Jowelo 2:22 - Baibo Busansulushi Bwa Libuku Ili

²² Nobanyama ba muluundu mutaloondi. Mafulo asonsa mweemfu. Shisamu shatalika kucata shisepo alimwi shisamu sha nkuyu asha minyansa shacata shisepo shiinji.

Jowelo 2:22 교차 참조

Sekaliya 8:12

“Bantu abo balaakunooshanga shakulya muluumuno. Minyansa yabo ilaakucata shisepo, cishi cilaakukusha shishango alyalo liculu lilaakulosha mfula. Ncakwiila ndaakupa shoolwe shoonse ishi kubamumushobo uyu beshi bakacaaleewo.

Kulumbaisha 65:12

Mumafulo muliswitebo shifubwa. Lyalo munshaatulundu mulaba kusangalala.

Isaya 51:3

“Ndaakunyumfwila nkumbu ndabala ya Jelusalemu abaabo boonse bekala mumatongo a njiyo. Nakubi kwaamba ayi cishi ca njiyo nduyanga, ndaakucilengesha kuba anga muEdeni. Ncakwiila cilaakusandulwa kuba anga ngumuunda wa Mwaami Lesa. Bantu uko balaakunoosangalala akukondwa. Balaakunoolumba alimwi balaakunokwiimba.

Kulumbaisha 67:6

Lesa, Lesa wesu watupa coolwe, cishi capa butebushi bubotu.

1 Bene Kolinto 3:7

Mwaboona ayi ushanga autilila taaku mbobabete, sombi nguLesa ulengesha ayi shikule.

Agayi 2:16

na umwi waya kumulwi wa shili anga ngamaila kaayeeya kucanaako makilogilamu ali 200, wakalinga kucanaakobo makilogilamu ali 100. Na umwi waya mukutekula waini kaayeeya kucanaako malita ali 100, wakalinga kucanaakobo malita ali 40.

Jona 4:11

Sombi mwalo mundabala inene ya Ninife muli bantu beenda pashuulu shili mwaanda amakumi obilo, abo bateshiwo ciluleme nabi cilubite, kubikaawo amatanga a banyama bafubwa. Ono sa nsheelete kulisukama pandabala inene iindaawo iyo?”

Esekelo 36:35

Bantu balaakunokwaamba ayi, ‘Cishi ici cakalinga canyonyoolwa, bulya cababo anga ngumuunda wa Edeni. Mandabala akalinga aba matongo, musena utacite bantu alimwi ayo akalinga anyonyoolwa, ono aba amalinga alimwi mulekala bantu.

Esekelo 36:30

Ndaakulengesha shisamu shanu kucata shisepo shiinji akulengesha shishango shimwi kucata abuumbi kwaamba ayi mutakanyumfwi nsoni pakati ka mishobo ceebo ca nsala.

Esekelo 36:8

“ ‘Sombi pali ndimwe notulundu twa Isilaeli, shisamu shilaakuba amisampi akucatila shisepo bantu bangu bene Isilaeli. Bene Isilaeli bali pafwaafwi kuboola kumishaabo.

Kulumbaisha 36:6

Kululama kwanu kulabonekesha anga ntulundu tulaamfu. Bululami bwanu buli anga ndweenge lulaamfu abuumbi. NoBaami baLesa, bantu abanyama ndimwe mubalama.

Matalikilo 4:12

Na ukeeleshe kulima shishango, bulongo taaku nceshi bukakukusheewo. Ulaakunoolibo shikwiingooka utacite musena pacishi ca panshi.”

Kulumbaisha 65:13

Luundu loonse luliswitebo mbelele, amwalo mushinyika mwasulabo witi. Shoonse ishi shitokoolobesha akwiimba cakusangalala.