3 Jesu wakakumbula ayi, “Ncakwiila, ntookulwiita calushinisho ayi taaku muntu eshi akabone Bweene bwakwe Lesa na taana kushalwa cipya.”
Aboobo na muntu waba muli Klistu ulaba abuumi bupya. Shikulukulu shamana, nkokwaamba ayi shoonse shaba shipya.
Woonse mwanaakwe Lesa taatoleleli kubisha ceebo mibo yakwe Lesa ili muli nguwe. Mukwiinga Lesa ngoIshi, taakoonshi kutolelela kubisha.
Uyo woonse ushoma ayi Jesu ngoUsalitwe wakwe Lesa, ngumwanaakwe Lesa. Alakwe uyo woonse usuni ishi, ulisuni amwaana.
wakatupulusha. Taakwe kucita boobo mukwiinga twakacita shintu shibotu, sombi ceebo ca nkumbu shakwe. Wakatupulusha kwiinda mukusanshikwa kwa kushalwa cipya alimwi abuumi bupya muMushimu Usalashi.
Kuba bana bakwe Lesa uku, takukwe kuswa kubashali. Nkokwaamba ayi takukwe kuswa mukuyanda kwa muntu, sombi bakashalwa munkusu shakwe Lesa.
Ono mukwiinga mulishi ayi Klistu uliluleme, mulyeelete kwishiba alimwi ayi uyo woonse ucita shiluleme ngumwanaakwe Lesa.
Atulumbe Lesa Ishi Mwaami wesu Jesu Klistu! Ceebo ca nkumbu shakwe shiindaawo, wakatupa buumi bupya ayi tube akulangila kwiine kwiine kwiinda mukubusha Jesu Klistu kuswa kubafu.
Mukwiinga kupalulwa nabi kutapalulwa taaku mbokubeteewo, sombi cintu cinene nkuba abuumi bupya.
Tulishi kwaamba ayi woonse mwanaakwe Lesa taatoleleli kubisha mukwiinga Jesu Mwanaakwe Lesa ulamulama kabotu. Aboobo Mubiibi taakoonshi kumukumya.
Bantu abo tabashomi ceebo Satana uyo uli anga ngulesa pacishi ca panshi, wabika maano abo mumunshinshe. Ulabakasha kubona mumuni utoomunika pali mbabo, uyo mumuni uswa muMakani Abotu aamba shabulemu bwakwe Klistu. Klistu ngootondesha Lesa mbwaabete.
“Lesa wakabapofosha akuyumya mitwi yabo, cakwaamba ayi tabakoonshi kubona ameenso abo nabi kunyumfwishisha amyoyo yabo. Nabibo kusandukila kuli ndime ayi mbashilike.”
Kale kale mwebo mwakalinga kufwite mumushimu ceebo cakutanyumfwila Lesa kwanu alimwi ashibiibi shanu.
‘Amunyumfwe makani aya mwebo nobaluya, nobantu nomutacite maano. Amunyumfwe mwebo nomucite meenso, sombi tamulashi, nomucite matwi sombi tamunyumfwi.’
Mumuni uyo ulamunika mumunshinshe, sombi munshinshe tookoonshi kuukoma.
Sombi abobulya sunu, taana kumulengesha ayi mwishibishishe nabi kunyumfwishisha sheesho nshemwakabona.
Sombi bantu bacite busongo buswa kwiculu, citaanshi tabacite kampenda alimwi balisuni luumuno, balalicata mukwaamba, balalibombya, mbaankumbu lyoonsebo alimwi balacita shintu shibotu shimwi shoonse. Tabasalululi alimwi tabalyaambi mbobatabete.
Lyalo wakabaambila ayi, “Ncakwiila, ntoomulwiita ayi mulaakubona liculu lyacaluka abaanjelo bakwe Lesa kabatanta akuseluka paMwanaaMuntu.”
Mpeeke Jesu wakamukumbula ayi, “Ulicite coolwe Simoni omwanaakwe Jona! Teshi muntu wakuyubulwiita ceeci, sombi mbaTa ba kwiculu.
Ntoomulwiita calushinisho ayi kushikila liculu acishi shikamaane, taaku libala liniini lya Milawo lyeshi likapusanishikwe tibili shoonse shikacitike.
“Mutanjilili wa kucoonde ca kuLawodisiya umulembele ayi, “Aya ngamakani aamba wooyo uli ngoAmeni, kamboni ushomeka alimwi wancinencine. Ngomatalikilo a shintu shoonse Lesa nshaakalenga.
Ndaakumupa myoyo ipya alimwi atulango tupya. Ndaakukusha myoyo yanu iyumu anga ngamabwe akumupa myoyo inyumfwila ndime.
Ntoobooshaawo alimwi ayi, ncuubu ngamela kupula muliinso lya nyeleti kwiinda muntu mubile kwinjila muBweene bwakwe Lesa.”
Ino ngani pabaana bobilo aba wakacita bwakalinga kuyanda baishi?” Balo bakakumbula ayi, “Mutaanshi.” Mpeeke Jesu wakabaambila ayi, “Ntoomulwiita calushinisho ayi basonkeshi abafuule batootaanguna kwinjila muBweene bwakwe Lesa mwebo kamutana.
Na liinso lyako lyakulengesha ayi ubishe, liloboleemo. Mukwiinga ncibotu kwinjila muBweene bwakwe Lesa aliinso lyomwi, kwiinda kuya mukuwaalwa mumulilo utamaani ameenso obilo.
Jesu ndyaakabona boobo, wakakalalila bashikwiiya bakwe akubaambila ayi, “Amuleke baana baniini bese kuli ndime. Mutanoobakasha ceebo Bweene bwakwe Lesa mbwa baabo bali mbuli baaba.
Nikodemasi wakeepusha Jesu ayi, “Ino muntu munene kale inga washalwa buyani cipya? Sa inga wenjila alimwi mumala muli banyina akushalwa cipya?”
ceebo woonse mwanaakwe Lesa taatoleleli kubisha. Nchetukomeshako cishi ca panshi ndushomo lwesu.
