Kulonga 11:5 - Baibo Busansulushi Bwa Libuku Ili

⁵ Baana boonse basankwa bakwiiya ba mucishi ca Ijipiti batoofwa, kutalikila kumwanaamwaami Falawo, uyo weshi akapyane cuuna ca bwaami, kushikila akumwaana mwanakashi musha uyo upela maila. Aboombe boonse bakwiiya batoofwa.

Kulonga 11:5 교차 참조

Kulumbaisha 78:51

Wakacaya baana bakwiiya boonse ba bene Ijipiti. Ee, wakacaya baana bakwiiya mumatente a bene Amu.

Mateyo 24:41

Banakashi bobilo balaakunoopela, umwi ulaakutolwa, sombi umwi ulaakucaala.

Kulumbaisha 136:10

Wakacaya baana bakwiiya ba bene Ijipiti, ee, mukwiinga lusuno lwakwe ndwamuyayaya.

Kulumbaisha 135:8

Mwaami Lesa ngowakacaya baana bakwiiya ba kuIjipiti, ncakwiila baana bakwiiya boonse ba bantu aba banyama.

Kulumbaisha 105:36

Mwaami Lesa wakacaya baana babo basankwa bakwiiya boonse. Ee, bakacaya baana basankwa bataanshi boonse mucishi cabo.

Kulonga 13:15

Mwaami Falawo wa muIjipiti ndyaakaba shicimpamya akutukasha kuswaamo, Mwaami Lesa wakacaya baana basankwa bakwiiya boonse mucishi ca Ijipiti, ba bantu alimwi aba shifubwa shoonse. Anu nceceeco ncetupeta mulambu wa shifubwa shisankwa shakwiiya kuMwaami Lesa akulubula bana besu basankwa bakwiiya.

Kulonga 12:29

Ono pakati kamashiku, Mwaami Lesa wakacaya baana basankwa bakwiiya boonse mucishi ca Ijipiti, kutalikila kumwanaamwaami musankwa, wakalinga njempyani ya bwaami kushikila akumwanaakaili musankwa wakalinga muntolongo. Wakacaya abaana basankwa bakwiiya ba banyama boonse.

Kulonga 12:12

“Pabushiku ubo mbomunya mashiku, ndaakwiinda mucishi coonse ca Ijipiti kuya cicaya baana basankwa boonse bakwiiya ba bantu alimwi aba shifubwa. Ndaakupa mulandu balesa boonse ba bene Ijipiti. Nebo ndime Mwaami Lesa.

Kulonga 4:23

Ndakakulwiita ayi uleke mwanaangu musankwa aye kwaamba ayi akanambile, sombi webo wakakaka. Ono bulya ntoocaya mwanaako musankwa wakwiiya.’ ”

Bene Ebulu 11:28

Ndushomo lwakalengesha ayi abambe bushiku bwa Pasika bwakwiibaluka kusotokela akwaambila bantu ayi basansaile bulowa pamilyango, kwaamba ayi munjelo uleta lufu atacayi baana bakwiiya ba bene Isilaeli.

Malilo 5:13

Bacikula bwangu basankwa batoopenga kupelela busu. Abalo banike basankwa balaya citalantanta ceebo cakulemenwa mile ya nkuni.

Isaya 47:2

Bwesa mpelo upele fulaulo. Fuula kasani kateshimite kakulifweka kumeenso. Pimpa cifunga cako myeendo icaale patuba. Lyalo ukubule mumaanshi kusubuka tulonga.

Boomboloshi 16:21

Mpomunyaawo bene Filisiti bakamucata akumutuloola meenso. Bakamutola kuGasa uko nkobakamwaanga ancetani ya bulonse akumupa ncito yakupela shili anga ngamaila muntolongo.