Joshuwa 5:9 - Baibo Busansulushi Bwa Libuku Ili

⁹ Mpeeke Mwaami Lesa wakaambila Joshuwa ayi, “Pabushiku bwasunu, ndamukusha musebaanyo wakuba basha mucishi ca Ijipiti.” Nceceeco musena uyo ncebakalinga kuwiitila ayi Gilugala. Liina ilyo asunu nkolicili.

Joshuwa 5:9 교차 참조

1 Samwelo 17:26

Mpeeke Defedi wakeepusha basankwa bakalinga pafwaafwi ayi, “Ino musankwa weshi akacaaye mwine Filisiti ulya akukusha malwesa ngwaatoolamba bene Isilaeli, ulaakucitilwa buyani? Alimwi lakwe ngumwine Filisiti buyani, utapalwitwe, weenga kaanyansha likoto lya bashilumamba bakwe Lesa muumi?”

Joshuwa 4:19

Ono pabushiku bwalikumi mumweenshi utaanshi, bantu ndibakasubuka Mulonga wa Joodani, bakaya mukuyaka misumba kuGilugala, pafwaafwi andabala ya Jeliko.

Matalikilo 34:14

Bakamwaambila ayi, “Tatukoonshi kusuminisha ayi nankashi yesu eebwe kumusankwa utapalwitwe. Ico inga caleta musebaanyo pakati kesu.

Bene Lefi 24:14

“Musankwa uyo mukushe mumisumba. Uyo woonse wamunyumfwa kaashingana, ulyeelete kubika maansaakwe pamutwi wa musankwa uyo ayi abe kamboni kukubisha kwakwe. Kuswawaawo, bene Isilaeli boonse balyeelete kumucaya kumabwe.

Esekelo 23:8

Mwanakashi uyu taakwe kucileka bufuule ubu mbwaakatalikila muIjipiti basankwa ndibakalinga kukumanaakwe abo bakamulya cisungu akumulengesha kuba mufuule.

Esekelo 23:3

Banakashi abo bakatalika kucita bufuule muIjipiti kabacilibo bamyooye. Mucishi umo mobakalitwa shisungu shabo.

Jelemiya 9:25

Mwaami Lesa waamba ayi, “Ciindi cilaakushika ndyeshi nkape mulandu abo boonse bakapalulwa, sombi batanambili.

Kulumbaisha 119:39

Amunkushe musebaanyo uyo ngoonoonda ceebo milawo yanu njibotu.

1 Samwelo 17:36

Ndushinisho nebo nemusebenshi wanu ndacaya nkalamu alimwi abeya. Ono sunu mwine Filisiti ulya utooba bweenka mbuli banyama abo mukwiinga wanyansha likoto lya bashilumamba bakwe Lesa muumi.

1 Samwelo 14:6

Jonasani wakaambila musankwa cikula bwangu ayi, “Atusubukile kumisumba ya babalya bakunsengwe, bene Filisiti. Mpashi Mwaami Lesa utootucafwa. Na wacita ubo, taaku mpweenga cayumina kuli nguwe kutulengesha ayi tukome nabi tuli baniini buyani pano.”

Joshuwa 24:14

Lyalo Joshuwa wakatolelela ayi, “Anu ono kamulemeka Mwaami Lesa akumusebensela cakushomeka munshila shoonse. Amusowe balesa bakalinga kulambila bamashali banu bakulukulu muMesopotamya amuIjipiti. Lyalo musebenselebo Mwaami Lesa.

Joshuwa 5:8

Ono mushobo woonse ndiwakamana kupalulwa, bakalinga kwikalabo mumisumba kushikila shiloonda shoosha.

1 Samwelo 7:16

Mwaaka amwaaka wakalinga kushinguluka kuBetelo, Gilugala, alimwi aMisipa. Mumisena iyi wakalinga kuya coombolosha milandu.

2 Samwelo 19:15

Lyalo pakuboolela, mwaami Defedi wakakumanishikwa abasankwa bene Juda abo bakalinga besa kuGilugala kwaamba ayi bamucafweeko pakusubuka Mulonga wa Joodani.

Mika 6:5

Nobantu bangu, amwiibaluke Balaki mwaami wa bene Moabu ncaakapinga kucita kuli ndimwe. Amwiibaluke Balaamu mwanaakwe Beyo mbwaakakumbula. Amwiibaluke cakacitika mbomwakeenda kuswa kuShitimu kuya kuGilugala kwaamba ayi mwishibe milimo yangu ya bululami yakumupulusha.”

Sefaniya 2:8

Mwaami Lesa Shinkusu shoonse waamba ayi, “Ndanyumfwa matushi a bene Moabu, akunyansha kwa bene Amoni. Boonse bakalinga kutukana bantu bangu akwaamba ayi balaakubwesa cishi cabo.

Neyemiya 12:29

Bamwi bakaswa kundabala ya Beti Gilugala, cishi ca Geba aca Asimafeti ceebo beshikwiimba bakayaka mishi yabo kushinguluka Jelusalemu.

Osiya 4:15

“Nakubi kwaamba ayi bene Isilaeli tabashomeki kuli ndime, bene Juda balo batakaciti mulandu wa mushobo uyo. Tabeelete kuya mukulambilila kuGilugala nabi kuBeti Afeni alimwi tamweelete kushomesha cakulumbila uko ayi, ‘Kweelana ambocibete lushinisho ayi Mwaami Lesa ngumuumi!’

Amosi 5:5

Mutanoolangoola ndabala ya Betelo. Mutayi kundabala ya Gilugala. Mutayi lweendo kundabala ya Biyasheba mukwiinga ndabala ya Gilugala ilaakucatwa busha ayalo ndabala ya Betelo ilaakubabo matongo.”