Joni 17:2 - Baibo Busansulushi Bwa Libuku Ili

² Mukwiinga mwakamupa nkusu shakweendelesha pabantu boonse kwaamba ayi ape buumi butamaani kubaabo boonse mbomwakamupa.

Joni 17:2 교차 참조

Joni 6:39

Nkuyanda kwakwe uyo wakantuma kwaamba ayi ntasoowi nabi womwi pabaabo mbwaakampa, sombi kwaamba ayi boonse nkababuushe kuswa kubafu pabushiku bwakweelaako.

Joni 6:37

Abo boonse mbobampa baTa, balesa kuli ndime alimwi uyo woonse wisa kuli ndime, teshi nkamutandeewo.

Danyelo 7:14

Mpeeke wakapekwa nkusu, bulemu abwaami kwaamba ayi bamumishobo yoonse, bashikanda shipusenepusene abamumilaka yoonse ayi bamulambile. Bulelo bwakwe teshi bukamaneewo alimwi Bwaami bwakwe teshi bukanyonyoolweewo.

Joni 17:24

“Ta, ndisuni kwaamba ayi abo mbomwakampa bakabe anebo uko nkweshi nkabe. Ndisuni kwaamba ayi bakabone bulemu bwangu ubo mbomwakampa mukwiinga mwakansuna cishi ca panshi kacitana kulengwa.

Mateyo 28:18

Lyalo Jesu wakasena pafwaafwi akubaambila ayi, “Ndapeekwa nkusu shoonse kwiculu alimwi apacishi ca panshi.

1 Joni 5:20

Tulishi kwaamba ayi Mwanaakwe Lesa wakesa akutupa busongo ayi twishibe Lesa wancinencine. Tuli muli Lesa wancinencine ceebo tuli muli Jesu Klistu Mwanaakwe. Uyu ngoLesa wancinencine alimwi mbobuumi butamaani.

Joni 17:9

“Ntoopailila baaba. Nshintopailila bantu boonse, sombi ntoopailila baabo mbomwakampa ceebo mbanu.

Joni 17:6

“Abo batumwi mbomwakapatula kuswa mubantu boonse akumpa, ndabeeisha kwaamba ayi bamwishibe. Bakalinga baanu, sombi mwakampa alimwi bakonkela maswi anu.

Joni 4:14

Sombi uyo woonse unwa maanshi ngoompa teshi akafwewo nyotwa alimwi. Ncakwiila maanshi ayo ngweshi nkamupe alaakuba anga nkantupu ako keshi kakanookusha maanshi apa buumi butamaani muli nguwe.”

Joni 3:35

Ishi ulimusuni Mwanaakwe alimwi shintu shoonse wakashibika mumaansaakwe.

1 Joni 2:25

Ncakwiila Klistu ncaakatushomesha, mbuumi butamaani.

1 Pita 3:22

Jesu Klistu wakaya kwiculu alimwi uli kululyo lwakwe Lesa. Uko utokweendelesha baanjelo, beendeleshi alimwi abeshinkusu.

Bene Ebulu 1:2

Sombi munshiku shino shakweelaako, ulaamba kuli ndiswe kwiinda muMwanaakwe. Muli nguwe Lesa wakalenga cishi alimwi ngonguwe ngwaakasala kuba mwine shintu shoonse.

Mateyo 11:27

“BaTa bakabika shintu shoonse mumaansaangu. Taaku muntu ushi Mwaana, sombi baTa beenka. Taaku muntu ushi baTa, sombi Mwaana eenka alimwi awooyo Mwaana ngwaasala ayi ayubulwite.

Judi 1:21

Amwikale mulusuno lwakwe Lesa pakunoolindilila buumi butamaani Mwaami wesu Jesu Klistu mbweshi akatupe munkumbu shakwe.

1 Joni 1:2

Buumi ubu bwakayubululwa, mpeeke twakabubona. Tutoomwishibisha akumusansulwita shabuumi butamaani ubo bwakalinga aIshiwesu alimwi akuboneka kuli ndiswe.

1 Timoti 1:16

Sombi nceceeco Lesa ncaakanyumfwila nkumbu kwaamba ayi kwiinda muli ndime, nemucita shibi wiindaawo, Klistu Jesu atondeshe bushimoyonteeka buteeli. Wakacita boobo kwaamba ayi mbe citondesho kubaabo boonse beshi bakashome muli nguwe akutambula buumi butamaani.

Bene Filipi 2:10

Aboobo ceebo ca bulemu bwa liina lyakwe Jesu, shoonse shilengwa sha kwiculu, sha pacishi ca panshi alimwi asheesho shili panshi lya cishi shilaakufukama kunembo lyakwe.

Bene Efeso 1:20

Lesa nshaakasebensesha ndyaakabusha Klistu kuswa kubafu, akumubika kululyo lwakwe kwiculu.

1 Bene Kolinto 15:25

Ceebo Klistu ulyeelete kweendelesha kushikila Lesa akome balwani boonse akulengesha ayi babe mpopakulyata myeendo yakwe.

Bene Loma 6:23

Ceebo cilambu ca bubi ndufu, sombi cipo cakwe Lesa mbuumi butamaani kwiinda muli Klistu Jesu Mwaami wesu.

Kulumbaisha 110:1

Mwaami, Lesa wakaambila mwaami wangu ayi, “Kala kulyaansa lyangu lyalulyo kushikila nkaalule balwani bako kwaamba ayi babe mpopakulyata myeendo yako.”

Joni 6:27

Mutanoosebensela cakulya cimana, sombi amusebensele cakulya cikalilila kushikila kubuumi butamaani. Ico ncecakulya MwanaaMuntu nceshi akamupe mukwiinga baTa baLesa mpobakabika cishibilo cakusuminisha kwabo.”

Mateyo 25:46

Mpomunyaawo abo balaakuya kumapensho atamaani, sombi baluleme balaakwinjila mubuumi butamaani.”