23 Mpeeke Joshuwa wakaamba ayi, “Ono anu amusowe balesa beensu bali pakati kanu, akupa myoyo yanu kuMwaami Lesa, Lesa wa bene Isilaeli.”
Lyalo Joshuwa wakatolelela ayi, “Anu ono kamulemeka Mwaami Lesa akumusebensela cakushomeka munshila shoonse. Amusowe balesa bakalinga kulambila bamashali banu bakulukulu muMesopotamya amuIjipiti. Lyalo musebenselebo Mwaami Lesa.
Koteya matwi kushintu sha busongo akubika moyo wako mukushinyumfwisha.
Mutalekeli moyo wangu kusuna shibiibi. Mutandekeleshi ayi ncite shibiibi pantu pomwi abamucita shibi. Ee, kutandekelesha ayi ndye shilyo shabo shapakusekelela kwabo.
Amwiishe moyo wangu kusuna kwiisha kwanu. Ee, amunjiishe kusuna kwiisha kwanu kuteshi bubile.
Tamweelete kulipangila balesa ba silifa nabi golodi twakunoolambila pantu pomwi anebo.
Bene Isilaeli teshi bakanoocibete lubasu kushibumbwabumbwa. Ndaakukumbula mipailo yabo akunoobalama. Nebo ndi anga ncisamu ca mapaini ico citaloshi matewu. Shoolwe shabo shoonse shilaswa kuli ndime.”
Aatulengeshe kuba bantu banyumfwila nguwe lyoonse kwaamba ayi tunookala mbuli mbwaasuni akukonkela milawo amilasho yoonse njaakapa bashali besu bakulukulu.
Mwaami Lesa, Lesa wesu aabe aswebo bweenka mbwaakalinga abamashali besu bakulukulu. Atatushiyi cisuukila nabi kutusuula.
Ndime Mwaami Lesa, Lesa wanu nendakamukusha mucishi ca Ijipiti. Amulakame nebo ndaakumulisha.
