Joni 17:25 - Baibo Busansulushi Bwa Libuku Ili

²⁵ Ta noMululeme, nakubi kwaamba ayi bamucishi tabamwishi, nebo ndimwishi alimwi aba balishi kwaamba ayi ndimwe mwakantuma.

Joni 17:25 교차 참조

Joni 17:11

Ono ntoosa kuli ndimwe, teshi nooli mucishi ca panshi, sombi balo mobacili. Ta noMusalalite, amubalaame munkusu sha liina lyanu ndimwakampa, kwaamba ayi abalo babe womwi bweenka swebo mbotuli womwi.

Joni 17:8

Ceebo ndakabeeisha maswi ayo ngomwakandasha alimwi bakaatambula. Balishi kwaamba ayi ncakwiila ndakaswa kuli ndimwe, alimwi balashoma ayi ndimwe mwakantuma.

Joni 15:21

Sombi balaakucita shintu shoonse ishi pali ndimwe ceebo ca liina lyangu mukwiinga tabamwishi uyo wakantuma.

Joni 7:29

Nebo ndimwishi mukwiinga ndakaswa kuli nguwe alimwi ngowakantuma.”

Joni 16:27

ceebo baTa beene balimusuni. Balimusuni ceebo mulinsuni alimwi mwakashoma ayi ndakaswa kuli Lesa.

Bene Ebulu 8:11

Taaku weshi akanokwiisha mubye nabi kwiisha mukwabo ayi eshibe nebo neMwaami Lesa mukwiinga boonse balaakunshiba, kuswa kumuniini kushika akumunene.

2 Bene Kolinto 4:4

Bantu abo tabashomi ceebo Satana uyo uli anga ngulesa pacishi ca panshi, wabika maano abo mumunshinshe. Ulabakasha kubona mumuni utoomunika pali mbabo, uyo mumuni uswa muMakani Abotu aamba shabulemu bwakwe Klistu. Klistu ngootondesha Lesa mbwaabete.

Joni 10:15

Bweenka mbuli baTa mbobenshi anebo ndibeshi. Paceebo ceeco ndisuminite kwaaba buumi bwangu ceebo ca mbelele shangu.

Joni 8:55

Nakubi kwaamba ayi mwebo tamumwishi, nebo ndimwishi alimwi na ndaamba ayi nshimwishi, nkokwaamba ayi ndaba mubeshi bweenka mbuli ndimwe. Ono nebo ndimwishi alimwi ndacita bwaamba liswi lyakwe.

Luka 10:22

“BaTa bakabika shintu shoonse mumaansaangu. Taaku muntu ushi Mwaana, sombi baTa beenka. Taaku muntu ushi baTa, sombi Mwaana eenka alimwi awooyo Mwaana ngwaasala ayi ayubulwite.”

Ciyubululo 13:8

Bantu boonse bekala mucishi ca panshi balaakulambila munyama uyu, kukushakobo baabo bacite meena akalembwa mulibuku lya boomi cishi kacitana kulengwa, ee, mulibuku lilya lya Mwanaambelele wakacaikwa.

1 Joni 1:9

Sombi na twalyaambilila shibiibi shesu, Lesa ulashomeka alimwi uliluleme, aboobo ulatulekelela shibiibi shesu akutusalasha kumicito yesu yoonse italuleme.

2 Bene Tesalonika 1:8

Ulaakwisa amulilo weshi ukanoobilima akutondesha bukali bwakwe kubakaka kwishiba Lesa abaabo bakaka kukonkela shaamba Makani Abotu a paMwaami wesu Jesu.

1 Bene Kolinto 15:34

Amutalike kusebensesha maano mbuli mbwaaelete alimwi mucileeke kubisha. Ceebo nkobali bateshi Lesa, ici ndacaamba kwaamba ayi mufwe nsoni.

1 Bene Kolinto 1:21

Ceebo Lesa mubusongo bwakwe mwiine wakalengesha kwaamba ayi bantu baalilwe kumwishiba kwiinda mubusongo bwabo. Sombi kwiinda mumakani ngotushimikila ayo bantu ngobabona ayi taaku mbwaabete, Lesa cakamukonda ayi apulushe bashoma kwiinda muli ngawo.

Bene Loma 3:26

Sombi bulya ulatondesha ayi ulalulamika bantu bashoma muli Jesu Klistu kwaamba ayi beshibe ayi lakwe mwiine uliluleme.

