Jowelo 1:9 - Baibo Busansulushi Bwa Libuku Ili

⁹ Shipo sha fulaulo asha cakunwa teshi shinoobonekawo muŊanda yakwe Lesa. Bapailishi boonse batoolila ncakwiila batoolila boonse basebensela pameenso a Mwaami Lesa.

Jowelo 1:9 교차 참조

Jowelo 2:17

Bapailishi abo basebensela Mwaami Lesa, balile pakati ka cipaililo akapinda ka kumulyango wa Ŋanda yakwe Lesa. Banokwaamba ayi, “NoBaami baLesa, amunyumfwile nkumbu bantu banu. Mutaleeki kwaamba ayi bantu mbomwakasala babe cintu ceelete kushibulukwa. Mutaleeki bakunsengwe kubaseka ayi, ‘Ino Lesa wanu uli kuli?’ ”

Jowelo 2:14

Ngani ushi, mpashi inga wamufwita nkumbu. Lyalo ulaakumupa coolwe mukumupa shishango shiinji. Mpeeke mulaakunootola shipo sha fulaulo asha cakunwa kuMwaami Lesa, Lesa wanu.

Jowelo 1:13

Amufwale masaka akutalika kulila, mwebo nobapailishi nomusebensela kushipaililo! Amuceshe kulila kamufwete masaka mwebo nomusebensela pameenso a Mwaami Lesa wangu ceebo shipo shafulaulo asha cakunwa teshi shinoobonekawo muŊanda yakwe.

Osiya 9:4

Teshi mukanoopawo shipo sha shakunwa kuMwaami Lesa. Ayalo milambu yanu teshi ikanoomusangalashaawo napaceyi. Kuli ndimwe milambu yanu iyo ilaakunoobabo anga ncakulya ca pamalilo. Ncakwiila boonse balyaako balaakulengeshekwa kutanoosalalite kweelana aMilawo. Cakulya canu cilaakunoolibo ca mafumo anu, kuteshi kuletwa amuŊanda ya Mwaami Lesa.

Isaya 61:6

Mulaakunokwiitwa ayi bapailishi ba Mwaami Lesa, ncakwiila basebenshi bakwe Lesa wesu. Buboni bwa mishobo imwi ndimwe mweshi mukanoobulya alimwi mulaakunoosangalala kwaamba ayi buboni ubo mbwanu.

Jowelo 1:16

Amubone shakulya shanyonyoolwa kutulangilisha ameenso esu. Kusangalala akukondwa shamana muŊanda yakwe Lesa?

Malilo 1:16

“Makani aya ngaanengesha kulila. Meenso angu atookunkabo minsonshi. Taaku ooli pafwaafwi kwaamba ayi aŋumbulusheeko nabi kwisa mukunjuminishako. Bantu bangu bacaala maansabo ceebo balwani bangu bankoma.

Malilo 1:4

Mikwakwa iya kuSiyoni itoolila buumba, ceebo taaku nabi womwi uya kuŊanda yakwe Lesa mukusekelela panshiku shisalalite. Muminjililo yakwe yoonse taamu abantu baliimo. Bapailishi ba mumo batootongela, banakashi bakalinga kwiimbilaamo bapenga amyoyo. Paceebo ceeco ili mubuumba bunene abuumbi.

2 Makani 13:10

“Sombi swebo Mwaami Lesa, ngoLesa wesu alimwi tatumushiiyi. Tulicite bapailishi ba mulunyungu lwakwe Aloni mbobasebensela Mwaami Lesa akucafwikwa abene Lefi.

Kulonga 28:1

“Ono ita Aloni mukwanu alimwi abana bakwe basankwa, Nadabu, Abiyu, Eliyasa alimwi aItama. Ubapatule kuswa mubene Isilaeli kwaamba ayi bakansebensele mulimo wa bupailishi.