21 Sombi bantu bakaambila Joshuwa ayi, “Sobwe! Tunanoosebenselabo Mwaami Lesa.”
“Umwi ulaakwaamba ayi, ‘Ndi wa Mwaami Lesa.’ Umwi ulaakuliita ayi wamulunyungu lwakwe Jakobo. Umwi alakwe ulaakulilemba pamukono ayi, ‘Ndi wa Mwaami Lesa’ alimwi ulaakunooliita ayi wamulunyungu lwa bene Isilaeli.”
Lyalo bakaambila Mose ayi, “Twaambilebo webo weenka, tutoonyumfwa. Tutooloonda ayi na Lesa aambe aswebo, tutoofwa.”
Mpomunyaawo bantu boonse bakakumbula pantu pomwi ayi, “Tulaakucita shoonse shaamba Mwaami Lesa.” Lyalo Mose wakaya walwiita Mwaami Lesa makani aya.
Mwebo mwasumina sunu ayi Mwaami Lesa nguLesa wanu, alimwi ayi munanokweenda munshila shakwe shoonse akukonkela milawo amilasho yakwe yoonse.
Lyalo wakabwesa libuku lya cipangano umo mwakalinga kulembetwe milawo ya Mwaami Lesa, akwiibelengela bantu. Bantu bakaamba ayi, “Swebo tunanoonyumfwila Mwaami Lesa akucita shoonse nshaatulwiita.”
Lyalo Mose wakaya mukulwiita bantu boonse milawo amilasho yoonse ya Mwaami Lesa. Bantu boonse bakakumbula pantu pomwi ayi, “Tulaakucita shoonse shaamba Mwaami Lesa.”
Na mukafutatile Mwaami Lesa akusebensela balesa beensu, ulaakukalala akucita cintu ciyoosha pali ndimwe. Ulaakumunyonyoola nakubi kwaamba ayi lyoonse wakalinga kumucitila shintu shibotu.”
Lyalo Joshuwa wakaamba ayi, “Mwebo nobeene mwalibeta bakamboni kwaamba ayi mwasala kusebensela Mwaami Lesa.” Abalo bakakumbula ayi, “Ee, tuli bakamboni.”
