Jobo 9:8 - Baibo Busansulushi Bwa Libuku Ili

⁸ Lakwe eenka ngowakafungulula liculu alimwi ngookonsha kulyatoola maaba a palweenge.

Jobo 9:8 교차 참조

Isaya 44:24

Ono Mwaami Lesa, Mupulushi wanu uyo wakamubumba mumala mubamanyinawanu, waamba ayi, “Ndime Mwaami Lesa uyo wakapanga shintu shoonse. uyo wakatandabika liculu eenka akuyala cishi ca panshi coonse kwakubula auncafwa.

Isaya 40:22

Mwaami Lesa ulicite cuuna cakwe ca bwaami mwiculu peculu lya cishi ca panshi. Bamucishi ca panshi balaboneka anga ntulongolo. Liculu ulalifungululabo anga ncisani cakushitilishishaako. Ncakwiila ulalifungululabo anga nitente yakwikalaamo.

Sekaliya 12:1

Aya ngamakani abulaluki akaambwa aMwaami Lesa pabene Isilaeli. Ngamaswi a Mwaami Lesa uyo wakayala liculu, kubika lwiimbi lwa cishi ca panshi akupa buumi muntu. Lesa uyo waamba ayi,

Jobo 37:18

ono sa inga wacikonsha kucafwa Lesa kuyala liculu cakwaamba ayi lyayuma nta mbuli cilola ca bulonse wakateshimishikwa?

Jelemiya 10:11

Balwiite makani aya akwaamba ayi, “Balesa abo batakwe kulengako liculu acishi ca panshi, balaakunyonyoolwa. Teshi bakabonweewo tubili mucishi ca panshi coonse.”

Kulumbaisha 33:6

Maculu akalengwa kwiinda muliswi lya Mwaami Lesa. Shoonse shili kuli ndilyo shakalengwa kwiindabo mukwaamba kwakwe.

Joni 6:19

Bashikwiiya abo ndibakeenda makilomita mpashi osanwe akwiindilila, bakabona Jesu kaaenda pamaanshi keesa kubwaato. Mpeeke bakaloonda.

Isaya 42:5

Lesa, ee, Mwaami Lesa uyo wakalenga liculu akulifungulula, wakalenga cishi ca panshi ashoonse shiliimo, uyo wakapa buumi kubantu baliimo akubapa muuya, waamba ayi,

Jobo 38:16

“Sa wakayako kale kutuntupu twa mulweenge? Sa wakeendawo kale panshi peene palweenge?

Jobo 38:11

Ndakalulwiita ayi, ‘Unanokweela waawa, kuteendililaawo, sobwe.’ Ndakalulwiita ayi, ‘Apa mpopeelete kweela maaba ako ankusu.’

Kulumbaisha 77:19

Nshila yanu yakeenda mumaanshi, mukwakwa wanu wakapula pakati ka Lweenge, nakubi kwaamba ayi momwakalyata tamukwe kuboneka.

Matalikilo 1:1

Kumatalikilo Lesa wakalenga liculu acishi ca panshi.

Jobo 26:7

Wakafungulula liculu pamusena wakalinga bwaashi akwaanjika cishi ca panshi patakalingawo cintu.

Jobo 26:13

Muuya wakwe ngowakalengesha ayi liculu litube. Lyaansa lyakwe ndilyakoma mulongolo wa mulweenge wakalinga kucica.

Isaya 51:13

cakwaamba ayi mulube ndime neMwaami Lesa, uyo wakamulenga? Nebo neMwaami Lesa ndime ndakafungulula liculu akuyaka lwiimbi lwa cishi ca panshi. Ceebonshi mutookala aboowa lyoonse kuloonda bukali bwa baabo bamulyatilila alimwi balibambite kumunyonyoola? Bukali bwabo bulya tabukoonshi kushika pali ndimwe.

Jelemiya 10:12

Mwaami Lesa wakalenga cishi ca panshi kwiinda munkusu shakwe. Wakalenga cishi mubusongo bwakwe akufungulula liculu kwiinda mumaano akwe akunyumfwisha shintu.

Jelemiya 51:15

Mwaami Lesa wakalenga cishi ca panshi kwiinda munkusu shakwe. Wakalenga cishi mubusongo bwakwe akufungulula liculu kwiinda mumaano akwe akunyumfwisha shintu.

1 Makani 16:26

Balesa ba mishobo imwi yoonse nshibumbwabumbwabo, sombi Mwaami Lesa ngowakalenga liculu.