Jowelo 3:12 - Baibo Busansulushi Bwa Libuku Ili

¹² Mwaami Lesa waamba ayi, “Mishobo yoonse ilyeelete kulibambila akwisa muCinyika ca Koombolosheshaamo. Lyalo ndaakwisa mukoombolosha bamumishobo yoonse kuswa mumbasu shoonse.

Jowelo 3:12 교차 참조

Jowelo 3:2

Ndaakubunganya mishobo yoonse akwiileta muCinyika ca Koombolosheshaamo. Lyalo nebo ndaakuboombolosha ceebo ca shintu nshebakacitila bantu bangu bene Isilaeli. Bakapalanganya bantu bangu pakati ka mishobo imwi akubaana cishi cangu coonse ca Isilaeli.

Isaya 3:13

Ono Mwaami Lesa wekala pacuuna cakwe ca koombolosheshaawo. Bulya wanyamuka kwaamba ayi oomboloshe bantu bakwe.

Isaya 2:4

Mwaami Lesa ulaakoombolosha mishobo akumana nkondo pakati ka bantu baanji. Mipeeni yabo balaakunoifula ayi shibe shakulimisha, aalo masumo abo ayi abe shakukwesoosha shisamu. Taaku mushobo weshi ukapililike mipeeni kuya mukulwana umwi, nabi weshi ukanooya mukwiiya shankondo.

Kulumbaisha 98:9

mukwiinga Mwaami Lesa ulaakwisa mukulela cishi. Ulaakunoolela bamucishi ca panshi boonse cabululami alimwi mulushinisho.

Kulumbaisha 96:13

paciindi Mwaami Lesa aakwisa mukulela cishi. Ulaakunoolela bamucishi ca panshi boonse cabululami alimwi mulushinisho.

Sekaliya 14:4

Pabushiku bweenka ubo Mwaami Lesa ulaakwiimikana paKalundu ka Olifi ako kalangene andabala ya Jelusalemu kulubasu lwa kwicwe. Lyalo kalundu ako kalaakubanishikwamo tobilo kuswa kwicwe kuya kumbo akupanga cinyika cinene. Musa wa kalundu ako kalaakusena kulubasu lwa kumatwa alimwi musa umwi kumalenge.

Mika 4:3

Mwaami Lesa ulaakoombolosha mishobo akumana nkondo pakati ka bantu baanji. Mipeeni yabo balaakunoifula ayi shibe shakulimisha, aalo masumo abo ayi abe shakukwesoosha shisamu. Taaku mushobo weshi ukapililike mipeeni kuya mukulwana umwi, nabi weshi ukanooya mukwiiya shankondo.

Jowelo 3:14

Shuulu ashuulu sha bantu bali muCinyika ca Koombolosheshaamo. Bushiku bwa Mwaami Lesa bulaakufwambaana kwisa mucinyika ico.

Kulumbaisha 7:6

NoBaami baLesa, amunyamuke ono mubukali bwanu. Amubukile bukali bwa balwani bangu. Amunyamuke ono ayi muncaafwe, amoomboloshe cabululami.

Ciyubululo 19:11

Lyalo ndakabona liculu lyacaluka, kucana paliimfwi liaki lituba. Wakalinga kutantiteewo uleetwa ayi Ushomeka, Walushinisho. Lakwe uloombolosha akulwana mubululami.

Esekelo 39:11

Mwaami Lesa waamba ayi, “Bushiku ubu ndaakupa Gogi musena wakubikaako muIsilaeli muCinyika ca Beshikweenda kwicwe lya Lweenge lwa Mwiinyo. Musena uyo ulaakushinkila beshikweenda ceebo Gogi alikoto linene lya bashilumamba bakwe balaakufukilwa nkuko. Aboobo musena uyo ulaakwiitwa ayi Cinyika ca Bashilumamba bakwe Gogi.

Esekelo 30:3

Bushiku bwashikila, ee, bushiku bwa Mwaami Lesa buli pafwaafwi, mbushiku bwa makumbi amapensho kumishobo yoonse.

2 Makani 20:26

Pabushiku bwane bakabungana muCinyika ca Belaka akulumbaisha Mwaami Lesa pashintu shoonse nshaakacita. Nceceeco cinyika ico asunu nceciciitilwa ayi Belaka.

Isaya 22:1

Aya ngamaswi aamba paCinyika ca cili anga Nciloto. Ono nciinshi cacitika calenga ayi noonse mutante peculu pashiluli shanu?