Joshuwa 17:1 - Baibo Busansulushi Bwa Libuku Ili

¹ Ono cipansha comwi ca cishi cakalinga kumbo lya Mulonga wa Joodani cakapekwa kubamwi bamulunyungu lwakwe Manase mwaana musankwa wakwiiya wakwe Josefu. Makiya, uyo wakalinga mushali mukulukulu wa bene Gilyadi, wakalinga mwaana wakwiiya wakwe Manase. Wakapekwa Gilyadi alimwi aBashani kwicwe lya Mulonga wa Joodani ceebo wakalinga kucishi bumbi nkondo.

Joshuwa 17:1 교차 참조

Shakubelenga 26:29

Mumukowa wakwe Manase, Makiya mwanaakwe Manase wakashala Gilyadi. Ono shipani shoonse ishi nshamulunyungu lwakwe Gilyadi,

Matalikilo 41:51

Mpeeke wakaamba ayi, “Lesa wanengesha kuluba mapensho angu alimwi abamuŋanda ya bata.” Aboobo mwanaakwe wakwiiya wakamutumba ayi Manase.

Matalikilo 50:23

Wakekala cakubona abana bakwe Efuleemu abamashikulu bakwe. Alimwi wakalinga kulindila kutambula bana bakwe Makiya, mwanaakwe Manase musankwa mumukowa wakwe.

Matalikilo 46:20

MuIjipiti Josefu wakashala baana basankwa bobilo, Manase alimwi Efuleemu, muli Asenati mwanaakwe Potifela, mupailishi wa muEliopolisi.

Matalikilo 48:18

Mpeeke wakaambila baishi ayi, “Sobwe ta, uyu ngowakwiiya. Amubike lyaansa lyanu lyalulyo pali nguwe.”

1 Makani 2:23

Sombi mwaami wa bene Geshuli alimwi awa bene Alamu bakakoma mandabala ali makumi osanwe amandabala likumi muGilyadi, kubikaawo amushi wa Jeya awa Kenati. Bakakoma amandabala oonse akalinga pafwaafwi amandabala ayo. Bantu boonse bakalinga kwikala kooko bakalinga bamulunyungu lwakwe Makiya, ishi Gilyadi.

Boomboloshi 5:14

Bakesa mucinyika kuswa kuEfuleemu, pesule lya bamumukowa wakwe Benjameni. Bamatanjilili ba bashilumamba bakaswa kuMakiya kuSebuluni nkokwakaswa bakalinga kucite nkoli sha butanjilili.

Dutolonomi 21:17

Musankwa uyo ulyeelete kwaabanya buboni bwakwe mushipansha shotatwe, akupa mwaana musankwa wakwiiya shipansha shobilo, nabi taakwe kumushalila mumwanakashi ngwaasuni bunene. Mwaana musankwa wakwiiya ulyeelete kupekwa kweelana ashintu shimweelete.

Shakubelenga 32:33

Mpeeke Mose wakapa mukowa wakwe Gadi awakwe Lubeni alimwi amusa wa mukowa wakwe Manase mwanaakwe Josefu, cishi coonse ca mwaami Sioni wa bene Amoli alimwi aca mwaami Ogi wa kuBashani. Wakabikaawo amandabala acishi cakalinga kushingulukite.

Shakubelenga 27:1

Ono Josefu wakashala Manase, Manase wakashala Makiya, Makiya wakashala Gilyadi, Gilyadi wakashala Efeli alakwe Efeli wakashala Selofeyadi. Selofeyadi uyo wakashala baana banakashi bosanwe, Maala, Nowa, Ogila, Milika alimwi Atesa.

Matalikilo 48:17

Josefu ndyaakabona baishi babika lyaansa lyalulyo pamutwi wakwe Efuleemu akulibika pa wakwe Manase, taakwe kukondwa. Aboobo wakabwesa lyaansa lyalulyo lya baishi walibika pamutwi wakwe Manase.

Joshuwa 17:2

Bamumukowa wakwe Manase bamwi bakapekwa cishi ico kumbo lya Mulonga wa Joodani kweelana ashipani shabo. Nkokwaamba ayi Abiyesa, Eleki, Asilyelo, Shekemu, Efeli alimwi aShemida. Anu aba mbobasankwa bamwi bamulunyungu lwakwe Manase mwanaakwe Josefu kweelana ashipani shabo.

Joshuwa 22:7

Mose wakapa musa umwi wa mukowa wakwe Manase cishi muBashani, awalo umwi Joshuwa wakaupa cishi kumbo lya Joodani pantu pomwi abamakwababo bamwi bene Isilaeli. Joshuwa ndyaakamana kubaambila ayi baye kumishaabo, wakabapa coolwe akwaamba ayi,

Matalikilo 41:52

Lyalo alimwi wakaamba ayi, “Lesa wampa baana mucishi ca mapensho.” Aboobo mwanaakwe wabili wakamutumba ayi Efuleemu.

2 Samwelo 2:9

Mpeeke wakamubika pabwaami bwa cishi ca Gilyadi, Asheli, Jesiliilu, Efuleemu alimwi acakwe Benjameni, nkokwaamba ayi cishi ca Isilaeli coonse.

Esekelo 47:13

Mpeeke Mwaami Lesa Shinkusu shoonse wakaamba ayi, “Nyinsa sha shipansha sha cishi isho nsheshi mukabaanye mikowa ili likumi ayobilo ya bene Isilaeli nsheeshi. Mukowa wakwe Josefu ulyeelete kupekwa shipansha shobilo.