Joshuwa 2:18 - Baibo Busansulushi Bwa Libuku Ili

¹⁸ Ono mbweshi ukacite mbulya: Na tukashike mucishi cino, ukaange kasani kasalala aka pambwelyo njewatukushishaawo. Ukalete baiso, banyoko abamakwanu lifumo lyomwi boonse muŋanda ino.

Joshuwa 2:18 교차 참조

Joshuwa 6:23

Paceebo ceeci basankwa abo bakaya mukuleta Laabu, baishi banyina, bamanandumi shakwe alimwi abaabo boonse mbwaakalingaabo. Bakakusha boonse bakalinga muŋanda yakwe, akubabika pafwaafwi amisumba ya bene Isilaeli.

Joshuwa 2:21

Alakwe wakakumbula ayi, “Canyumfwika, acibe bweenka mbomwaamba.” Mpeeke bakalashanya, basankwa balya bakakumbuluka, kabaya. Lyalo Laabu wakaanga kasani kasalala kalya pambwelyo.

Bene Ebulu 9:19

Cakutaanguna, Mose wakalwiita bene Isilaeli shaMilawo yakwe Lesa yoonse. Lyalo wakabwesa bulowa bwa bacende alimwi ampongo, wabusenkanya amaanshi akusanseela palibuku lyakalinga kulembetwemo Milawo alimwi apabantu boonse. Pakusanseela wakasebensesha kasamu kwakalinga kwaangitwe booya busalala bwa mbelele.

Milimo ya Batumwi 10:33

Mpomunyaawo ndakatuma bantu kuli ndiwe alimwi wacita kabotu kwisa. Ono soonse bulya tuli pameenso akwe Lesa kwaamba ayi utulwiite makani oonse ayo ngaakubambila Mwaami Lesa.”

Bene Lefi 14:4

mupailishi ulaakwaamba ayi kuletwe bayuni bobilo basalalite kweelana aMilawo, pantu pomwi akasamu ka sida, kasani kasalala alimwi afuute.

2 Timoti 1:16

Nkumbu shakwe Lesa shibe pabamuŋanda yakwe Onesifolasi, ceebo lakwe lyoonse wakalinga kunkusha buumba. Taakalinga kunyumfwa nsoni kwaamba ayi ndalinga muntolongo,

Milimo ya Batumwi 11:14

Utoosa mukukulwiita maswi eshi apulushe ndiwe aba muŋanda yako yoonse.’

Milimo ya Batumwi 10:27

Ono kaaya bwaamba aKonelyasi wakenjila muŋanda umo mwaakacana bantu baanji kababungene.

Luka 19:9

Jesu wakamwaambila ayi, “Lupulusho sunu lwashika muŋanda ino mukwiinga alakwe musankwa uyu ngumwanaakwe Abulaamu.

Shakubelenga 19:6

Mpeeke ulyeelete kubwesa kasamu ka sida, fuute alimwi akasani kasalala akushiwaala mumulilo mutoopya ŋombe iyo.

Shakubelenga 4:8

Ono pashintu shoonse ishi, bakafwekewo cisani cisalala pyu akwiilikawo cipaya citeshimite. Lyalo bakenjisheemo shisamu shakunyamushaako.

Matalikilo 12:2

Ndaakukupa bamulunyungu lwako baanji, alimwi balaakuba mushobo wiindaawo. Ndaakukupa coolwe akulengesha liina lyako kupuka ayi bantu bakabe acoolwe ceebo ca ndiwe.

Matalikilo 7:1

Mwaami Lesa wakaambila Nowa ayi, “Njila mubwaato abamuŋanda yako boonse. Ndacana kwaamba ayi pabantu boonse mucishi ca panshi ndiwe ucitabo shiluleme.

Esita 8:6

Ceebo inga nshikoondwi kubona bene misheesu kabanyonyoolwa akubona bamakwesu kabacaikwa.”

Lwiimbo lwakwe Solomoni 4:3

Milomo yako ili anga nkasani kasalala pyu. Ncakwiila mulomo wako ngubotu abuumbi na kooamba. Aalo macili ako mukati ka nsalu yuubu ya kumeenso alaboneka anga nshipansha shobilo sha mapomegilaneti.

Kulonga 12:13

Bulowa ubo mbweshi bukananikwe kushisamu sha kumilyango ya maandaanu, bulaakuba ncecitondesho ayi ngamaandaanu. Na ndaboona bulowa ubo, ndaakumusotokela, nkokwaamba ayi mwebo teshi nkamuletelewo mwaalu unyonyoola pakunoopa mulandu bene Ijipiti.

Joshuwa 6:25

Sombi Joshuwa wakapulusha mwanakashi mufuule Laabu alimwi abamakwabo boonse, ceebo wakashisa beshikusensa abo mbwaakalinga watuma kuJeliko. Bamulunyungu lwakwe Laabu, bacili mucishi ca Isilaeli abobulya.