Joshuwa 9:11 - Baibo Busansulushi Bwa Libuku Ili

¹¹ Ono bamaloba besu alimwi abaabo boonse bekala mucishi cesu bakatulwiita ayi, ‘Amubwese shakulya mulweendo lwanu, muye mukabonanaabo. Mukabalwiite ayi, “Tuli basebenshi banu. Atupange cipangano amwebo.” ’

Joshuwa 9:11 교차 참조

Esita 8:17

Mumandabala oonse amushipansha shoonse sha cishi umo mwakaambilishikwa mulawo wa mwaami, kwakaba kukondwa akusangalala pakati ka baJuda. Bakasekelela akulya shakulya shiinji. Mpeeke bantu baanji ba mishobo imwi bakatalika kupaila pantu pomwi abaJuda ceebo bakalinga kubaloonda.

Joshuwa 9:8

Balo bakaambila Joshuwa ayi, “Tuli basebenshi banu.” Joshuwa wakabeepusha ayi, “Ino ndimwe baani? Mwaswa kuli?”

Luka 9:3

Wakabaambila ayi, “Mutanyamuniiwo cintu nacibi comwi mulweendo lwanu, mutabwesi nkooli, coola, cakulya, maali nabi cakufwala ca peculu acimwi.

Joshuwa 1:11

“Beendeemo mumisumba kunoolwiita bantu ayi, ‘Amubambile limwi cakulya. Pabushiku bwatatu kuswa sunu, mulaakusubuka Mulonga wa Joodani, ayi mukabwese cishi ico Mwaami Lesa, Lesa wanu ncaatoomupa.’ ”

Matalikilo 43:12

Alimwi munyamune maali eendaawo aayo ngomwakatola pakutaanguna, ceebo mulyeelete kuboosha aayo ngomwakacana peculu mumasaka anu. Ndabona bakalubakobo.

Joshuwa 9:10

asheesho shoonse nshaakacita kubamaami bobilo ba bene Amoli bali kwicwe lya Joodani, nkokwaamba ayi Sioni mwaami wa kuEshiboni alimwi aOgi mwaami wa kuBashani uyo wakalinga kwikala kuAshitaloti.

Joshuwa 9:12

Shinkwa wesu uyu wakalinga kulungula nditwakoolongela pabushiku nditwakanyamuka kumisheesu ayi twise tubonane amwebo. Sombi amubone ono mbowayuma akubunda.

2 Baami 10:5

Lyalo munene wa paŋanda ya bwaami amweendeleshi wa ndabala inene kubikaawo abamaloba bamundabala alimwi abeshikulama ba bamulunyungu lwakwe Aabu boonse bakatuma nkalata kuli Jewu yakwaamba ayi, “Swebo tuli basebenshi banu alimwi tulilibambite kukusebensela. Sombi twakaaka kusala mwaami aumwi. Amucitebo ncemwayeeya mwebo ayi cilyeelete.”