani 16:25

Mwaami Lesa uleendaawo alimwi ulyeelete kulumbaishikwa. Ncakwiila ulyeelete kulemekwa kwiinda balesa boonse.

Kulumbaisha 60:2

Mwatenkaanya inshi kucitentanshi, akwiipasoola. Ono amuyeelanye alimwi mukwiinga ilatenkaana ciyoosha.

Kulumbaisha 77:11

Mwaami Lesa ndaakwiingashila milimo yanu ya nkusu. Ee, ndaakwiibaluka shaankamiko shoonse nshemwakacita kalekale.

Kulumbaisha 86:10

Mukwiinga mulicite nkusu alimwi mulacita shikankamika. Ncakwiila mwebo nweenka ndimwe baLesa.

Isaya 46:9

Ee, amwiibaluke nshendakacita kale kale. Lyalo musumine kwaamba ayi nebo neenkabo ndime Lesa alimwi ayi taaku lesa aumwi uli mbuli ndime.