10 Twakanyumfwa mbuli Mwaami Lesa mbwaakayumya Lweenge Lusalala ayi musubuke paciindi ndimwakalinga kuswa mucishi ca Ijipiti. Twakanyumfwa ambomwakacaya Sioni aOgi, bamaami bobilo ba bene Amoli kwicwe lya Mulonga wa Joodani.
“Sombi mwaami Sioni wakatukasha kwiinda mucishi cakwe. Mwaami Lesa, Lesa wanu wakalinga wamulengesha bushicimpamya abwaashu, kwaamba ayi tumukoome akubwesa cishi cakwe ico ncetucikalaamo abobulya.
Lesa wakabakusha mucishi ca Ijipiti, ulabalwaninaako anga ninyati.
Wakacita boobo kwaamba ayi bantu boonse mucishi ca panshi bakabone nkusu shakwe mboshibete alimwi ayi mwebo mukanoolemeka Mwaami Lesa, Lesa wanu lyoonse.”
Kuswawaawo Mose wakatuma bantu kuswa kuKadeshi akuya kumwaami wa kuEdomu akwaamba ayi, “Makani aya aswa kubamakwabanu, mikowa ya bene Isilaeli. Mwebo mulishi makatasho ngotwakalingaamo,
Lesa wakabakusha mucishi ca ijipiti. Ulabalwaninaako anga ninyati. Balanyonyoola balwani babo, kupwayoola mafuwa abo akubayasa mifwi yabo.
Ono bamaami boonse bene Amoli kumbo lya Joodani, alimwi abamaami bene Kenani muloombe lwa Lweenge lwa Mediteleniyani bakanyumfwa ayi Mwaami Lesa wakayumya Mulonga wa Joodani kushikila bene Isilaeli boosubuka. Mpeeke boonse bakaloonda abuumbi ankusu shoonse shakulwana abene Isilaeli shakabula.
Ndimwe mwakacalula tuntupu atulonga, ndimwe mwakayumya milonga inene ikunka.
asheesho shoonse nshaakacita kubamaami bobilo ba bene Amoli bali kwicwe lya Joodani, nkokwaamba ayi Sioni mwaami wa kuEshiboni alimwi aOgi mwaami wa kuBashani uyo wakalinga kwikala kuAshitaloti.
Ndakabatumina maamfu kunembo lyanu kwaamba ayi atandaanye bamaami bobilo bene Amoli. Teshi mipeeni yanu nabi buta shakalengesha ayi bakomwe, sobwe.
