Jona 2:6 - Baibo Busansulushi Bwa Libuku Ili

⁶ Ndakepila panshi peene patalikila tulundu, mumusena uli anga nintolongo yamuyayaya. Sombi noBaami baLesa bangu, mwakankusha mumusena wa bafu.

Jona 2:6 교차 참조

Kulumbaisha 30:3

NoBaami baLesa mwakampulusha kuswa kucuumbwe. Mwakamfuna ayi ntayi kumusena wa bafu.

Kulumbaisha 16:10

Mukwiinga teshi mukandekeleshe ayi nkanoolibo mumusena wa bafu, nabi kulekelesha Usalalite wanu ayi abole.

Isaya 38:17

Ndushinisho kupenga nkondeendaamo kwandetela mpindu. Kwiinda mulusuno lwanu mwakamfuna ayi ntayi mucilindi cakunyonyooka. Kuswawaawo mwalekelela shibiibi shangu shoonse akushiluba.

Abakuku 3:10

Tulundu nditwakamubona twakatalika kutenkaana. Mfula yakaloka abuumbi. Lweenge lulaamfu lwakawoota aalo maaba akakomena abuumbi.

Abakuku 3:6

Cishi coonse catenkaana ndyaakeemikana. Lyalo ndyaakalangilisha, mishobo ya bantu yakatutuma. Tulundu tukulukulu twakasekemuka. Atwalo tulundu tuniini tukulukulu twakawa ndyaakeenda munshila shakwe shikulukulu.

Isaya 40:12

Sa kuliiwo muntu weenga wapima maanshi a mulweenge kulupaka? Nabi weenga wapima kukomena kwa liculu alyaansa lyakwe? Sa kuliiwo muntu weenga waleleesha bulongo bwa cishi ca panshi boonse mumutaanga? Ngani weenga wapima tulundu ashuulu pashipimo?

Kulumbaisha 143:7

NoBaami baLesa, amunkumbule cakufwambaana ceebo moyo wangu utoolela. Mutamfutatili, sobwe! Ceebo inga ndaba anga mbaabo batooya kumusena wa bafu.

Kulumbaisha 104:8

Akakunka kuswa patulundu akushika mushinyika. Akashika kumusena uyo ngomwakaabambila.

Kulumbaisha 104:6

Mwakacifwekelesha alweenge anga ngumungaanjo. Ncakwiila maanshi akafwekelela atulundu tulaamfu.

Kulumbaisha 65:6

Mwebo mwakabonesha nkusu shanu pakulenga tulundu, Ncakwiila mulicite nkusu shiindaawo.

Kulumbaisha 55:23

Sombi bantu abo basunishi kutila bulowa akubeca, mwebo nobaLesa mulaakubawaala mumusena wa bafu. Teshi bakamaane amusa wa nshiku shabo. Nakubi boobo nebo ndanoocinkite manungo muli ndimwe.

Kulumbaisha 30:9

Ndakapaila ayi, “Ino nimpindunshi ili mukucaya ndime? Ino nimpindunshi ili mukuya kumusena wa bafu? Sa bantu bafwite balakonsha kumulumbaisha? Sa bulongo bulakonsha kwaambilisha kushomeka kwanu kutamaani?

Jobo 33:28

Wakafuna buumi bwangu ayi ntayi kumusena wa bafu. Wakandekelela kwaamba ayi noocibona mumuni.’

Jobo 33:24

Munjelo uyu ulamufwita nkumbu akwaamba ayi, ‘Amumulekelele kwaamba ayi atayi kumusena wa bafu mukwiinga kulubulwa kwakwe ndakucana.’

Dutolonomi 32:22

Bukali bwangu bulaakunoonyaka anga ngumulilo kuya mukushika akumusena wa bafu. Ulaakunyonyoola cishi ca panshi ashisepo sha ncico, akukumika lwiimbi lwa tulundu.

Mateyo 16:18

Ono ntookwaambila ayi ndiwe Pita, aboobo pamwaandami uyu mpweshi nkayakile coonde cangu alimwi nkusu sha lufu teshi shikacikomeewo nalilaampi.

Kulumbaisha 18:5

Lufu lwakalinga kumbelamina, Ee, cuumbwe cakalingabo muliimfwa.

Kulumbaisha 116:3

Toose twa lufu twakalinga kunshingulukite, shiyoosha sha mumusena wa bafu shakaba pali ndime. Mapensho akuungumana shakalinga shantentula.

Isaya 38:10

“Ndakalinga kuyeeya ayi ntoofwa kaanciliimobo, Ee, ndakalinga ntooya kumusena wa bafu kaantana kukwanisha myaaka ya buumi bwangu.

Esekelo 26:20

Ndaakukutuma kumusena wa bafu kuya mukuba pantu pomwi abaabo bakafwa kalekale. Ndaakukulengesha kuya mukwikala kunshi lya cishi mumatongo akulukulu mukusenkana abafu. Aboobo bantu teshi bakekale tubili muli ndiwe nabi webo kuboola mucishi ca bantu boomi.

Esekelo 31:14

Paceebo ceeco taakuuwo shisamu shimwi shili kufwaafwi amaanshi sheshi shikalaampe mbuli ceeco alimwi mukushika mumakumbi. Taaku cisamu cimwi citililwa kabotu ceshi cikalaampe mbuli cisamu ico. Shoonse shilaakufwa bweenka bufwa bantu, ee, bweenka buya baabo baya kumusena wa bafu.’ ”

Kulumbaisha 69:2

Ntooya cipila mumatipa aanji, ayo ayabo kutaaku apakwiimikana. Ndi mumaanshi alaamfu abuumbi, aalo maaba atooyanda kumfwekelesha.