Joshuwa 5:1 - Baibo Busansulushi Bwa Libuku Ili

¹ Ono bamaami boonse bene Amoli kumbo lya Joodani, alimwi abamaami bene Kenani muloombe lwa Lweenge lwa Mediteleniyani bakanyumfwa ayi Mwaami Lesa wakayumya Mulonga wa Joodani kushikila bene Isilaeli boosubuka. Mpeeke boonse bakaloonda abuumbi ankusu shoonse shakulwana abene Isilaeli shakabula.

Joshuwa 5:1 교차 참조

Shakubelenga 13:29

Bene Amaleki balekala kulubasu lwa kumalenge lya cishi, bene Iti, bene Jebusi alimwi abene Amoli balekalila kulubasu lwa tulundu. Balo bene Kenani balekala mweela Lweenge lwa Mediteleniyani alimwi amweela Mulonga wa Joodani.”

1 Baami 10:5

Wakabona shakulya isho shakalinga kubambwa patebulu yakwe, kwakalinga koona bacinenenene bakwe, misebenselo ya basebenshi bakwe bakalinga kusebensa muŋanda yakwe ashakufwala sha pancito. Wakabona basebenshi beshikumupa shakulya na kwaba shakusekelela, milambu njaakalinga kubenga muŊanda yakwe Lesa. Ne, kucana wabula acakwaamba!

Ciyubululo 18:10

Balaakwiimikana palaale kuloonda kwaamba ayi inga baakupekwa mulandu abalo. Balaakwaamba ayi, “Mapensho, mapensho kundabala inene ya Babiloni! Ncakwiila muawala yomwibo iyi wapekwa mulandu!”

Amosi 2:9

“Nakubi boobo ndakanyonyoola bene Amoli ceebo cabo. Bene Amoli bakalinga balaamfu anga nshisamu sha sida, alimwi bayumu anga njimibanga. Ndakanyonyoola shisepo shabo akunyonyoola miyanda yabo panshi peene.

Danyelo 5:6

Ciwa ca mwaami cakasanduka kuboowa. Wakaloonda abuumbi cakwaamba ayi mumanungo mwakaboolabo tontolo.

Esekelo 21:7

Ono na bakwiipushe ayi, ‘Utootongelanshi?’ Ubakumbule ayi, ‘Ntootongela ceebo ca makani ayo eshi akese. Myoyo yabo boonse ilaakuswa kuboowa, maansaabo alaakubabo lempwete, balaakutyongola amumanungo abo moonse mulaakuboolabo tontolo.’ Makani ayo alaakucitika cancinencine. Nebo neMwaami Lesa Shinkusu shoonse ndaamba.”

Esekelo 16:3

akwiilwiita ayi nebo neMwaami Lesa Shinkusu shoonse ntokwaamba ayi, ‘Ondabala ya Jelusalemu, wakashalilwa mucishi ca Kenani. Baiso bakalinga bene amoli, banyoko bakalinga bene Iti.

Kulumbaisha 135:11

mbuli Sioni mwaami wa bene Amoli, Ogi mwaami wa kuBashani abamaami boonse ba kuKenani.

Esila 9:1

Ono shintu ishi ndishakamana kucitwa, bamatanjilili bakesa kuli ndime akwaamba ayi, “Bene Isilaeli, kubikaawo abapailishi alimwi abene Lefi tabakwe kulipatula kubantu mbobekalaabo. Balakonkela micito yabo ibiibi, mbuli ya bene Kenani, bene Iti, bene Pelisi, bene Jebusi, bene Amoni, bene Moabu, bene Ijipiti alimwi abene Amoli.

2 Samwelo 21:2

Mpomunyaawo Defedi wakeeta bene Gibyoni akubandikaabo. Bene Gibyoni abo tebakalinga lubasu kubene Isilaeli, sombi mbobakapuluka pabene Amoli. Ono bene Isilaeli bakashomesha cakulumbila ayi teshi bakabacaaye. Nacibi boobo Saulo lakwe mukusunishisha bene Isilaeli abene Juda, wakalinga kusuni kumana kubanyonyoola.

