Joni 6:27 - Baibo Busansulushi Bwa Libuku Ili

²⁷ Mutanoosebensela cakulya cimana, sombi amusebensele cakulya cikalilila kushikila kubuumi butamaani. Ico ncecakulya MwanaaMuntu nceshi akamupe mukwiinga baTa baLesa mpobakabika cishibilo cakusuminisha kwabo.”

Joni 6:27 교차 참조

Bene Kolose 3:2

Amuyandoole shintu sha kwiculu, kuteshi sha mucishi ca panshi, sobwe.

Isaya 55:2

Ceebonshi mulasebensesha maali pashintu shiteshi cakulya? Ceebonshi mulasebensela cintu ceenga tacimukutishiiwo? Amukutike, ee, amukutike kuli ndime mulye shibotu. Ncakwiila amukutike mulisangalashe ashakulya shibotu.

Joni 6:54

Uyo woonse ulya mubili wangu akunwa bulowa bwangu, ulicite buumi butamaani alimwi ndaakumubusha kuswa kubafu pabushiku bwakweelaako.

2 Timoti 2:19

Sombi lwiimbi luyumu lwakwe Lesa talukoonshi kutenkanishikwa alimwi palilembetwe maswi akwaamba ayi, “Mwaami ulishi baakwe,” alimwi ayi, “Uyo woonse waamba ayi uli mumaansa a Mwaami ulyeelete kucileka kucita shitaluleme.”

Joni 6:40

Mukwiinga baTa ncebasuni nkwaamba ayi uyo woonse wabona Mwaana akumushoma, abe abuumi butamaani alimwi ndaakumubusha kuswa kubafu pabushiku bwakweelaako.”

Bene Loma 6:23

Ceebo cilambu ca bubi ndufu, sombi cipo cakwe Lesa mbuumi butamaani kwiinda muli Klistu Jesu Mwaami wesu.

Joni 10:28

Ndashipa buumi butamaani alimwi teshi shikafweewo. Taaku muntu weenga wanyaya.

Joni 6:51

Ndi cakulya cipa buumi cakaswa kwiculu. Na muntu uli woonse walya cakulya ici, ulaakuba abuumi butamaani. Cakulya ico nceshi nkamupe ngumubili wangu, uyo ngweshi nkape ayi bantu boonse ba mucishi ca panshi babe abuumi.”

Milimo ya Batumwi 10:38

Mulishi makani akwe Jesu wa kuNasaleti, mbuli Lesa mbwaakamusala akumupa Mushimu Usalashi ankusu. Mukwiinga Lesa wakalinga anguwe, wakeenda koonse koonse kaaya bucita shibotu kubantu akushilika baabo boonse bakalinga munkusu shakwe Satana.

Joni 17:2

Mukwiinga mwakamupa nkusu shakweendelesha pabantu boonse kwaamba ayi ape buumi butamaani kubaabo boonse mbomwakamupa.

Mateyo 6:19

“Mutanoolibikila bubile pacishi ca panshi pano, apo tubambala andalabwa mposhinyonyoola alimwi abeepi mpobenjila akwiipa.

Joni 6:58

Ici anu ncecakulya cakaswa kwiculu. Tacibete mbuli mana bamashali banu bakulukulu ngobakalya, nakubi boobo bakafwa. Sombi ulya cakulya ici ciswa kwiculu ulaakunooli abuumi lyoonse.”

2 Pita 1:17

Ndyaakatambula bulemu alimwi akulemekwa kuswa kuli Lesa Ishi, wakanyumfwa liswi kuswa kuBulemu Bwiindaawo lyakwaamba ayi, “Uyu ngoMwanaangu ngoonsuni alimwi muli nguwe ndakondwa.”

Bene Filipi 2:13

Mukwiinga Lesa ngoosebensa muli ndimwe ayi muyande akucita shintu kweelana amuyeeyo wakwe.

Jelemiya 15:16

Ndindakanyumfwa maswi anu, ndakaatambula camoyo woonse. Akansangalasha akulengesha moyo wangu kukondwa ceebo ndi muntu wanu, mwebo Nobaami baLesa, baLesa beShinkusu shoonse.

Shikushimikila 6:7

Milimo njaacita muntu njakwaamba ayi acane cakulya. Nakubi boobo taakuti napaceyi.

