Joni 3:8 - Baibo Busansulushi Bwa Libuku Ili

⁸ Muuwo ulapupila kuli koonse nkoosuni alimwi mulanyumfwa koopupa, sombi tamwishibi nkowaswita nabi nkootooya. Mbweeke ubo mbocibete kumuntu woonse washalwa kuMushimu Usalashi.”

Joni 3:8 교차 참조

1 Bene Kolinto 2:11

Sa kuli weenga weshiba miyeeyo ya muntu kwiinda moyo wakwe mwiine? Mbweeke ubo, taaku weenga weshiba miyeeyo yakwe Lesa, sombi Mushimu wakwe Lesa mwiine.

Milimo ya Batumwi 2:2

Mpomunyaawo bakanyumfwa coongo cakuba anga ncipuupu kuswa kwiculu akususha ŋanda yoonse njebakalingaamo.

Esekelo 37:9

Mpeeke Mwaami Lesa Shinkusu shoonse wakandwiita ayi, “Webo omuntu, laluka kumuuwo akuwaambila ayi nebo neMwaami Lesa ndaamba ayi, ‘Webo omuuya, kwesa kuswa kumbasu shone shoonse sha cishi ca panshi unjile mubantu aba bakacaikwa kwaamba ayi babe abuumi.’ ”

1 Joni 2:29

Ono mukwiinga mulishi ayi Klistu uliluleme, mulyeelete kwishiba alimwi ayi uyo woonse ucita shiluleme ngumwanaakwe Lesa.

Milimo ya Batumwi 4:31

Ndibakamana kupaila, pamusena apo mpobakalinga kubungene pakatenkaanishikwa. Lyalo boonse bakesushikwa Mushimu Usalashi akutalika kushimikila maswi akwe Lesa cakubula boowa.

1 Bene Kolinto 12:11

Ono ucita shoonse nguMushimu womwi weenka. Ulapa shipo shipusenepusene kumuntu womwi awomwi kweelana ambwaayanda.

Joni 1:13

Kuba bana bakwe Lesa uku, takukwe kuswa kubashali. Nkokwaamba ayi takukwe kuswa mukuyanda kwa muntu, sombi bakashalwa munkusu shakwe Lesa.

Kulumbaisha 107:29

Mwaami Lesa wakoomusha cipuupu. Aalo maaba akoomunabo tontolo.

Kulumbaisha 107:25

Wakaambabo liswi, lyalo cipuupu cinene cakatalika. Cipuupu ico cakanyamuna maaba palweenge.

Kulumbaisha 135:7

Ngoonyamuna makumbi kuswa kweela cishi, ngoolengesha kubeka kwa mfula pakuloka, alimwi ngooleta muuwo kuswa kumatala akwe.

Shikushimikila 1:6

Muuwo ulapuupila kumalenge alimwi ulapuupila kumatwa. Ncakwiila ulaya cishinguluka tibili waboolela kweenka nkowatalikila.

Joni 3:7

Utakankamani mukwiinga ndakwaambila ayi, ‘Ulyeelete kushalwa cipya.’

Joni 3:9

Nikodemasi wakeepusha ayi, “Ino ici inga cacitika buyani?”