Jowelo 3:16 - Baibo Busansulushi Bwa Libuku Ili

¹⁶ Mwaami Lesa ulaakubuluma kuKalundu ka Siyoni akululuma kuswa kundabala inene ya Jelusalemu. Lyalo cishi ca panshi aliculu shilaakutenkaana. Sombi Mwaami Lesa ulaakuba ciyubilo ca bantu bakwe, ee, ulaakufuna bantu bakwe bene Isilaeli.

Jowelo 3:16 교차 참조

Amosi 1:2

Amosi wakaamba ayi, “Mwaami Lesa utoobuluma kuKalundu ka Siyoni akululuma kundabala inene ya Jelusalemu. Mafulo amana kuyuma. Bwiisu bwa peculu paKalundu ka Kamelo bwayuma.”

Agayi 2:6

“Ono nebo neMwaami Lesa Shinkusu shoonse ndaamba ayi, ‘Paakwiinda ciindi ciniinibo ndaakutenkaanya liculu acishi ca panshi, lweenge anshi iyumu nta.

Jelemiya 16:19

Nobaami baLesa mwebo nomumpa nkusu alimwi nolilinga lyangu, mwebo ndimwe ciyubilo cangu muciindi ca mapensho. Kuli ndimwe mishobo yoonse ya bantu nkweshi ikese kuswa kweela cishi akwaamba ayi, “Bamashali besu bakulukulu taaku ncebakalinga kucite, sombibo balesa bakubeca. Ncakwiila bakalinga kucitebo shibumbwabumbwa shitaaku mboshibete shatakalinga kubacafwaawo.

Isaya 42:13

Mwaami Lesa ulaya kunkondo mbuli muntu ucibwene kulwana. Ulalikalasha akulibambila kulwana bweenka bucita shilumamba mwiine mwiine. Ulaakoolobesha kutondesha ayi nkondo yatalika, ndushinisho ulaakukoma balwani bakwe.

Tushimpi 18:10

Mwaami Lesa uli anga niŋanda ilaamfu iyumu uko kucicila bantu baluleme akupuluka.

Esekelo 38:19

Mubukali bwangu buyoosha abuumbi ndaamba ayi paciindi ico kulaakuba citentanshi cinene mucishi ca Isilaeli.

Isaya 51:16

Ndakafungulula liculu akuyaka lwiimbi lwa cishi ca panshi. Bene Jelusalemu ndabaambila ayi, ‘Mwebo muli bantu bangu! Ndakamupa milawo yangu alimwi ndamutabilila alyaansa lyangu.’ ”

Kulumbaisha 61:3

Ceebo mwebo ndimwe ciyubilo cangu. Ndimwe mumfuna kuswa kubalwani bangu.

Ciyubululo 16:18

Lyalo kwakaba kubeka kwa mfula, shiyobeyobe, shilulumo alimwi acitentanshi cinene abuumbi. Takuna kubawo kale citentanshi ca mushobo wooyu kuswabo kumalengelo a muntu. Cakabica kwiinda pashitentanshi shimwi shoonse.

Kulumbaisha 18:2

Mwaami Lesa ngomwaandami wangu, ndyelilinga lyangu lya mabwe alimwi ngomupulushi wangu. Ee, Lesa wangu, ngomwaandami wangu, shikumfuna. Ulantabilila anga ndiyawo, ngumupulushi wangu umfuna amunkondo.

Isaya 33:16

Uyu ngomuntu weshi akabule cakulisukama. Uyo ulaakunoolibo anga ngumuntu ucite ciyubilo pakalundu. Ulaakunoopekwa shakulya aalo maanshi teshi akamumanineewo.

Kulumbaisha 29:11

Mwaami Lesa ngoopa bantu bakwe nkusu, alimwi ulapa bantu bakwe coolwe ca luumuno.

1 Samwelo 15:29

Lesa uyo uli mboBulemu bwa cishi ca Isilaeli, taabeci nabi kuyeeya bumbi. Taabete mbuli muntu upilooka mukuyeeya.”

Ciyubululo 11:19

Mpomunyaawo Ŋanda yakwe Lesa yakacaluka kwiculu, aLibokoshi lya Cipangano lyakaboneka nkomunya uko. Lyalo kwakatalika kubeka kwa mfula, kunyumfwika ciyobeyobe alimwi ashilulumo. Kwakaba citentanshi alimwi amfuula ya mabwe inene.

Ciyubululo 11:13

Paciindi ncemunya ici, kwakaba citentanshi cinene abuumbi. Mpeeke cipansha calikumi ca ndabala inene cakanyonyooka alimwi abantu bali 7,000 bakafwa. Lyalo bantu boonse bakacaala bakaloonda abuumbi akutalika kulumbaisha Lesa wa kwiculu ceebo ca nkusu shakwe.

Bene Ebulu 12:26

Paciindi ico, liswi lyakwe Lesa lyakatenkaanya cishi ca panshi, sombi bulya wakashomesha ayi, “Ndaakutenkaanya cishi alimwi, ono kuteshi cishi ceenka, sombi aliculu alyalo.”

Sekaliya 10:12

Ndaakulengesha bantu bangu kuba ankusu alimwi balaakunoonambila akunyumfwilabo ndime. Nebo neMwaami Lesa ndaamba.”

Amosi 3:8

Na nkalamu yalila, ngani utakoonshi kuloonda? Na Mwaami Lesa Shinkusu shoonse waamba, ngani weenga wakaka kwaambilisha maswi akwe?

Osiya 11:10

“Nebo neMwaami Lesa ndaakubuluma anga ninkalamu abalo bana bangu balaakwisa kuswa kumbo kabesa citutuma.

Sekaliya 10:6

“Ndaakupa nkusu bene Juda ee, ndaakupulusha bene Isilaeli. Ndaakubanyumfwila nkumbu akubaboosha boonse. Ncakwiila balaakubabo anga nshina kubafutatilaawo kale. Nebo ndime Mwaami Lesa, Lesa wabo, ndushinisho ndaakukumbula mipailo yabo.

Isaya 33:21

Mwaami Lesa ngoShinkusu wesu mundabala iyo. Ilaakuba musena wa milonga inene atulongabo. Sombi maato a balwani teshi akanokwiindaawo, aalo anene eenda palweenge teshi akeendeewo.

Jelemiya 17:17

NoBaami baLesa, mutanoondeshi mukwiinga muli ndimwe moonjuba muciindi ca mapensho.

Naamu 1:7

Mwaami Lesa ngumubotu. Uli anga nciyubilo mushiindi sha mapensho. Ulafuna baabo bacinkite manungo muli nguwe.

Agayi 2:7

Ndaakutenkaanya mishobo yoonse abuboni bwa njiyo bulaakuletwa kuno. Lyalo ndaakususha Ŋanda yangu abulemu.

Sekaliya 9:12

“Amuboole mwebo nomuli mucishi ca busha, ee, mwebo nomucite kulangila. Amupiluke kucishi uko nkomutacite cakulisukama. Bulya ndashomesha ayi ndaakumubooshesha shoolwe shobilo palipensho lyomwi alyomwi ilyo ndyemwakeendaamo.