1 Samwelo 25:37

Ndibwakaca macuunsa, Nabali ndyaakakololokwa, Abigelo mukaakwe wakamwaambila makani oonse ayo. Mpeeke wakafwa citu akuyumabo nta anga ndibwe.

Boomboloshi 11:23

“Lyalo Mwaami Lesa, Lesa wa bene Isilaeli wakatanda bene Amoli kwaamba ayi bantu bakwe babwese cishi cabo. Ono webo inga twakupetanshi cishi ico?

Boomboloshi 4:2

Aboobo Mwaami Lesa wakabaaba mumaansa akwe Jabini mwaami wa bene Kenani wakalinga kulela muAsoli. Mutanjilili wa bashilumamba bakwe wakalinga kwiitwa ayi Sisela. Sisela wakalinga kwikala mundabala ya Alosheti Agoyimu.

Boomboloshi 3:3

Mishobo yakalinga yacaala mucishi njeeyi. Baami bosanwe ba bene Filisiti, bene Kenani boonse, bene Sidoni, bene Ifi abo bakalinga kwikala kutulundu twa Lebanoni, kuswa kuKalundu ka Baali Emoni kushika mumwinjililo wa kuAmati.

Boomboloshi 1:1

Ono Joshuwa ndyaakafwa, bene Isilaeli bakeepusha Mwaami Lesa ayi, “Ino mbaani pakati kesu beshi bataangune kuya mukulwana abene Kenani?”

Joshuwa 24:15

Ono na tamusuminite kusebenselabo Mwaami Lesa, amusale sunu nobeene uyo ngweshi munoosebensela, na mbalesa abo bakalinga kulambila bamashali banu bakulukulu mucishi ca Mesopotamya, nabi na mbalesa ba bene Amoli abo bene cishi ncemutekwikalaamo. Sombi nebo abamuŋanda yangu, tulanoosebenselabo Mwaami Lesa.”

Joshuwa 17:18

sombi cishi ca tulundu acalo cilaakuba cinenu, nacibi kwaamba ayi nduundubo. Mulaakusokola kuswa kweela akweela. Nabi bene Kenani balicite shikoci sha nshimbi alimwi mbayumu, mwebo inga mwabatanda mucishi umo.”

Joshuwa 17:12

Nacibi boobo bene Manase bakaalilwa kubwesa mandabala anene aya, aboobo bene Kenani bakatolelela kwikalaamo.

Kulonga 23:28

Lyalo ndaakulengesha balwani banu kupilingana kuboowa. Ndaakutanda bene Ifi, bene Kenani alimwi abene Iti kunembo lyanu.

Matalikilo 48:22

Ono webo, mbooli muntu wiindaawo pabamakwanu mubulemu, ndakupa cishi ncendakanyaya bene Amoli mukusebensesha mupeeni abuta.”

Matalikilo 12:6

Abulamu wakeenda mucishi ico akushika kumubanga wa kuMole muShekemu. Paciindi ico bene Kenani bakalinga kunoocikala mucishi ceenka ico.

Isaya 41:5

“Bantu bamushishi sha muloombe lwa lweenge bakabona nkusu shangu akuloonda. Ndushinisho ndibakashibona bakatutuma. Aboobo boonse babungana akwisa pafwaafwi.

Joshuwa 3:16

maanshi ayo akeemikana kukunka. Lyalo akalundanabo kulaale mundabala iitwa ayi Adamu, iyo ibambene aSaletani. Maanshi akacileka kukunka kuLweenge lwa Mwiinyo. Paceebo ceeci bantu bakasubuka pafwaafwi andabala ya Jeliko.

Joshuwa 3:17

Bapailishi bakalinga kuyumwite Libokoshi lya Cipangano lya Mwaami Lesa bakalinga kwiimfwi payumu pakati ka Mulonga wa Joodani, kushikila bene Isilaeli boonse basubuka payumu nta.