Joshuwa 7:9 - Baibo Busansulushi Bwa Libuku Ili

⁹ Bene Kenani alimwi abantu bamwi boonse mucishi cino balaakunyumfwa cikani ici akwisa mukutushinguluka alimwi akutunyonyoola soonse. Ono mwebo mulaakucita buyani ayi liina lyanu likanoocilemekwa?”

Joshuwa 7:9 교차 참조

Kulonga 32:12

Ceebonshi mulisuni bene Ijipiti baambe ayi, ‘Wakakusha bantu bakwe kuswa mucishi ca Ijipiti kwaamba ayi abacailebo limwi mutulundu akubanyonyoola cakumaninina.’ Mutakalali, amupilule miyeeyo yanu, mutaleti makatasho pabantu banu.

Kulumbaisha 83:4

Batokwaamba ayi, “Tunyonyoole mushobo wabo, kwaamba ayi liina lya Isilaeli litakanyumfwiki tubili.”

Joni 12:28

Ta, amuboneshe bulemu bwanu!” Mpomunyaawo liswi lyakanyumfwika kuswa kwiculu kalyaamba ayi, “Ndabubonesha kale, alimwi ncibubonesha.”

Jowelo 2:17

Bapailishi abo basebensela Mwaami Lesa, balile pakati ka cipaililo akapinda ka kumulyango wa Ŋanda yakwe Lesa. Banokwaamba ayi, “NoBaami baLesa, amunyumfwile nkumbu bantu banu. Mutaleeki kwaamba ayi bantu mbomwakasala babe cintu ceelete kushibulukwa. Mutaleeki bakunsengwe kubaseka ayi, ‘Ino Lesa wanu uli kuli?’ ”

Esekelo 20:9

Sombi nshikwe kucita boobo ceebo ico necakalengesha liina lyangu kumana bulemu mukwiinga pameenso a baswamashi abo mbobakalinga kwikalaabo, ndakabashomesha bene Isilaeli ayi ndaakubakusha muIjipiti.

Dutolonomi 9:28

Mwabula kucita boobo bene Ijipiti inga baamba ayi mwaalilwa kushisha bantu mucishi ncemwakabashomesha. Balaakwaamba ayi mwakakusha bantu muIjipiti ayi mubacaaye ceebo mwakalinga kubapatite.

Shakubelenga 14:13

Sombi Mose wakaambila Mwaami Lesa ayi, “Mwebo mwakakusha bantu aba mucishi ca Ijipiti kwiinda munkusu shanu. Na bene Ijipiti bakanyumfwe nshemwacita kubantu banu,

Joshuwa 7:8

NoBaami baLesa, nciinshi nceenga ndaamba paciindi cino bene Isilaeli ndibakomwa akucica balwani babo?

Joshuwa 7:10

Mpomunyaawo Mwaami Lesa wakaambila Joshuwa ayi, “Nyamuka! Nciinshi ncewoonena bobulya panshi?

1 Samwelo 12:22

Mwaami Lesa wakashomesha cakulumbila ayi teshi akamushiyeewo mukwiinga cakamukonda kwaamba ayi mwebo mube bantu bakwe.

Kulumbaisha 48:10

Ono bweenka liina lyanu mbolipukite, abalo bamulumbaisha mbobakumenebo cishi coonse ca panshi, mukwiinga lyaansa lyanu lyalulyo liliswitebo bululami.

Kulumbaisha 79:9

NobaLesa nobapulushi besu, amutucaafwe ceebo ca bulemu bwa liina lyanu. Amutufuune akutulekelela shibiibi shesu ceebo ca liina lyanu.

Kulumbaisha 83:5

Balasuminishanya pamuyeeyo wabo akucatana pantu pomwi ayi bamulwaane,

Kulumbaisha 115:1

Kuteshi ndiswe noBaami baLesa, ee, kuteshi ndiswe, sombi ndimwebo nweenka nomweelete kulemekwa, ceebo ca lusuno lwanu lutamaani akushomeka kwanu.

Mika 7:10

Balwani besu balaakushibona shoonse ishi akufwa nsoni, ee, balwani abo bakalinga kututonta ayi, “Ino uli kuli Mwaami Lesa, Lesa wanu?” Tulaakubona mbweshi bakakomwe. Balaakulyatoolwa bweenka bulyatoolwa matipa mumikwakwa.