Joni 7:19 - Baibo Busansulushi Bwa Libuku Ili

¹⁹ Te Mose wakamupa Milawo? Ono taaku muntu nabi womwi pakati kanu ukonkela Milawo iyo. Ceebonshi mutooyanda kuncaya?”

Joni 7:19 교차 참조

Joni 1:17

Mukwiinga Lesa wakapa Milawo kwiinda muli Mose, sombi luse alushinisho shakesa kwiinda muli Jesu Klistu.

Joni 11:53

Lyalo kuswa pabushiku ubo baJuda bakapangana ayi bakacaye Jesu.

Joni 7:1

Kuswawaawo Jesu wakalinga kweendabo mucishi ca Galili. Taakalinga kusuni kuya mucishi ca Judeya mukwiinga bamaloba ba baJuda bakalinga kuyanda kumucaya.

Mateyo 12:14

Sombi baFalisi bakaswaawo, baya balifuyafuya ayi bacane nshila yakucailamo Jesu.

Bene Galatiya 6:13

Nakubi boobo abo boonse bakapalulwa tabakonkeli Milawo. Balisunibo kwaamba ayi na mupalulwe, balisumpule ceebo ca kupalulwa kwanu.

Dutolonomi 33:4

aMilawo Mose njaakatupa ceebo mbobuboni bwesu sobene Isilaeli.

Dutolonomi 1:17

Mutabi akasalulushi mukoombolosha kwanu. Bantu boonse, ulemekwa nabi utalemekwi, muboomboloshe mushobo womwi. Mutaloondi muntu nabi womwi, ceebo boomboloshi bwanu bulaswa kuli Lesa. Na kwaba mulandu weenga wayuma kuli ndimwe, inga mwauleta kuli ndime ndawoombolosha.’

Bene Galatiya 3:19

Ino Milawo yakalinga kucite mulimonshi? Lesa wakabika Milawo kwaamba ayi bantu beshibe shibiibi shabo kushikila luseke ulo lwa mulunyungu lwakwe Abulaamu lwakaambwa mucipangano ndilwakesa. Lesa wakapa bantu Milawo kwiinda mubaanjelo bakwe alimwi amuntu uyo shikwiimikana pakati.

Milimo ya Batumwi 7:38

Ngowooyo wakalinga abene Isilaeli ndibakabungana muluyanga. Ngowakalinga abamashali besu bakulukulu alimwi amunjelo wakalinga kwaamba anguwe paKalundu ka Sinayi. Ncakwiila ngowakatambula maswi abuumi ayi atulwiite.

Joni 10:39

Apalo apa bakeelesha kumucata, sombi wakabapusumuka.

Joni 7:25

Mpomunyaawo bantu bamwi ba kuJelusalemu bakeepusha ayi, “Sa uyu teshi ngowooyu beendeleshi ngobatooyanda kucaya?

Joni 5:45

Ono mutayeeyi kwaamba ayi nebo ndaakumushinina pameenso a baTa. Sombi eshi akamushinine nguMose eenka uyo ngomucinkiteemo manungo.

Joni 5:18

Makani aya akalenga kwaamba ayi bamaloba ba baJuda beendeewo kupinga kucaya Jesu. Teshibo kwaamba ayi wakatyola mulawo wa bushiku bwakookesha, sombi alimwi wakaamba ayi nguMwanaakwe Lesa. Mukwaamba boobo wakalyeelanya aLesa.

Joni 5:16

Paceebo ceeco bamaloba ba baJuda bakatalika kupensha Jesu ceebo wakashilika pabushika bwakookesha bwa Cibelu.

Maako 3:6

Lyalo baFalisi bakaswaamo, baya balifuyafuya pantu pomwi abantu bakwe Elodi bamwi kwaamba ayi bacane nshila yakumucailaamo.

Maako 3:4

Wakeepusha bantu ayi, “Ino Milawo ilatusuminisha kucitanshi pabushiku bwakookesha bwa Cibelu? Kucita cibotu nabi kucita cibiibi kumuntu? Kupulusha buumi bwa muntu nabi kubunyonyoola?” Sombi taaku ncebakaambaawo.

Mateyo 21:38

Sombi balimi balya ndibakabona mwaana uyo, bakatalika kulwiitana ayi, ‘Uyu ngweshi akapyane buboni boonse. Atumucaye, kwaamba ayi buboni boonse bukabe bwesu.’

Maako 11:18

Bamatanjilili ba bapailishi alimwi abafundishi ba Milawo ndibakanyumfwa makani aya, bakatalika kulangoola nshila yakucailamo Jesu. Sombi bakalinga kumuloonda, mukwiinga bantu baanji boonse bakalinga kukankamana akwiisha kwakwe.