7 “Ndindakanyumfwa ayi ntooya citula moyo, ndakapaila kuli ndimwe noBaami baLesa, alimwi mwakanyumfwa mupailo wangu muŋanda yanu isalalite.
Ono mumapensho angu ndakapaila kuMwaami Lesa. Ndakeeta Lesa wangu kwaamba ayi ancaafwe. Mpeeke wakakutika liswi kaali muŋanda yakwe. Wakanyumfwa kulila kwangu kwakusenga lucafwo.
Lyalo bapailishi pantu pomwi abene Lefi bakeemikana ayi basengele coolwe bantu boonse. Lesa wakanyumfwa kusenga kwabo kwiculu uko nkwaakala akukukumbula.
Na ndeebaluka nshiku shangu shikulukulu, ndayeeya milimo yoonse njemwakacita. Ee, ndeebaluka shoonse nshemwakacita amaansaanu.
Mwaami Lesa mwaali muŊanda yakwe isalalite. Ncakwiila ulishiite pacuuna cakwe ca kwiculu. Bantu boonse ulibabwene kuli koonse alimwi ulishi shoonse nshebatoocita.
Defedi wakapenshekwa abuumbi mumoyo mukwiinga bashilumamba bakwe bakalinga kwaamba ayi batoomuuma mabwe. Womwi awomwi pakati kabo wakalinga kukalalite ceebo ca bana bakwe bakatolwa busha. Nakubi boobo Mwaami Lesa, Lesa wakwe wakamuyumyayumya.
Ndishinishite kwaamba ayi ndaakubona bubotu bwa Mwaami Lesa mumusena wa boomi.
Bamwi balicinkite manungo mushikoci sha maaki, abamwi mumaaki abo. Sombi swebo tulicinkite manungo muMwaami Lesa, Lesa wesu.
Balicite coolwe abo mbomwakasala, abo mbomwakaleta ayi bekale mumusena wanu usalalite. Tulaakukuta kushintu shibotu sha muŋanda yanu, ncakwiila shoolwe shamuŊanda yanu isalalite.
Amuyeeye mbuli mbwaakapenshekwa ceebo ca lupato lunene abuumbi lwa bamucita shibi! Anu amwebo mutatyongoli akucileka kushoma.
Mwaami Lesa uli muŊanda yakwe isalalite aboobo bantu boonse ba mucishi ca panshi aboomunebo tontolo kunembo lyakwe.
Amunyumfwe cikani ici mwebo nobamumishobo yoonse. Kutika ocishi ca panshi abaabo boonse bekalaamo. Mwaami Lesa Shinkusu shoonse utoomushinina. Ncakwiila utoomupa mulandu kuswa muŊanda yakwe isalalite.
Ndakaamba ayi, ‘Ndatandaanishikwa pameenso anu, nakubi boobo, ndaakulangilisha alimwi kuŊanda yanu isalalite.’
Ono ngani pakati kanu ulemeka Mwaami Lesa akunyumfwila shaamba musebenshi wakwe? Uyo woonse weendela mumunshinshe, ee, uyo utacite mumuni, aacinke manungo muMwaami Lesa akushomabo Lesa wakwe.
Ono nebo ceebonshi ntokuungumana bobulya? Ceebonshi ndapenga bobulya amoyo? Nebo aanangilebo muli Lesa. Ndaakumulumbaisha alimwi, ee, kulumbaisha Lesa wangu uyo umpulusha.
Ono nebo ceebonshi ntokuungumana bobulya? Ceebonshi ndapenga bobulya amoyo? Nebo anangilebo muli Lesa. Ndaakumulumbaisha alimwi, ee, kulumbaisha Lesa wangu uyo umpulusha.
Nkusu shangu shamana, shamanabo anga ngamaanshi apukwitwa panshi. Shifuwa shangu shilibo anga shaswaamo mumanungi. Awalo moyo wangu wababo anga mbukato bwasunguluka.
Na moyo wangu watyongola, ndimwe mwishi nceenjelete kucita. Munshila moonyinda balwani bangu banteya koose.
Ndushinisho kupenga nkondeendaamo kwandetela mpindu. Kwiinda mulusuno lwanu mwakamfuna ayi ntayi mucilindi cakunyonyooka. Kuswawaawo mwalekelela shibiibi shangu shoonse akushiluba.