1 Pita 1:24

Bweenka bwaamba Malembo akwe Lesa ayi, “Bantu boonse bali anga mbwiisu, bulemu bwabo buli anga ngamaluba amuluundu. Bwiisu bulayuma alimwi maluba alaloka,

Luka 3:22

Lyalo Mushimu Usalashi wakaseluka pali nguwe mbuli mpolobe aliswi lyakanyumfwika kuswa kwiculu ayi, “Ndiwe Mwanaangu ngoonsuni abuumbi. Pali ndiwe ndikondetwe abuumbi.”

1 Bene Tesalonika 1:3

Ceebo tuleebaluka pameenso akwe Lesa Ishiwesu, nshemwakacita ceebo cakushoma muli Jesu, mbomwakasebensa cankusu ceebo cakumusuna alimwi ambomutoolangila Jesu Mwaami wesu cakutaboola pesule.

Bene Kolose 1:29

Kwaamba ayi cicitike ici, ndasebensa abuumbi kwiinda munkusu shakwe Klistu isho shisebensa cankusu muli ndime.

Joni 3:33

Sombi muntu ushoma nshaamba ulashinisha ayi Lesa ngwalushinisho.

Milimo ya Batumwi 2:22

“Mwebo nobene Isilaelima, amukutikishe makani aya ngontoomulwiita! Ulya Jesu wa kuNasaleti wakalinga muntu uyo Lesa ngwaakatondesha ayi ngowooyo ngwaakasala akumutuma kuli ndimwe. Lesa wakabonesha cikani ici, kwiinda mushaankamiko ashitondesho sha nkusu sha kwiculu nshaakacita muli Jesu pakati kanu, kweelana ambuli mbomwishi.

Joni 6:68

Simoni Pita wakamukumbula ayi, “Nkambo, inga twaya kuli ni? Mwebo ndimwe mucite maswi abuumi butamaani.

Luka 9:35

Lyalo mulikumbi umo mwakanyumfwika liswi lyakwaamba ayi, “Uyu ngoMwanaangu ngundakasala, aboobo amumunyumfwile!”

Kulumbaisha 40:7

Ono ndakaamba ayi, “Amubone, ndime pano, ndesa bweenka mbokulembetwe pali ndime mulibuku lya Milawo.

Kulumbaisha 2:7

Ono mwaami uyo waamba ayi, “Ntokwaambilisha Mwaami Lesa ncaamba. Wandwiita ayi, ‘Webo uli mwanaangu, sunu ndaba baiso.

Bene Ebulu 12:16

Mulyeelete kucenjela kwaamba ayi kutabi mufuule nabi womwi mulikoto lyanu, nabi muntu ucobola Lesa mbuli Esau, uyo wakoolisha bunene bwakwe ceebo ca cakulya ca linkanda lyomwibo.

Bene Galatiya 5:6

Mukwiinga swebo sotuli muli Klistu Jesu, kupalulwa nabi kutapalulwa taaku mbokubete, sombi cinene nkuba alushomo kwiinda mulusuno.

Bene Ebulu 4:11

Aboobo, atweeleshe cankusu kwaamba ayi tukenjile mukookesha umo, kuloonda ayi kutakabi muntu nabi womwi mulikoto lyesu eshi akaalilwe kwiinjilaamo ceebo cakukaka kushoma Lesa bweenka bwakacita bamashali besu bakulukulu muluyanga.

Bene Kolose 2:22

Iyi njimilawo alimwi akwiishabo kwa bantu alimwi shilaamba pashintu shimana ncito na bamana kushisebensesha.

1 Bene Kolinto 9:2

Nakubi kwaamba ayi bamwi tabanjeeyeli kuba mutumwi, sombi kuli ndimwe ncakwiila ndi mutumwi mukwiinga wa cibusa canu aMwaami Jesu mwebo nobeene mulatondesha ayi ndi mutumwi.

1 Bene Kolinto 6:13

Aumwi muntu inga waamba ayi, “Cakulya nca lifumo, alyalo lifumo ndya cakulya.” Nakubi boobo Lesa ulaakunyonyoola shoonse shobilo. Mubili teshi wakucitisha bufuule napaceyi, sombi ngwakusebensesha mulimo wa Mwaami Jesu alimwi Mwaami ulaubambila shiyandika.

Bene Loma 4:11

Pesule Abulaamu wakapalulwa ayi cibe cishibilo cakutondesha ayi Lesa wakamululamika ceebo ca lushomo lwakwe. Aboobo Abulaamu ngoishiwabo boonse abo bashoma muli Jesu. Paceebo ceeci Lesa ulabalulamika nabi tabana kupalulwa.

