Joshuwa 18:8 - Baibo Busansulushi Bwa Libuku Ili

⁸ Ono basankwa abo ndibakanyamuka ayi baye mukupima cishi ico mbocibete, Joshuwa wakabapa mulasho uyu ayi, “Kamuya mukabone akulemba mbuli cishi mbocibete. Kuswawaawo mukaboole kuli ndime kwaamba ayi nkoome cisolo kuno kuShilo mukumwiipushishaako kuMwaami Lesa.”

Joshuwa 18:8 교차 참조

Bene Loma 14:19

Anu lyoonse tulyeelete kucita shintu shileta luumuno pabantu alimwi akucafwa bene Klistu kuyuma mulushomo.

Joshuwa 18:10

Lyalo Joshuwa wakooma cisolo mukubeepushishaako kuMwaami Lesa. Mpomunyaawo cishi ico wakacibaanya bene Isilaeli bakacaalaawo kweelana amikowa yabo.

1 Samwelo 14:41

Mpeeke Saulo wakapaila kuMwaami Lesa, Lesa wa bene Isilaeli ayi, “NoBaami baLesa, ceebonshi tamukwe kunkumbula sunu? NoBaami baLesa, baLesa ba bene Isilaeli amunkumbule kwiinda muli Ulimu aTumimu. Na ndime ndacita cibiibi nabi na ngumwanaangu Jonasani, mutondeshe kwiinda muli Ulimu. Sombi na mbantu banu bene Isilaeli bacita cibiibi, mutondeshe kwiinda muli Tumimu.” Lyalo cisolo cakawita Jonasani aSaulo, sombi bantu bakaanguluka.

Joshuwa 18:6

Mwaakumana kulemba mbuli shipansha shosanwe ashobilo sha cishi mboshibete, mukandetele. Lyalo ndaakuuma cisolo mukumwiipushishaako kuMwaami Lesa, Lesa wesu.

Joshuwa 18:1

Mpomunyaawo bene Isilaeli boonse bakabungana kuShilo alimwi akuyaka Tente ya Cipangano nkomunya uko. Cishi bakacibwesa,

Joshuwa 15:1

Cishi cakapekwa mukowa wakwe Juda kwiinda mushipani shabo, cakalinga kushika kucishi ca Edomu kuya kumalenge a luyanga lwa Sini.

Joshuwa 13:7

Ono bulya, baanya mikowa iyi ili yosanwe ayone alimwi amusa wa mukowa wakwe Manase cishi ici ayi cibe cinebo.”

Matalikilo 13:17

Ono koya ucishinguluke cishi coonse ici mukwiinga ntookupa coonse.”

Joshuwa 18:9

Mpeeke bakanyamuka akuya mucishi coonse. Bakalemba palibuku mbuli mbocakalinga, ndabala andabala mushipansha shosanwe ashobilo. Ndibakamanisha, bakaboola kuli Joshuwa kumisumba yabo kuShilo.

Isaya 34:17

Ndushinisho mwiine ngweshi akashibunganye. Ee, ngowashibaanya cishi ico. Lyaansa lyakwe mwiine ndilyacibaanya mushipansha shipimitwe. Cishi ico cilaakuba ca nshisho kwamuyayaya. Shinanookalaamo kuswa lishalane alishalane.”