Jowelo 1:2 - Baibo Busansulushi Bwa Libuku Ili

² Amunyumfwe nobamaloba, amukutike mwebo nomwikala mucishi ca Juda. Sa camushobo wooyu cakacitikawo kale mubuumi bwanu nabi mubuumi bwa bamashali banu bakulukulu?

Jowelo 1:2 교차 참조

Jowelo 2:2

Bushiku ubo mbwa munshinshe alimwi mbwa buumba, bushiku bushiya mbi alimwi bwa makumbi alemu. Bweenka makumbi mbwaafwekelesha cishi kuswa kwicwe, mbweeke ubo cisoshi cinene citoosa pacishi. Cisoshi ico tacikwe kubonekaawo kale kuswabo kukalekale alimwi teshi cikabonekeewo tubili munshiku shitoosa.

Osiya 5:1

“Amunyumfwishe mwebo nobapailishi, amuteye matwi kumakani aya mwebo nobene Isilaeli, ee, mukutikishe mwebo nobaana ba kubwalo! Mulandu utoomushikila, mwalinga anga nkoose kuMisipa, ncakwiila anga nkoombe kayalwa kuKalundu ka Tabo.

Jelemiya 30:7

Bwabica bushiku ubu mwebo! Taaku bushiku nabi bomwi bweshi bukakoshanyeewo ambubo. Bulaakuba bushiku bwa mapensho kubamulunyungu lwakwe Jakobo, nakubi boobo balaakupulushikwa.”

Jobo 8:8

“Ukeepushe shabusongo bwa bakulukulu akuyeeya mwakeenda bamashali besu bakulukulu.

Mateyo 24:21

Mukwiinga mapensho eshi akabeeko ciindi ico taakwe kubonekawo kale, kuswabo Lesa ndyaakalenga cishi ca panshi kushikila asunu. Ncakwiila teshi akabooleewo.

Mateyo 13:9

Lyalo Jesu wakabaambila ayi, “Uyo ucite matwi aanyumfwe!”

Mika 3:9

Amukutike mwebo nobamatanjilili ba bamulunyungu lwakwe Jakobo, ee, mwebo nobaleli ba bene Isilaeli. Amukutike mwebo nomupatite koombolosha cakutanyengelela akusandula shiluleme kuba shitaluleme.

Mika 3:1

Nebo neMika ndakaamba ayi, “Amunyumfwe mwebo nobamatanjilili ba bamulunyungu lwakwe Jakobo, ee, mwebo nobaleli ba bene Isilaeli. Mwebo mulyeelete kubika maano kukoombolosha cakutanyengelela,

Mika 1:2

Amunyumfwe cikani ici mwebo nobamumishobo yoonse. Kutika ocishi ca panshi abaabo boonse bekalaamo. Mwaami Lesa Shinkusu shoonse utoomushinina. Ncakwiila utoomupa mulandu kuswa muŊanda yakwe isalalite.

Amosi 5:1

Nobene Isilaeli amunyumfwe lwiimbo lwangu lwakulila pali ndimwe.

Amosi 4:1

Amukutike maswi aya mwebo nobanakashi bekala muSamaliya, ee, mwebo nomutokwiinabo anga nimpwishi sha kuBashani. Amukutike mwebo nomupensha bakandu akulyatilila bantu bataaku mbobabete. Amukutike mwebo nomwishi kunokwaambilabo bameebaanu ayi, “Amutuletelewo twakunwa tutontoshewo panshingo!”

Amosi 3:1

Nobene Isilaeli amunyumfwe bwaamba Mwaami Lesa pali ndimwe, ee, pali ndimwe noonse nobantu mbwaakakusha mucishi ca Ijipiti.

Jowelo 1:14

Amwaambilishe ayi mbushiku bwakulikasha kulya akwiita bantu ayi babungane pantu pomwi. Amwiite bamaloba abantu boonse bekala mucishi ca Juda kwaamba ayi baye kuŊanda yakwe Lesa, Lesa wanu kuya mukulila kuli nguwe.

Osiya 4:1

Amunyumfwe liswi lya Mwaami Lesa mwebo nobene Isilaeli mukwiinga Mwaami Lesa ulicite mulandu ngwaatoomupa mwebo nomwikala mucishi cino. Waamba ayi, “Mucishi cino taaku kushomeka, lusuno nabi lwishibo lwakwaamba ayi ndime Lesa.

Danyelo 12:1

Mpeeke munjelo uyo wakalinga kufwete nsalu iteshimite wakaamba ayi, “Paciindi ico Mikaeli munjelo munene uyo ulama bene mishaanu ulaakunyamuka. Kulaakuba ciindi ca mapensho ico citana kubonekawo kale kuswa kumatalikilo amishobo kushikila asunu. Nakubi boobo paciindi ico, bene mishaanu boonse bacite meena alembetwe mulibuku lyakwe Lesa, balaakupulushikwa.

Jelemiya 5:21

‘Amunyumfwe makani aya mwebo nobaluya, nobantu nomutacite maano. Amunyumfwe mwebo nomucite meenso, sombi tamulashi, nomucite matwi sombi tamunyumfwi.’

Isaya 34:1

Mwebo nobaswamashi noonse. Amusene pafwaafwi alimwi akuteya matwi. Amukutikishe mwebo nomishobo imwi yoonse. Ee, cishi coonse cinyumfwe ashintu shoonse shikalaamo!

Isaya 7:17

Ono pali ndiwe, bantu bako apabamulunyungu lwa baiso, Mwaami Lesa ulaakuleta ciindi ca mapensho ico citana kubonekaawo kuswabo kuciindi bene Isilaeli ndibakapatukana abene Juda. Ncakwiila ulaakuleta mwaami wa bene Asilya.

Kulumbaisha 49:1

Amunyumfwe cikani ici noonse nobantu. Amukutike noonse nomwikala mucishi ca panshi,

Jobo 21:7

“Ceebonshi bamucita shibi balatolelela kuba abuumi? Ceebonshi balo balacembela akuswitilila mushintu shoonse?

Jobo 15:10

Bacite mfwi abacembele bali kulubasu lwesu, ncakwiila abo bakashalwa baiso kabatana.

Jobo 12:12

“Sa te kucembela kulaamba busongo? Sa te citubya mumutwi ndushibo kufula?

Ciyubululo 2:7

“Uyo ucite matwi, aanyumfwe sheesho Mushimu Usalashi nshootokwaambila shoonde! “Uyo eshi akakome bubi, ndaakumusuminisha kulya shisepo sha kucisamu cipa buumi cili kuMusena ukondelesha wakwe Lesa.