Kulonga 1:7 - Baibo Busansulushi Bwa Libuku Ili

⁷ Sombi bamulunyungu lwabo abo beetwa ayi bene Isilaeli bakashala baana baanji. Mpeeke bakafula abuumbi alimwi akuba ankusu, lyalo bakakumanabo cishi coonse.

Kulonga 1:7 교차 참조

Matalikilo 46:3

Lyalo Lesa wakaamba ayi, “Ndime Lesa, Lesa wa baiso, utaloondi kuya kuIjipiti. Bamulunyungu lwako ndaakubalengesha kuba mishobo inene uko kweenka.

Dutolonomi 26:5

Lyalo kunembo lya Mwaami Lesa, Lesa wanu mulaakunokwaamba ayi, ‘Mushali wangu mukulukulu wakalinga mwine Alamu shikwiingaila uyo wakatola bamuŋanda yakwe kucishi ca Ijipiti. Pakuya bakalingabo baniini, sombi bakafula akuba mushobo unene wa nkusu.

Matalikilo 1:28

Lyalo Lesa wakabapa coolwe akubaambila ayi, “Amushalane mufule, akususha cishi ca panshi. Amweendeleshe inswi sha mumaanshi, bayuni bauluka ashilongolo shinene atuniini sheenda panshi shoonse.”

Matalikilo 47:27

Bene Isilaeli bakekala mucishi ca Ijipiti mumusena wa Gosheni uko nkobakabilila akuba abaana baanji.

Matalikilo 35:11

Lyalo Lesa wakaamba ayi, “Ndime Lesa Shinkusu shoonse. Koba abaana baanji. Mishobo iinji ilaakuswa mulunyungu lwako alimwi ulaakuba mushali wa bamaami.

Matalikilo 12:2

Ndaakukupa bamulunyungu lwako baanji, alimwi balaakuba mushobo wiindaawo. Ndaakukupa coolwe akulengesha liina lyako kupuka ayi bantu bakabe acoolwe ceebo ca ndiwe.

Matalikilo 9:1

Lesa wakapa coolwe Nowa abana bakwe basankwa akwaamba ayi, “Amushale baana baanji kwaamba ayi bamulunyungu lwako bakekaale koonse koonse mucishi ca panshi.

Neyemiya 9:23

Mwakalengesha baana babo kufula anga ninyenyeenshi mwiculu alimwi mwakabalengesha kukoma cishi ico ncemwakashomesha kupa bamashali babo bakulukulu.

Dutolonomi 10:22

Bamashali banu bakulukulu ndibakaya kuIjipiti bakalingabo makumi osanwe aobilo. Sombi bulya Mwaami Lesa, Lesa wanu wamufusha anga ninyenyeenshi mwiculu.

Matalikilo 48:4

Wakandwiita ayi, ‘Ndakukupa baana baanji kwaamba ayi bamulunyungu lwako bakabe mishobo iinji. Ndaakupa bamulunyungu lwako cishi ici cikabe caabo muyayaya.’ ”

Matalikilo 17:16

Ndaakumupa coolwe alimwi ndaakukupa mwaana kwiinda muli nguwe. Ndaakumupa coolwe, alimwi ulaakuba mushali mwanakashi wa mishobo iinji. Pakati ka bamulunyungu lwakwe palaakuba abamaami.”

Kulumbaisha 105:24

Mwaami Lesa wakalengesha bantu bakwe kushalana. Wakabalengesha kufula kwiinda balwani babo,

Matalikilo 28:14

Balaakufula anga ngumuseese pacishi ca panshi. Balaakukomenesha cishi mumbasu shoonse alimwi kwiinda muli ndiwe abamulunyungu lwako, ndaakupa coolwe mishobo yoonse.

Matalikilo 22:17

Ndashomesha ayi ndaakukupa bamulunyungu lwako baanji anga ninyenyeenshi mwiculu nabi museese wa muloombe lwa lweenge. Bamulunyungu lwako balaakukoma beshinkondonyinaabo.

Matalikilo 13:16

Ndaakukupa baana baanji cakwaamba ayi taaku eshi akakonshe kubabelenga. Nkokwaamba ayi na muntu wakonsha kubelenga museese, inga wakonsha kubelenga abamulunyungu lwako.

Matalikilo 1:20

Kuswawaawo Lesa wakaamba ayi, “Mumaanshi amube shintu shuumi shipusenepusene, alimwi abayuni bauluka mwiculu.”

Kulonga 12:37

Kuswawaawo bene Isilaeli bakanyamuka akutalika lweendo lwabo panshi, kuswa ku Lamesesi kuya kuSakoti. Bene Isilaeli basankwa bakalinga mpashi shuulu shili myaanda yosanwe alimwi awomwi, kutabelengelaako banakashi abanike.

Matalikilo 48:16

Munjelo uyo wakampulusha mushintu shicaya aabape coolwe. Liina lyangu alya bata ba Abulaamu abaIsaki, aatolelele kwiinda mubanike aba! Abakabe abaana baanji alimwi abamulunyungu lwabo!”

Matalikilo 26:4

Ndaakukupa bamulunyungu lwako baanji bweenka mboobona nyenyeenshi mwiculu, alimwi ndaakubapa cishi coonse ici. Ndaakupa coolwe mishobo yoonse pacishi ca panshi kwiinda mubamulunyungu lwako

Matalikilo 15:5

Mwaami Lesa wakatola Abulamu pansengwe akwaamba ayi, “Langilisha mwiculu alimwi weeleshe kubelenga nyenyeenshi. Ncakwiila ulaakuba abamulunyungu lwako baanji anga ninyenyeenshi.”

Milimo ya Batumwi 13:17

Lesa wesu sobene Isilaeli, wakasala bamashali besu bakulukulu akubafusha ndibakalinga basha muIjipiti. Wakabakusha mucishi ca Ijipiti munkusu shakwe shiinda pankusu shoonse.

Matalikilo 26:22

Wakalonga apo akukaba aumwi mukalo. Sombi pa wooyu tapakwe kubaawo shakwaambana. Aboobo mukalo uyu wakautumba ayi, “Lewoboti” nkokwaamba ayi, “Lwaanguluko.” paceebo ceeci wakaamba ayi, “Ono Mwaami Lesa watupa lwaanguluko kwikala mucishi muno akunsumpula.”

Kulonga 1:12

Ono nabi bene Ijipiti bakalinga kubapensha abuumbi, bene Isilaeli bakalinga kuya cifulilakobo akumwaikabo mucishi coonse. Aboobo bene Ijipiti bakatalika kuloonda bene Isilaeli.

Kulonga 5:5

Alimwi mwebo nobene Isilaeli mwafula abuumbi kwiinda bene Ijipiti. Ono mutooyanda kucileka akusebensa!”

Kulumbaisha 107:38

Mwaami Lesa wakabapa coolwe cakwaamba ayi bakashalana. Ncakwiila taakwe kuleka ayi shifubwa shabo shiceye.

Esekelo 16:7

Ndakakulengesha kukomena kabotu anga cishango ca mumuunda. Wakakomena waba ankusu akuba mooye wiindaawo kubota. Wakamena nkolo amisusu yakalaampa, nakubi boobo wakalinga kweendabo matakosha.