10 Ono ndibakashika kuGeliloti, pafwaafwi aMulonga wa Joodani mucishi ca Kenani, bamumukowa wakwe Lubeni, Gadi alimwi amusa wa mukowa wakwe Manase bakayaka cipaililo cinene alimwi cibotu abuumbi mweela Mulonga wa Joodani.
Jakobo wakabuka macuunsa bushiku bwakaboolaawo, wabwesa libwe ilyo ndyaakataaminaawo akuliimika kwaamba ayi libe ciibalusho. Kuswawaawo wakapuumwitawo mafuta a olifi ayi libe lisalalite kuli Lesa.
Mpeeke bamumukowa wakwe Lubeni, Gadi alimwi amusa wa mukowa wakwe Manase bakaboolela kumishaabo. Bakashiya bene Isilaeli bamwi boonse kuShilo mucishi ca Kenani akuboolela kuGilyadi cishi cabo beene ico cakabapa Mwaami Lesa kwiinda muli Mose.
Bene Isilaeli bamwi boonse bakanyumfwa ayi bakayaka cipaililo kulubasu lwabo mumanyinsa a Kenani kuGeliloti pafwaafwi aJoodani.
Ciindi ico caakushikila mukati mwiine muIjipiti mulaakuba cipaililo cakulambililaawo Mwaami Lesa. Akwalo kunyinsa ya ncico kulaakuba licincilo lyeshi likayakwe mukupa bulemu Mwaami Lesa.
Mwaami Lesa wakaboneka kuli Abulamu akumwaambila ayi, “Ici ncecishi nceshi nkape bamulunyungu lwako.” Lyalo Abulamu wakayakila Mwaami Lesa cipaililo peenka apo mpaakaboneka kuli nguwe.
Kuswawaawo wakatuntuluka kuya kumalenge kucishi ca tulundu, kwicwe lya ndabala ya Betelo akuyaka misumba yakwe pakati ka ndabala ya Betelo yalo kaili kumbo, aya Aayi yalo kaili kwicwe. Kulya akwalo wakayaka cipaililo akulambila Mwaami Lesa.
