34 Ntoomupa mulawo upya wakwaamba ayi, ‘Amusunane.’ Bweenka mboomusuni nebo, amwebo mulyeelete kusunana.
Shoonse nshemucita, shilyeelete kutondesha lusuno bweenka mbuli Klistu mbwaakatusuna. Wakaaba buumi bwakwe ceebo ca ndiswe akuba anga ncipo ca bweema bubotu alimwi anga ncipo ca munyama wakutenta cikondelesha pameenso akwe Lesa.
Kuteelesha kubisha muntu nabi womwi ayi ceebo alakwe wakamubishisha nabi kutolelela kumupata, sombi amusune mubyaanu bweenka mbomulisuni nobeene. Nebo ndime Mwaami Lesa.
Anu mulawo wangu ngwakwaamba ayi musunane.
Ono bulya mbomwasalasha myoyo yanu mukunyumfwila shalushinisho ambuli mbomusunene abashominyinaanu, mulyeelete kusunana amyoyo yoonse.
Amucafwane kunyamuna shimulemena. Na mwacita boobo, nkokwaamba ayi mwakonkela mulawo wakwe Klistu.
Lesa wakatupa mulawo wakwaamba ayi tushome muMwanaakwe Jesu Klistu alimwi akusunana kweelana aKlistu mbwaakatulwiita.
Mulawo Klistu ngwaakatupa ngwakwaamba ayi uyo usuni Lesa ulyeelete kusuna amubye.
Na ncakwiila mulakonkela mulawo wa Mwaami Lesa ulembetwe muMalembo akwe ayi, “Suna mubyo bweenka mboolisuni omwiine,” ingayi mulacita kabotu.
Mwaami Jesu aakomeneshe kusunana kwanu alusuno lwanu kubantu boonse kwaamba ayi shishike palusuno ndotucite pali ndimwe.
Amusunane cancinencine mbuli banabankashi muli Klistu alimwi akunoolibambite kupaana bulemu.
Ono ndakusenga omwanakashi oosunikwi ayi soonse tusunane. Teshi kwaamba ayi ndakulembela mulawo upya, sombi ngooyo weenka ngotwakalinga kucite kuswa kumatalikilo.
Paceebo ceeco, bulya mbotucite ciindi ceelete, atucite shibotu kubantu boonse, bunene bunene abo bali mulikoto lya bashomi.
Makani ngomwakanyumfwa kuswa kumatalikilo ngakwaamba ayi tulyeelete kusunana.
Kuli mbabo mucite bweenka mbweenga mwaciita kumwine Isilaelinyinaanu, akubasuna bweenka mbomulisuni nobeene. Kamwiibaluka ayi amwebo mwakalinga baswamashi mucishi ca Ijipiti. Nebo ndime Mwaami Lesa, Lesa wanu.
Amutolelele kusunana mbuli bamukowa.
Nobamakwesu, tulyeelete kulumba Lesa ceebo canu lyoonse. Cililuleme abuumbi kuli ndiswe kulumba Lesa ceebo lushomo lwanu lwakomena abuumbi alimwi kusunana kwanu kutooya ciindaawo.
Sombi shisepo sha Mushimu Usalashi, ndusuno, kusangalala, luumuno, kukomenya moyo, nkumbu, kubota moyo, kushomeka,
Pabuumi bwakupaila kwiine kwiine, mwiilikewo lusuno lwa bwanabwankashi, apalo palusuno lwa bwanabwankashi ulo, mwiilikewo lusuno kubantu boonse.
mukwiinga twakanyumfwa shalushomo ndomucite muli Klistu Jesu alimwi ashalusuno lwanu kubantu bakwe Lesa boonse.
Mukwiinga swebo sotuli muli Klistu Jesu, kupalulwa nabi kutapalulwa taaku mbokubete, sombi cinene nkuba alushomo kwiinda mulusuno.
Ntoobapailila kwaamba ayi boonse babe womwi. Ta ababe muli ndiswe, bweenka amwebo mbomuli muli ndime anebo mbombete muli ndimwe. Ababe womwi kwaamba ayi bantu boonse bakashome ayi ndimwe mwakantuma.
Boonse abo bamusebensela mbeensuma, ee, abo boonse bakonkela milasho yanu.
Bantu bakwe Lesa bali pacishi ca panshi, ncakwiila balalemekwa, alimwi ndasangalala pali mbabo.
Sombi nebo ntoomulwiita ayi, ‘Amusune balwani banu akubapaililaako abo bamupensha,
Mutabi ankongole kumuntu uli woonse, sombi ncemweelete kucita, nkusunanabo. Uyo woonse usuni mubye ingayi wacita kale shiyanda Milawo shoonse.
Na muntu ulisuni mubye inga taamubishishiiwo. Nkokwaamba ayi usuni mubye ulakonkela Milawo yoonse.
