Joshuwa 22:6 - Baibo Busansulushi Bwa Libuku Ili

⁶ Mpomunyaawo Joshuwa wakabapa coolwe akubaambila ayi banooya. Mpeeke abalo bakaya kumishaabo.

Joshuwa 22:6 교차 참조

Joshuwa 14:13

Lyalo Joshuwa wakapa coolwe Kalebu mwanaakwe Jefune akumupa ndabala inene ya Ebuloni ayi njaakwe.

Luka 24:50

Lyalo Jesu wakabatanjilila kuswa mundabala inene iyo kushikila kuBetani. Ndibakashika wakanyamuna maansaakwe akubapa coolwe.

2 Samwelo 6:18

Ndyaakamana kubenga milambu iyo, wakapa coolwe bantu boonse muliina lya Mwaami Lesa Shinkusu shoonse.

Kulonga 39:43

Lyalo Mose wakeendaamo moonse akubona kwaamba ayi shoonse bashipanga kweelana abwakaamba Mwaami Lesa. Mpeeke Mose wakabapa coolwe.

Matalikilo 47:7

Lyalo Josefu wakaleta Jakobo baishi, akubatondesha kumwaami. Jakobo wakapa coolwe mwaami.

Luka 2:34

Mpeeke Simyoni wakabapa coolwe akulwiita Maliya banyina Jesu ayi, “Uyu mwaana wasalwa aLesa kwaamba ayi awishe akubusha baanji pakati ka bene Isilaeli. Ulaakuba citondesho cakuswa kuli Lesa ico baanji nceshi bakakake.

2 Makani 30:18

Nakubi kwaamba ayi bantu baanji bakaswa kumukowa wakwe Efuleemu, Manase, Isaka alimwi awakwe Sebuluni tabakwe kulisalasha, bakalyaako bana ba mbelele ba bushiku bwa Pasika. Sombi tabwishi mbocakalinga kulembetwe ubo. Paceebo ceeco Esekiya wakabapaililaako ayi, “NoBaami baLesa, kwiinda mububotu bwanu, amulekelele boonse

2 Samwelo 6:20

Ono Defedi ndyaakaboola kuŋanda ayi ape coolwe bamuŋanda yakwe, Mikali mwanaakwe Saulo wakaswa ayi amukumanye akwaamba ayi, “Ee, sunu kwalingaanka mwaami wa cishi ca Isilaeli kupanga liina, mbomwalinga kuliyaloola pameenso abasebenshi banakashi ba bacinenenene banu anga ngumuntu muntubo! Ne, lushinisho cilensha ansooni.”

1 Samwelo 2:20

Mpeeke Eli wakalinga kupa coolwe Elikana aAana, akwaambila Elikana ayi, “Mwaami Lesa aakupe baana baambi kwiinda mumwanakashi uyu Aana, kwaamba ayi babwese musena wa wooyu ngowakabenga mumaansaakwe.” Na bamanisha bakalinga kuboolela kumishaabo.

Matalikilo 47:10

Jakobo wakapa mwaami coolwe cakumulasha akumushiya.

Matalikilo 14:19

Wakapa coolwe Abulamu akwaamba ayi, “Lesa wakwiculu Wiindaawo, uyo wakalenga liculu acishi ca panshi, ape coolwe Abulamu.

Joshuwa 24:28

Kuswawaawo Joshuwa wakaambila bantu ayi baye mwabomwabo.

1 Samwelo 10:25

Samwelo wakasansulula milimo ya mwaami anshaaelete kucita, akushilemba mulibuku ilyo ndyaakabika mumusena usalalite. Lyalo wakabaambila ayi bamwaike.

1 Samwelo 13:2

Saulo wakasala basankwa bene Isilaeli shuulu shotatwe. Bali shuulu shobilo wakalingaabo muMikimashi amucishi ca tulundu ca Betelo. Bali cuulu wakabatuma amwanaakwe musankwa Jonasani kuGibiya mucishi ca mukowa wakwe Benjameni. Basankwa bamwi boonse Saulo wakabaambila ayi bayebo mwabo mwabo.

2 Samwelo 6:19

Kuswawaawo bantu boonse, nkokwaamba ayi bene Isilaeli boonse, basankwa abanakashi wakabaabila shinkwa womwi womwi, cipumputa ca nyama yakutenta acisankata ca minyansa yakuyanika comwi comwi. Lyalo bantu boonse bakaya mwabo mwabo.

1 Baami 8:66

Pabushiku bwasanu ashotatwe Solomoni wakabapalanganya. Boonse bakamulumba akuboolela mwabo mwabo kabasangalete mukwiinga wa shoolwe Mwaami Lesa nshaakapa Defedi musebenshi wakwe alimwi abantu bakwe boonse bene isilaeli.