Joni 16:10 - Baibo Busansulushi Bwa Libuku Ili

¹⁰ Ulaakubashinina pacikani ca bululami ceebo ntooya kuli baTa, uko nkweshi mukabule kumbona alimwi.

Joni 16:10 교차 참조

1 Pita 3:18

Mukwiinga Klistu wakafwa linkanda lyomwibo kwaamba ayi Lesa alekelele shibiibi sha bantu boonse. Klistu lakwe uliluleme, ono wakafwita bataluleme kwaamba ayi babe beshicibusa bakwe Lesa. Wakacaikwa mumubili, sombi wakabushikwa mumushimu.

2 Bene Kolinto 5:21

Klistu taakalinga kucite cibiibi, sombi Lesa wakabika shibiibi shesu pali nguwe kwaamba ayi swebo tube abululami bwakwe Lesa.

1 Timoti 3:16

Ncakwiila shabushishi bwa kupaila kwesu nshinene abuumbi. Nsheeshi, Lakwe wakaboneka mubuntu, wakaambwa aMushimu Usalashi ayi ngooluleme, wakabonwa abaanjelo. Wakashimikilwa pakati ka baswamashi bakunsengwe, wakashomwa kubamucishi ca panshi coonse alimwi akutolwa kwiculu mubulemu.

1 Bene Kolinto 1:30

Lesa ngowakalengesha ayi tube muli Klistu Jesu ayi lakwe abe busongo bwesu. Wakatululamika pameenso akwe Lesa, watusalasha akutwaangulula.

Milimo ya Batumwi 3:14

Jesu wakalinga muntu usalalite alimwi ululeme. Sombi mwebo mwakamukaka akusenga Pilato ayi amwaangulwite mucayi.

Bene Galatiya 5:5

Sombi kwiinda muMushimu Usalashi usebensa mulushomo lwesu, swebo tutoolangila kwaamba ayi Lesa ulaakutululamika.

Bene Loma 1:17

Mukwiinga Makani Abotu aya alasansulula Lesa mbwaalulamika muntu pameenso akwe. Kululamikwa uko kulacitika kulilabo na muntu washoma kuswa kumatalikilo kushikila akumeelelesho. Kweelana abwaamba Malembo akwe Lesa ayi, “Uyo ululamikwa ceebo cakushoma, ulaakuba abuumi.”

Milimo ya Batumwi 17:31

Mukwiinga wakasala bushiku bomwi mbweshi akoomboloshe bantu boonse mucishi mubululami, kwiinda mumuntu uyo ngwaakasala. Wakabonesha shoonse ishi kubantu kwiinda mukubusha muntu uyo kuswa kubafu!”

Milimo ya Batumwi 7:52

Sa kwakalingawo mulaluki bamashali banu bakulukulu ngobatakwe kupensha? Bakacaya batumwi bakwe Lesa abo bakaamba shakwisa kwa musebenshi wakwe ululeme. Ono amwebo mwakamwaaba akumucaya.

Milimo ya Batumwi 2:32

Lesa wakabusha Jesu uyu kuswa kubafu, aboobo swebo soonse tuli bakamboni ba shintu ishi.

Joni 5:32

Sombi nkwaali umwi uncitila bukamboni alimwi ndishi kwaamba ayi nshaamba pali ndime nshalushinisho.

Joni 3:14

“Ono bweenka mbuli Mose mbwaakaanjika nsoka ya bulonse muluyanga, mbweeke ubo MwanaaMuntu alakwe mbweshi akaanjikwe

Danyelo 9:24

“Myaaka ili 70 kufushikwa mankanda ali 7, nceciindi Lesa ncaapimina bene mishaanu andabala yanu isalalite kwaamba ayi bakaanguluke kuswa kushibiibi akububi. Shibiibi shilaakulekelelwa abululami butamaani bulaakulengeshekwa kwikalilila kwaamba ayi cili anga nciloto amakani a bulaluki shikacitike cancinencine ayalo Ŋanda yakwe Lesa ilaakusalashikwa alimwi.

Isaya 42:21

Ceebo ca bululami bwakwe, Mwaami Lesa cakamukonda kulengesha milawo yakwe kusumpulwa akuba abulemu.

Joni 7:33

Jesu wakaamba ayi, “Ndanooli amwebo kwa ciindi ciniinibo kaantana kuya kuli wooyo wakantuma.

Joni 16:5

Bulya ntooya kuli wooyo wakantuma, nakubi boobo taakuuwo nabi womwi pakati kanu utoonjipusha nkoontooya.

Joni 16:28

Ncakwiila ndakaswa kuli baTa akwisa mucishi ca panshi, alimwi bulya ntooswa mucishi akuboolela kuli baTa.”