3 Mwakangwaala mulweenge, panshi peene pamaanshi. Lyalo mukuuku wakanshinguluka, maaba anu oonse akamfwekelesha.
Buumba bwamfwekelesha anga ngamaaba a palweenge. Shimfulunganya ashalo shitoosa anga ngamaanshi atoompoomokela.
Maanshi akamfwekelesha, lyalo ndakayeeya ayi ono ndolufu lwangu.
“Lufu lwakamfwekelesha anga ngamaaba, kunyonyooka kwakanshinguluka anga ngumukuuku.
Mwaami Lesa ndimusuni mukwiinga ulanyumfwa mipailo yangu. Ndushinisho ulanyumfwa ndyeensenga ayi anyumfwile nkumbu.
Ceebo cakwaamba ayi ulankutika, ndanoomulilila kwabuumi bwangu boonse.
Ndalilila Mwaami Lesa mumapensho angu, ncakwiila alakwe ulancafwa.
Ndakeeta liina lyanu noBaami baLesa kuswa panshi peene pacilindi.
