15 Lakwe uyo weshi akacatilwe shintu sheelete kunyonyoolwa, ulaakutentwa pantu pomwi abamuŋanda yakwe alimwi ashintu shakwe shoonse. Muntu uyo wakapwaya cipangano cangu neMwaami Lesa akucita cintu cilensha nsoni pakati ka bene Isilaeli.’ ”
Lyalo bakapolenshanyabo abana bakwe Jakobo basankwa kabaswa mumyuunda. Ndibakacinyumfwa cikani ico, bakakankamana akukalala abuumbi pacintu cakacita Shekemu, ico cilensha nsoni kubene Isilaeli, ndyaakacata mwanaakwe Jakobo akukumanaakwe.
Mpeeke ndakabwesa mubili wakwe akuutimboola mushipanshapansha isho nshendakatumina mikowa ili likumi ayobilo ya bene Isilaeli. Ndakacita boobo mukwiinga bantu aba bakacita cintu cibiibi, cilensha nsoni mucishi cino ca Isilaeli.
Ino nebo utoonjeyela buyani? Utooyeeya ayi musebaanyo inga ndaumana mushobonshi pamubili wangu? Alimwi awebo omwiine inga wasebaana abuumbi muIsilaeli. Na ulisuni waambebo abaami, inga tabakukashiiwo kunjeba.”
Mpomunyaawo Saulo wakaamba ayi, “Ndabiisha. Boola Defedi omwanaangu. Teshi nkakuyeeyelewo kukucisa alimwi, mukwiinga walinga kweelete kuncaya mashiku ainda, sombi wandekelela. Ncakwiila ndacita mbuli muntu muluya alimwi ndalubya abuumbi.”
Bene Isilaeli bakabisha. Bapwaya cipangano ncendakapanga ambabo akubalwiita ayi bacilaame. Bakabwesa shintu shimwi shakalinga kweelete kunyonyoolwa. Aboobo bakeepa, bakabeca, alimwi bakashisa shintu isho pashintu shabo.
Ingayi buce macuunsacuunsa, Joshuwa wakaleta bene Isilaeli kunembo, kweelana amikowa yabo. Mpeeke kwakasalwa mukowa wakwe Juda.
Mpeeke bantu ba kuGibiya bakesa akushinguluka ŋanda mondakalinga mashiku. Bakalinga kusuni kuncaya. Ono ndibakaalilwa, bakacata kasuwa wangu akukumanaakwe cakumukakatisha kushikila wafwa.
Kumikowa yoonse ya bene Isilaeli tunanoobwesa walikumi kwaamba ayi banoopa bashilumamba shakulya. Lyalo likoto lya bashilumamba lyaakushika kuGibiya mucishi ca bene Benjameni, balaakuboosha cishole ceebo cakucita cintu cilensha nsoni mucishi ca Isilaeli.”