Bene Loma 3:11

Taaku muntu unyumfwisha shiluleme, nabi uyandoola Lesa.

Bene Loma 1:28

Ono ceebo bakakaka kunyumfwila Lesa, wakabalekabo amiyeeyo yabo ibiibi kwaamba ayi bacite shintu shilensha nsoni.

Milimo ya Batumwi 26:18

Ukabacalule meenso kwaamba ayi babone, ukabakushe mumunshinshe kwaamba ayi benjile mumumuni alimwi akubakusha munkusu shakwe Satana ukabenjishe munkusu shakwe Lesa. Kwiinda mulushomo lwabo muli ndime, Lesa ulaakubalekelela shibiibi shabo akuba amusena pakati ka bantu bakwe Lesa basalitwe.’

Milimo ya Batumwi 17:23

Mukwiinga ndindakalinga kweendeenda mundabala yanu inene umu, ndakabona misena njemupaililaamo pamwi pacipaililo kapalembetwe ayi, ‘Kuli Lesa Utashibikitwe.’ Anu uyo eenka ngomulambila kamutamwishi, ngowooyo ngoontoomulwiitaawo bulya.

Joni 17:23

Nkokwaamba ayi nebo mbe muli mbabo, amwebo muli ndime. Ababe womwi cancinencine kwaamba ayi bantu boonse bakeshibe ayi ndimwe mwakantuma alimwi ayi mwakabasuna bweenka mbomwakansuna anebo.

Joni 17:21

Ntoobapailila kwaamba ayi boonse babe womwi. Ta ababe muli ndiswe, bweenka amwebo mbomuli muli ndime anebo mbombete muli ndimwe. Ababe womwi kwaamba ayi bantu boonse bakashome ayi ndimwe mwakantuma.

Joni 17:18

Bweenka mbomwakantuma mucishi ca panshi, anebo ndabatuma muli ncico.

Joni 17:3

Buumi butamaani ubu nkwishiba ndimwe nobaLesa bancinencine nweenkabo akwishiba Jesu Klistu uyo ngomwakatuma.

Joni 16:30

Ono tweshiiba ayi mulishi shintu shoonse alimwi taakuuwo aceebo muntu nceenga wamwiipushisha. Aboobo twashooma ayi mwakaswa kuli Lesa.”

Joni 16:3

Balaakucita boobo mukwiinga tababeshi baTa anebo tabenshi.

Joni 8:19

Lyalo bakamwiipusha ayi, “Ino baiso bali kuli?” Jesu wakabakumbula ayi, “Nebo tamwinshi, abaTa tamubeshi. Naakwiinga mwalinga kwishi ndime, abaTa nemwalinga kubeshi.”

Joni 6:19

Bashikwiiya abo ndibakeenda makilomita mpashi osanwe akwiindilila, bakabona Jesu kaaenda pamaanshi keesa kubwaato. Mpeeke bakaloonda.

Joni 3:17

Lesa taakwe kutuma Mwanaakwe mucishi kwaamba ayi oomboloshe bantu, sombi ayi bapulushikwe kwiinda muli nguwe.

Joni 1:18

Taaku muntu wakabonaawo kale Lesa, sombi Mwanaakwe wakashalwabo eenka, uyo usunikwi abuumbi abaIshi, ngowakalengesha ayi ashibikwe.

Mateyo 16:16

Simoni Pita wakakumbula ayi, “Ndimwe Usalitwe ulya, Mwanaakwe Lesa muumi.”

Mateyo 11:27

“BaTa bakabika shintu shoonse mumaansaangu. Taaku muntu ushi Mwaana, sombi baTa beenka. Taaku muntu ushi baTa, sombi Mwaana eenka alimwi awooyo Mwaana ngwaasala ayi ayubulwite.

Isaya 45:21

Amwaambe ceshi cicitike, ee, amukonkolole. Amulifuuyefuye palwaanu nobeene. Ngani wakaamba cikani ici kale kale? Ngani wakacaamba kacicilibo kulaale kucitika? Sa teshi ndime neMwaami Lesa? Ncakwiila taaku Lesa aumwi kulekabo ndime. Ndi Lesa ululeme alimwi Mupulushi. Ee, taaku lesa aumwi, ndimebo.

Ciyubululo 16:5

Pesule, ndakanyumfwa munjelo weendelesha maanshi kaamba ayi, “Mwacita ciluleme pakoombolosha mwebo Nomusalalite, nomuliiwo alimwi nomushi mukabeewo!