Joshuwa 7:25 - Baibo Busansulushi Bwa Libuku Ili

²⁵ Joshuwa wakaamba ayi, “Nciinshi ncewaletela mapensho aya pali ndiswe? Mwaami Lesa bulya utooleta mapensho pali ndiwe!” Mpomunyaawo bene Isilaeli boonse bakacaya Akani kumabwe. Lyalo ndibakamana kucaya bamuŋanda yakwe boonse kumabwe, bakabatentela pantu pomwi ashintu shakwe shoonse.

Joshuwa 7:25 교차 참조

Joshuwa 6:18

Sombi tamweelete kubwesa cintu nabi comwi ico ceelete kunyonyoolwa. Na mucite boobo, ingayi mwaleta mapensho alimwi abunyonyooshi mumisumba yanu nobene Isilaeli.

1 Makani 2:7

Mwanaakwe Kami nguAkani uyo wakaleta shimfulunganya pabene Isilaeli ndyaakeepa shintu shakabengwa kuli Lesa.

Dutolonomi 17:5

muntu uyo mulyeelete kumukusha pansengwe lya ndabala akumucaya kumabwe.

Bene Lefi 24:14

“Musankwa uyo mukushe mumisumba. Uyo woonse wamunyumfwa kaashingana, ulyeelete kubika maansaakwe pamutwi wa musankwa uyo ayi abe kamboni kukubisha kwakwe. Kuswawaawo, bene Isilaeli boonse balyeelete kumucaya kumabwe.

Bene Lefi 20:2

“Lwiita bene Isilaeli ayi uyo woonse wa mulikoto lyanu, nabi muswamashi ushiite pakati kanu, weenga wabenga mwanaakwe uli woonse mukulambila lesa wiitwa ayi Moleki, bantu bene Isilaeli balyeelete kumucaya kumabwe.

Bene Ebulu 12:15

Amucenjele kwaamba ayi kutabi muntu nabi womwi weshi aswe kuluse lwakwe Lesa, nabi abe anga nimbuto shamilunda isho shicita na shakula, shabisha shimwi shoonse.

2 Bene Tesalonika 1:6

Lesa ulaakucita ncaaelete kucita mukwiinga ulaakulengesha kupenga abo bamupensha

Bene Galatiya 5:12

Inga cabota bantu abo batoomufulunganya kulitungula beene.

Joshuwa 7:15

Lakwe uyo weshi akacatilwe shintu sheelete kunyonyoolwa, ulaakutentwa pantu pomwi abamuŋanda yakwe alimwi ashintu shakwe shoonse. Muntu uyo wakapwaya cipangano cangu neMwaami Lesa akucita cintu cilensha nsoni pakati ka bene Isilaeli.’ ”

Dutolonomi 21:21

Mpomunyaawo basankwa boonse ba mundabala iyo balyeelete kumucaya kumabwe. Munshila iyi mulaakukusha bubi ubu pakati ka bene Isilaeli. Mpeeke bantu boonse balaakunyumfwa cikani ico akuloonda abuumbi.

Dutolonomi 13:10

Mumuume mabwe kushikila afwe, mukwiinga walinga kusuni kumukusha kuMwaami Lesa, Lesa wanu, uyo wakamukusha mucishi ca Ijipiti umo momwakalinga basha.

Bene Lefi 21:9

“ ‘Ono na mwaana mwanakashi wa mupailishi waba mufuule, wasebaanya baishi. Aboobo ulyeelete kutentwa kushikila wafwa.

Bene Lefi 20:14

“Na musankwa weeba mwaana alimwi abanyina, boonse botatwe balyeelete kutentwa kushikila bafwa, mukwiinga bacita cintu cilensha nsoni. Cintu ca mbuli ceeci taceelete kucitika pakati kanu.

Matalikilo 38:24

Ndipakeenda ciindi cakuyanda kukwana myeenshi yotatwe, umwi muntu wakaambila Juda ayi, “Mulokashi wako Tama, wakalinga kucita anga ngumufuule ono bulya ulimitite.” Mpomunyaawo Juda wakaambila bantu ayi, “Amumukusheemo, mumutole mukamuteente kushikila afwe.”

Matalikilo 34:30

Lyalo Jakobo wakaambila Simyoni aLefi ayi, “Mwaleta makatasho pali ndime. Bulya bene Kenani, bene Pelisi, abamwi boonse mucishi batoompata. Nshicite basankwa baanji. Na bakalibuunge kwaamba ayi bandwaane, nebo amwebo noonse nobamuŋanda yangu tulaakunyonyoolwa.”

1 Samwelo 14:29

Jonasani wakakumbula ayi, “Bata bapensha bantu bene misheesu. Amubone nebo ndanyumfwa kabotu mukwiinga ndalyaawo tubuuci!

Dutolonomi 13:11

Lyalo bene Isilaeli boonse balaakunyumfwa cikani ico akuloonda abuumbi. Aboobo taaku nabi womwi eshi akacite bubi bwa mushobo uyu alimwi.

Tushimpi 1:19

Aya ngomeelelesho a bantu boonse bakakatila kubilila mubwiipi. Ee, buboni bwa mushobo uyo bulakwempula buumi bwa babulangoola.

Tushimpi 15:27

Uyo ubilila mukutashomeka ulaletela bamuŋanda yakwe mapensho, sombi uyo ukaka makulo, ulaakuba abuumi.