9 Mwaami Lesa wakalinga kutanda mishobo iyoosha alimwi icite nkusu kuswa kunembo lyanu. Taaku nabi womwi wakakonsha kumukoma.
Anu webo Joshuwa, taaku weshi akakukomeewo mubuumi bwako boonse. Ndaakunooli awebo kweelana ambondakalinga aMose. Teshi nkakushiyeewo nabi kukusuula.
Lyalo ulaakutandaanyamo bantu boonse mbuli mbweshi munooya ciya kunembo. Mpeeke mulaakwikala mucishi ca mishobo inene alimwi icite nkusu kwiinda ndimwe.
Mwaami Lesa, Lesa wanu ulaakubalengesha kuya ciboola pesule kuboowa alimwi ulaakubatanda kuswa kunembo lyanu. Cishi cabo cilaakuba caanu kweelana ambwaakashomesha Mwaami Lesa, Lesa wanu.
Sombi ndaakunobatanda paniini paniini kushikila mukabe baanji akukumana cishi coonse ico.
Mpeeke Kalebu wakatanda bamulunyungu lwakwe Anaki botatwe kuswa mundabala inene ya Ebuloni. Wakatandamo Sheshayi, Ayimani alimwi aTalimayi, bamulunyungu lwakwe Anaki.
Ulaakwaaba bamaami babo mumaansa anu. Mulaakubacaya alimwi akulobya meenaabo. Taaku eshi akakonshe kumukoma. Ncakwiila mulaakubanyonyoola boonse.
Kuswawaawo, bamashali besu bakulukulu bakashiilwa Tente kuswa kubamashali babo. Mpeeke bakalinga kwiinyamuna ndibakalinga aJoshiwa, pakubwesa cishi ico Lesa ncaakatandamo mishobo imwi kunembo lyabo. Bakekala aTente iyo kushikila amunshiku shakwe Defedi
Mpomunyaawo munjelo wangu ulaakutanjila kunembo lyanu akumushisha mucishi ca bene Amoli, bene Iti, bene Pelisi, bene Kenani, bene Ifi alimwi abene Jebusi. Boonse abo ndaakubanyonyoola.
Sombi mulyeelete kushomeka kuMwaami Lesa, Lesa wanu bweenka mbomwakalinga kwisule kushika asunu.
NguMwaami Lesa wakatanda mishobo imwi yoonse kunembo lyesu kubikaako abene Amoli abo bakalinga kwikala mucishi cino. Anu aswebo tunanoosebenselabo Mwaami Lesa mukwiinga nguLesa wesu.”
Aabu wakacita shibiibi shilensha nsoni pakunoolambila shibumbwabumbwa mbuli mbobakalinga kucita bene Amoli abo mwaami Lesa mbwaakatanda mucishi, bene Isilaeli ndibakalingabo kwinjilaamo.
Mwebo ndimwe baLesa besu. Bene Isilaeli ndibakesa muno mucishi, mwakatandaanya bantu abo bakalinga kwikalaamo. Lyalo mwakapa cishi cabo kubamulunyungu lwakwe Abulaamu, shicibusa wanu, ayi cibe caabo kwalyoonse aLyoonse.
