51 Ndi cakulya cipa buumi cakaswa kwiculu. Na muntu uli woonse walya cakulya ici, ulaakuba abuumi butamaani. Cakulya ico nceshi nkamupe ngumubili wangu, uyo ngweshi nkape ayi bantu boonse ba mucishi ca panshi babe abuumi.”
Kuswawaawo wakabwesa cimaande, walumba Lesa, lyalo wacikomoona akupa bashikwiiya bakwe akwaamba ayi, “Uyu ngumubili wangu [uyo waabwa ceebo ca ndimwe. Kamucita ceeci mukunjibaluka.”
Mukwiinga cakulya Lesa ncaapa ngooyo uswa kwiculu, lakwe ngoopa buumi kubantu boonse bamucishi ca panshi.”
Taaku muntu wakayaako kale kwiculu, sombibo MwanaaMuntu eenka uyo wakaswa kwiculu.
Lakwe uyo wakalibenga kutufuna kububi boonse akutusalasha kwaamba ayi tube bantu bakwe beene abo balibambite kucita shibotu.
Amube bweenka mbuli MwanaaMuntu utakwe kwisa mukusebenselwa, sombi mukusebensela bamwi alimwi akwaaba buumi bwakwe kwaamba ayi alubule bantu baanji.”
Wakatucalwita nshila ipya ya buumi kwiinda mucisani cakalinga kushitilisha, nkokwaamba ayi kwiinda mumubili wakwe mwiine.
Klistu taakalinga kucite cibiibi, sombi Lesa wakabika shibiibi shesu pali nguwe kwaamba ayi swebo tube abululami bwakwe Lesa.
Ono amwise kuli nguwe uyo uli ndyelibwe lyuumi lyakakakwa abantu, sombi Lesa wakalisala akulilemeka.
Shoonse nshemucita, shilyeelete kutondesha lusuno bweenka mbuli Klistu mbwaakatusuna. Wakaaba buumi bwakwe ceebo ca ndiswe akuba anga ncipo ca bweema bubotu alimwi anga ncipo ca munyama wakutenta cikondelesha pameenso akwe Lesa.
Lesa wakasunisha bantu boonse ba mucishi ca panshi abuumbi. Aboobo wakatuma Mwanaakwe wakashalwabo eenka kwaamba ayi uyo woonse umushoma ataloobi, sombi abe abuumi butamaani.
Mpeeke bushiku bwakaboolaawo Joni wakabona Jesu keesa kuli nguwe. Lyalo wakoolobesha ayi, “Amubone Mwanaambelele wakwe Lesa uyo ukusha shibiibi sha bantu ba mucishi coonse ca panshi!
Peculu lya waawo twakabona akulwiitako bamwi ayi Lesa Ishiwesu wakatuma Mwanaakwe ayi abe Mupulushi wa cishi ca panshi.
Lusuno lwancinencine mbulya mbolubete. Teshi kwaamba ayi swebo twakataanguna kusuna Lesa, sombi lakwe wakatusuna akutuma Mwanaakwe kwaamba ayi shibiibi shesu shilekelelwe.
Lakwe ngomulambu Lesa mwaalekelelela shibiibi shesu alimwi teshibo sheesu sheenka, sombi ashibiibi sha bantu boonse.
Mpeeke Liswi ili lyakaba muntu akwisa mukwikala pakati kesu, kaaswite luse alushinisho. Twakabona bulemu bwakwe ubo mbwaakatambula ceebo wakalinga Mwaana eenkabo wa baIshi.
Amwebo nobasankwa amusune bamakaanu bweenka mbuli Klistu mbwaakasuna coonde akwaaba buumi bwakwe ceebo ca ncico
Tutooshimikila ayi, kwiinda muli Klistu, Lesa utoolengesha bantu boonse kuboosha bushicibusa anguwe. Shibiibi shabo ulabalekelela akushilubaako. Watupa makani akwaamba ayi ulisuni bantu boonse kuba beshicibusa bakwe.
Kweelana ambokulembetwe muMalembo akwe Lesa ayi, ‘Uyo woonse ushoma muli ndime tulonga twa maanshi apa buumi butamaani tulaakukunka kuswa mumoyo wakwe.’ ”
“Ono bweenka mbuli Mose mbwaakaanjika nsoka ya bulonse muluyanga, mbweeke ubo MwanaaMuntu alakwe mbweshi akaanjikwe
Aboobo uyo woonse ushoma Mwaana, ulicite buumi butamaani. Sombi uyo woonse utashomi Mwanaakwe Lesa, teshi akabe abuumi butamaani alimwi bukali bwakwe Lesa mbobuli pali nguwe.”
“Ntoomwaambila calushinisho ayi uyo woonse unyumfwa maswi angu akushoma wooyo wakantuma ulicite buumi butamaani. Teshi akoomboloshekwe, sombi waswa kale mulufu kuya mubuumi butamaani.
Jesu wakabaambila ayi, “Ndi cakulya cipa buumi. Uyo woonse wisa kuli ndime teshi akafwewo nsala. Ncakwiila uyo woonse ushoma muli ndime teshi akanyumfwewo nyotwa.
Ndibakanyumfwa boobo baJuda, bakatalika kumutongooka mukwiinga wakalyaamba ayi, “Ndi cakulya cakaswa kwiculu.”
Ntoomulwiita calushinisho ayi uyo woonse ushoma muli ndime ulicite buumi butamaani.
Ndi cakulya cipa buumi.
Sombi cakulya ciswa kwiculu, ncino nceenga muntu walya wabula kufwitilila.
Alakwe uyo woonse muumi ushoma muli ndime teshi akafweewo. Sa ulashoma boobo?”
