10 Myuunda yacaalabo tuu. Bulongo butoolila myuunda ceebo shili anga ngamaila shanyonyooka. Shisamu sha minyansa asha nkuyu shafwa. Ashalo shisamu sha maolifi shoonse shayuma.
Ceebo ca shintu isho cishi citoobula maanshi. Shintu shoonse shikalaamo shilaakumana kufwa. Nkokwaamba ayi banyama boonse, bayuni alimwi answi shoonse shilaakumana kufwa.”
Kumansa shakulupwitaawo alimwi akushilindi shakutyaninamo minyansa teshi kukaswewo shakulya shakusanina bantu. Ncakwiila mulaakubula waini upya wakunwa.
Ncakwiila ulaakuba luundu lutacite ncito, luundu luyumu nta anga ncikula kunembo lyangu. Cishi coonse cilaakuba luyanga ceebo taaku wakucibikila maano.
Amubuke mulile mwebo nobacakolwa! Amulile mwebo nobeshikunwa waini mukwiinga minyansa yakupangisha waini upya, yanyonyoolwa cakumaninina.
Ndaleeta cilanga pacishi canu, mutulundu, mumyuunda ya shili anga ngamaila, mumyuunda ya minyansa, mumyuunda ya shisamu sha maolifi, pasheesho shoonse shimena mubulongo, pabantu abanyama boonse alimwi apashintu shoonse nshemulima.”
Ncakwiila shisamu sha minyansa asha nkuyu shamana kuyuma, kubikaawo ashisamu sha mapomegilaneti, tupukupuku ashisamu sha maapo, nkokwaamba ayi shisamu shoonse sha myuunda shamana kufwa. Ee, kusangalala kwa bantu kwalobelela.
Kusangalala akukondwa kwakushikwaamo mucishi cicite bulongo bubotu ca Moabu. Ndakakasha waini kuswa mushilindi shakutyaninamo minyansa. Taaku nabi womwi ushikutyana minyansa woolobesha cakusangalala. Nakubi kwaamba ayi kuli koolobesha, teshi koolobesha kwakusangalala, sobwe.
Citooba ciindi cilaamfu buyani cishi ndyeshi cinooshiite kaciyumite abwiisu kabunyanite mumyuunda yoonse? Ceebo ca bubi bwa bantu abo baliimo banyama abayuni bakamana kuloba. Nakubi boobo, bantu aba balaamba ayi, “Lesa taashiboniiwo isho nshetucita.”
Bantu batokooloma mumikwakwa ceebo cakubula waini. Ncakwiila kusangalala koonse kwamana, ee, kwamana mucishi coonse ca panshi.
Anu kusebensa kwanu kunene abuumbi teshi kukamucafweewo, ceebo mucishi canu teshi mukaswe shakulya ashalo shisamu teshi shikacate shisepo.
Na ukeeleshe kulima shishango, bulongo taaku nceshi bukakukusheewo. Ulaakunoolibo shikwiingooka utacite musena pacishi ca panshi.”
Maanshi amukalonga ka Nimulimu ayuma abwalo bwiisu buli mweela kalonga bwayuma. Taaku cimena mubulongo cacaala kacicitontola.
Minyansa yayuma, aboobo waini taaku. Ncakwiila boonse beshikulisangalasha batootongela.
Mwaami Lesa ulaakubakumbula ayi, “Ono bulya ndaakumupa shili anga ngamaila, waini amafuta a olifi. Lyalo mwebo mulaakukuta. Ncakwiila mishobo imwi teshi ikamusebaanyeewo.
Nakubi kwaamba ayi mikuyu teecite maluba, nabi myuunda ya minyansa teekwe kucata shisepo, nabi shisamu sha maolifi tashikwe kucata, nabi myuunda yoonse teekwe kukusha shilyo nabi taamu mbelele mushimpati alimwi aŋombe mushimpati sha nshisho
Ono ceebo ca ndimwe, ndaakupa mulandu bamulunyungu lwanu. Ndaakumunanika bufumba bwa milambu yanu pameenso, akumutola nkobabusowela.
