Joshuwa 11:6 - Baibo Busansulushi Bwa Libuku Ili

⁶ Mpomunyaawo Mwaami Lesa wakaambila Joshuwa ayi, “Utaloondi bantu aba mukwiinga paciindi ceenka cino ciilo, boonse balaakunoofwite kale kubene Isilaeli. Mulyeelete kusutula mishisa ya maaki abo alimwi akutenta shikoci shabo.”

Joshuwa 11:6 교차 참조

Joshuwa 10:8

Mpomunyaawo Mwaami Lesa wakaambila Joshuwa ayi, “Utaloondi bantu aba mukwiinga nebo ndabaaba kale mumaansaako. Taaku nabi womwi eshi acikoonshe kukukoma.”

2 Samwelo 8:4

Defedi wakacata busha bashilumamba balwanina mushikoci sha maaki bali 1,700, bapanshibo bali 20,000. Mpeeke Defedi wakatyoloola myeendo ya maaki oonse akushiyabo akwana shikoci shili mwaanda.

1 Samwelo 11:9

Lyalo bakaambila beshinkombe ba kuJabeshi ayi, “Kamuya mulwiite bantu bene mishaanu ayi ciilo lisuba kalitana kushika pakati ka mutwi, mulaakufunwa.” Bantu ba kuJabeshi ndibakanyumfwa makani aya bakasangalala abuumbi

Joshuwa 11:9

Joshuwa wakacita kweelana aMwaami Lesa mbwaakamulwiita, ndyaakasutula mishisa ya Maaki abo alimwi akutenta shikoci shabo.

Osiya 14:3

Bene Asilya tabakoonshi kutupulusha. Maaki a nkondo taakoonshi kututabilila. Teshi tukaambewo tubili kusheesho shakapanga maanseesu ayi, ‘Balesa besu’ mukwiinga muli ndimwe bana banshiwa mobacana nkumbu.”

Isaya 31:1

Maawe kuli baabo baya kucishi ca Ijipiti kwaamba ayi bacafwikwe, abo bacinkite manungo mumaaki, kufula kwa shikoci shabo ankusu shiinji isho shicite bantu babo beshikulwanina pamaaki. Maawe kubaabo bataciinki manungo muMwaami Lesa, Lesa Usalalite wa bene Isilaeli, nabi kusenga lucafwo kuli nguwe.

Isaya 30:16

Mwebo mwakaamba ayi, ‘Sobwe. Swebo tulaakucica pamaaki esu.’ Anu ncibotu mulaakucica. Mwakaamba ayi, ‘Tulaakucica pamaaki esu eendaawo kucica.’ Sombi beshibakanooya cimutandaanya balaakumwiindaawo lubilo.

Tushimpi 20:7

Muntu ululeme taacite kampenda mubuumi bwakwe, balicite coolwe bana bakwe bakonkela bwikaalo bwakwe.

Kulumbaisha 46:11

Mwaami Lesa Shinkusu shoonse uli aswebo. Ncakwiila Lesa wakwe Jakobo nceciyubilo cesu.

Kulumbaisha 46:9

Ulamana nkondo mucishi ca panshi coonse. Ulatyoloola mata akunyonyoola masumo, alimwi ulatenta mayawo mumulilo.

2 Makani 20:16

Ciilo mukaye mukabalwaane kumwinjililo wa Sisi. Mulaakubeensha kweela cinyika kufwaafwi aLuyanga lwa Jeluwelo.

Joshuwa 3:5

Mpomunyaawo Joshuwa wakaambila bantu ayi, “Amulisalashe, mukwiinga ciilo Mwaami Lesa ulaakucita shaankamiko pakati kanu.”

Dutolonomi 7:16

Mukanyonyoole mishobo ili yoonse Mwaami Lesa njeshi akaabe mumaansa anu. Mutakabanyumfwili nkumbu alimwi mutakalambili balesa babo, ceebo ico inga camucaisha.

Joshuwa 11:5

Boonse bamaami aba bakapaankanya makoto a bashilumamba babo akuyaka misumba kumusena wiitwa ayi Tuntupu twa kuMelomu kwaamba ayi balwane abene Isilaeli.

Joshuwa 11:7

Aboobo Joshuwa alimwi abashilumamba bakwe bakatalika kulwanaabo cakuteengashilaawo, pamusena wiitwa ayi Tuntupu twa kuMelomu.

Boomboloshi 7:9

Mashiku eenka ayo Mwaami Lesa wakaambila Gidyoni ayi, “Amubuke, mulwane abali mumisumba ilya ceebo ndabaaba kale mumaansaako.

Esekelo 39:9

Pabushiku ubo bantu balya bekala mumandabala ali mucishi ca Isilaeli balaakubwesa shilwanisho akushisandula kuba ninkuni. Nkokwaamba ayi mulilo balaakunookunkisha mayawo aniini aanene, mata amifwi, nkoli alimwi amasumo. Shilaakufula cakwaamba ayi kwamyaaka yosanwe ayobilo teshi bakapengewo nkuni.

Naamu 2:13

Mwaami Lesa waamba ayi, “Ndi mulwani wako ondabala ya Ninife. Ndaakutenta shikoci shako shoonse. Ndaakunyonyoola bashilumamba abo kunkondo. Ndaakukunyaya shoonse nshemwakasaala kubantu bamwi. Maswi abeshinkombe banu teshi akanyumfwikeewo tubili.”

2 Baami 6:16

Elisha wakakumbula ayi, “Utaloondi, bali kulubasu lwesu mbaanji kwiinda baabo bali kulubasu lwabo.”

Kulumbaisha 46:10

Lesa ulaamba ayi, “Amukale muluumuno akwishiba ayi nebo ndime Lesa, ulemekwa pakati ka mishobo yoonse, alimwi ulemekwa mucishi coonse ca panshi.”