Joni 15:24

Nintakwe kucita shintu pali mbabo isho shitana kucitawo kale muntu nabi womwi, naakwiinga tabacite mulandu pacibiibi cabo. Nabi bakabona shintu shoonse ishi, bakatupata soonse, nebo abaTa.

Joni 14:6

Jesu wakakumbula ayi, “Nebo ndi nshila, ndi lushinisho alimwi ndi buumi. Taaku muntu weenga washika kuli baTa, sombibo kwiinda muli ndime.

Joni 11:42

Ndishi kwaamba ayi lyoonse mulanyumfwa nceenga ndaseenga, sombi ndaamba boobo ceebo ca bantu bali waano, kwaamba ayi beshibe ayi ndimwe mwakantuma.”

Joni 8:18

Ee, ndalicitila bukamboni nemwiine, sombi abalo baTa bakantuma balancitila bukamboni.”

Maako 9:7

Mpomunyaawo kwakaboneka likumbi lyakabafwekelela. Lyalo mulikumbi mweenka umo, mwakanyumfwika liswi lyakwaamba ayi, “Uyu ngoMwanaangu ngoonsuni, amumunyumfwile!”

Maako 1:11

Mpomunyaawo liswi lyakanyumfwika kuswa kwiculu ayi, “Ndiwe Mwanaangu ngoonsuni abuumbi, pali ndiwe ndikondetwe abuumbi.”

Mateyo 17:5

Ndyaakalinga kucaamba, kwakaboneka likumbi lituba tuu lyakabafwekelela, lyalo mulikumbi umo mwakanyumfwika liswi lyakwaamba ayi, “Uyu ngoMwanaangu ngoonsuni alimwi muli nguwe ndakondwa. Amumunyumfwile!”

Mateyo 3:17

Mpeeke liswi lyakanyumfwika kuswa kwiculu ayi, “Uyu ngoMwanaangu ngoonsuni. Pali nguwe ndikondetwe abuumbi.”

Isaya 42:1

Mwaami Lesa waamba ayi, “Ono anooyu musebenshi wangu, uyo ngoompa nkusu. Ee, ngondakasala alimwi muli nguwe ndakondwa. Ndaakumupa Mushimu wangu, alimwi ulaakuleta koombolosha cakutanyengelela kumishobo yoonse.

Jemusi 1:11

Lisuba lilaswa akubala abuumbi, aboobo lilayumya kasamu ka liluba, lyalo liluba lya nkako lilalokaako alimwi bubotu bwa ndilyo bulanyonyooka. Mbweeke ubo mubile ulaakunyonyoolwa kaaciya cicita milimo yakwe.

2 Bene Kolinto 4:18

Mukwiinga tatwiililwi shintu shiboneka, sombi isho shitaboneki. Ceebo shiboneka shilekalabo ciindi ciniini, sombi shitaboneki shilekala muyayaya.

Mateyo 8:20

Sombi Jesu wakamukumbula ayi, “Bamwaaba balicite shilingo, alimwi abayuni balicite shiinswa, sombi MwanaaMuntu taacite ampaaona.”

Abakuku 2:13

Mwaami Lesa Shinkusu shoonse washinisha kwaamba ayi kusebensa kwa bantu kuli anga ninkuni shakusonselesha mulilo, ncakwiila bantu ba mishobo yoonse balilemyabo cakubula mpindu.

Tushimpi 9:5

“Kamwisa mulye shakulya shangu akunwa waini uyo ngondakasenkanya.

Mateyo 25:46

Mpomunyaawo abo balaakuya kumapensho atamaani, sombi baluleme balaakwinjila mubuumi butamaani.”

Joni 3:15

kwaamba ayi uyo woonse ushoma muli nguwe abe abuumi butamaani.

Joni 6:47

Ntoomulwiita calushinisho ayi uyo woonse ushoma muli ndime ulicite buumi butamaani.

Joni 6:53

Jesu wakabaambila ayi, “Ntoomulwiita calushinisho ayi, na mwabula kulya mubili wa MwanaaMuntu akunwa bulowa bwakwe, inga tamubi abuumi muli ndimwe.

Joni 6:62

Ino inga caba buyani na mwabonabo MwanaaMuntu waboolela kwiculu nkwaakalinga kataanshi?

Dutolonomi 30:13

Nabi kuba kwitala lya lweenge nkweenga kamwiipusha ayi, ‘Ngani eshi asubukile kwitala mukutuletela, tunyumfwe mbowaamba akuukonkela?’