3 Paceebo ceeci Joshuwa wakaambila bene Isilaeli ayi, “Ino mutoolindila ciindi cilaamfu buyani kamutana kuya mukubwesa cishi ico Mwaami Lesa, Lesa wa bamashali banu bakulukulu ncaakamupa?
Mutolo nabi wasuna buyani kuba acintu cimwi, taacicaani, sombi uyo usebensa cankusu ulacana shintu shoonse nshaasuni.
Mpeeke balo bakakumbula ayi, “Amufwambaane tuye tukalwaane abene Laishi! Ceebo cishi cabo twakacibona ncibotu abuumbi. Mutakalibo, kamuya mukabanyaaye cakutatonshaawo.
Lisuba ndilyakashika paciindi cinjila ŋombe, wakaya alimwi, wacaana abamwi kabashiitebo. Mpeeke wakabeepusha ayi, ‘Ceebonshi mulishiitebo lisuba lyoonse ili?’
Nshila ya mutolo iliswitebo mapensho, sombi nshila ya ushomeka ili anga ngumukwakwa utacite mfumpu.
Maansa atolo alaletela bukandu, sombi maansa acabeene kumilimo alabilisha.
Bushiku bweenka ubo balaakwaambila Jelusalemu ayi, “Utaloondi webo ondabala ya Siyoni. Utalefuki kuboowa.
Mutanoosebensela cakulya cimana, sombi amusebensele cakulya cikalilila kushikila kubuumi butamaani. Ico ncecakulya MwanaaMuntu nceshi akamupe mukwiinga baTa baLesa mpobakabika cishibilo cakusuminisha kwabo.”
Mulimo woonse wapolela mumaansaako, usebense cankusu mukwiinga mucuumbwe momutooya taaku kusebensa, kupanga miyeeyo, lushibo nabi busongo.
sombi kwakalinga kwacaala mikowa yosanwe ayobilo ya bene Isilaeli iyo itana kupekwa cishi cinebo.
Amusale basankwa botatwe kuswa mumukowa womwi awomwi. Ntoobatuma mukubona akulemba mbuli cishi mbocibete, kweelana amikowa mpoyasuna kubwesa cishi cinebo. Kuswawaawo balaakuboola kuli ndime.
Ulyeelete kuyuma akulishoma ceebo webo ndiwe utootanjilila bantu aba kuya mucishi ico ncendakashomesha bamashali babo bakulukulu.
Ono Joshuwa ndyaakacembela, Mwaami Lesa wakamwaambila ayi, “Webo wacembela abuumbi, sombi cishi ciciyandika kubwesekwa cicilibo cinene.
