Kulonga 10:22 - Baibo Busansulushi Bwa Libuku Ili

²² Aboobo Mose wakatandabika lyaansa lyakwe mwiculu, lyalo mucishi coonse ca Ijipiti mwakaba munshinshe ulemu abuumbi kwanshiku shotatwe.

Kulonga 10:22 교차 참조

Kulumbaisha 105:28

Wakaleta munshinshe pali mbabo akubalubya. Nakubi boobo bene Ijipiti tabakwe kucita kweelana amaswi akwe.

Ciyubululo 16:10

Munjelo wasanu alakwe wakapukwita shakalinga mumbale yakwe ifongomene pacuuna ca bwaami ca munyama uyo. Lyalo cishi cakwe coonse cakaba mumunshinshe alimwi bantu bakatalika kuluma milaka yabo ceebo cakucisa.

Amosi 4:13

Lesa ngowakalenga tulundu, ngowakalenga muuwo, alimwi ngooyubulula miyeeyo yakwe kumuntu. Ulasandula malumwi kuba munshinshe alimwi uleendeenda patulundu twa mucishi ca panshi. Liina lyakwe nguMwaami Lesa Shinkusu shoonse.

Jowelo 2:31

Lisuba lilaakuboolabo mbi, awalo mweenshi ulaakusalalabo pyu anga mbulowa, kabutana kushikila bushiku bwangu nebo neMwaami Lesa, bushiku ubo bunene alimwi buyoosha.

Jowelo 2:2

Bushiku ubo mbwa munshinshe alimwi mbwa buumba, bushiku bushiya mbi alimwi bwa makumbi alemu. Bweenka makumbi mbwaafwekelesha cishi kuswa kwicwe, mbweeke ubo cisoshi cinene citoosa pacishi. Cisoshi ico tacikwe kubonekaawo kale kuswabo kukalekale alimwi teshi cikabonekeewo tubili munshiku shitoosa.

Dutolonomi 5:22

“Iyi njemilawo Mwaami Lesa njaakamupa mwebo noonse ndimwakalinga kubungene kukalundu. Ono ndyaakaamba aliswi lya peculu kuswa mumulilo amakumbi ashiya mbi, wakapabo milawo yeenka iyi cakuteendilishaawo aimwi. Lyalo wakeelemba pamabwe obilo apampamene akwaapa ndime.

Dutolonomi 4:11

“Mukabaambile mbuli mbomwakaya mukwiimikana munshaaKalundu ako kakalinga kufweketwe amakumbi ashiya mbi, alimwi amulilo kaubilima abuumbi cakushika mwiculu mwiine.

Kulonga 20:21

Sombi bantu bakalingabo mpomunyaawo palaale, eenkabo Mose ngowakasena pafwaafwi alikumbi lishiya apo pakalinga Lesa.

Amosi 4:7

Ndakamucatila amfuula kakucili myeenshi yotatwe ayi kutebula kushikile. Ndime ndakalengesha mfula kuloka mundabala yomwi, sombi kuteshi mundabala imwi. Ndakeelengesha kuloka mumuunda womwi, sombi kuteshi mumuunda umwi, aboobo mwakayumabo nta!

Jobo 5:14

Balaba mumunshinshe ciindi ca malumwi akutalika kupampanshapampansha anga ndimashiku.

Isaya 8:22

akulanga panshi cakushilika, sombi balaakunoobwenebo mapensho amunshinshe ushiya mbi. Ono mweenka umo mweshi bakashindikilwe.

Esekelo 32:7

Bushiku ubo mbweshi nkakunyonyoole, ndaakufwekelesha liculu akushimya nyenyeenshi. Lisuba ndaakulifwekelesha alikumbi awalo mweenshi teshi ukapeewo mumuni wa nguwo.

Esekelo 32:8

Ndaakushimya mimuni yoonse ya mwiculu, akuleta munshinshe mucishi cako. Nebo neMwaami Lesa Shinkusu shoonse ndaamba.