Jobo 9:5 - Baibo Busansulushi Bwa Libuku Ili

⁵ Ngootenkaanya tulundu cakubula kucenjesha alimwi ngoosandamuna tulundu mubukali bwakwe.

Jobo 9:5 교차 참조

Luka 21:11

Kulaakuba shitentanshi shiyoosha, nsala, malwashi mumisena ipusenepusene. Kulaakucitika shintu shiloondesha ashitondesho shikankamika kuswa kwiculu.

Mateyo 27:51

Paciindi ceenka ico, cisani cakalinga kushitilisha muŊanda yakwe Lesa, cakakwaamuka pakati, kuswa peculu apanshi. Cishi cakatenkaana amabwe akapasuka.

Ciyubululo 11:13

Paciindi ncemunya ici, kwakaba citentanshi cinene abuumbi. Mpeeke cipansha calikumi ca ndabala inene cakanyonyooka alimwi abantu bali 7,000 bakafwa. Lyalo bantu boonse bakacaala bakaloonda abuumbi akutalika kulumbaisha Lesa wa kwiculu ceebo ca nkusu shakwe.

Abakuku 3:10

Tulundu nditwakamubona twakatalika kutenkaana. Mfula yakaloka abuumbi. Lweenge lulaamfu lwakawoota aalo maaba akakomena abuumbi.

Ciyubululo 6:14

Alyalo liculu lyakashiminganabo anga nimpasa itoofungeelwa. Mpeeke tulundu alimwi ansuumbu shoonse shakakushikwa mumisena ya nshisho.

Mateyo 21:21

Jesu wakabakumbula ayi, “Ntoomulwiita calushinisho ayi na mulashoma cakutatonsha, inga mwacita bweenka mbuli mbondacita mukuyu uyu. Sombi teshi ceeci ceenka, mulakonsha nabi kwaambila kalundu aka ayi, ‘Swaawo apo mpoobete uye uliwaale mulweenge,’ cilaakucitika.

1 Bene Kolinto 13:2

Na kaancite cipo cakwaamba maswi akwe Lesa, akwishiba lushinisho lushisitwe akuba alushibo lwa shintu shoonse alimwi na kaancite lushomo lukonsha kutuntulusha kalundu, sombi kaantacite lusuno, ingayi taaku mboombete.

Sekaliya 4:7

Makatasho ali anga nkalundu kanene alaakushimingana kunembo lyako. Webo ulaakuyakulula Ŋanda yangu. Ono waakushimpika libwe lyakweelaako, bantu balaakoolobesha ayi, Lesa aipe coolwe! Lesa aipe coolwe!’ ”

Abakuku 3:6

Cishi coonse catenkaana ndyaakeemikana. Lyalo ndyaakalangilisha, mishobo ya bantu yakatutuma. Tulundu tukulukulu twakasekemuka. Atwalo tulundu tuniini tukulukulu twakawa ndyaakeenda munshila shakwe shikulukulu.

Isaya 40:12

Sa kuliiwo muntu weenga wapima maanshi a mulweenge kulupaka? Nabi weenga wapima kukomena kwa liculu alyaansa lyakwe? Sa kuliiwo muntu weenga waleleesha bulongo bwa cishi ca panshi boonse mumutaanga? Ngani weenga wapima tulundu ashuulu pashipimo?

Kulumbaisha 114:6

Mwebo notulundu tunene ceebonshi mwakasotooka mbuli mpongo? Amwebo notulundu tuniini mwakasotookilanshi mbuli bana ba mbelele?

Kulumbaisha 68:8

cishi ca panshi cakatenkaana aliculu lyakalosha mfula kunembo lya Lesa wa kuSinayi, Lesa wa bene Isilaeli.

Kulumbaisha 46:2

Aboobo teshi tukaloonde nabi cishi cikatenkaanishikwe, atwalo tulundu tukapile panshi peene mulweenge.

Jobo 28:9

“Bantu balapwayoola mabwe ayumu nta. Balakaba mutulundu kushika apanshi mpotweela.

Jobo 26:6

Cishi ca bafu cilibo bwaashi kuli Lesa. Musena wakunyonyookela tooyubiteewo kuli nguwe.

Jobo 34:25

Ceebo lakwe ulishishi nshebacita, ulabawisha akubanyonyoola pakati ka mashiku.

Jobo 41:11

Ngani ngondakabwesela cintu utoonsesa ayi mupilushishe? Shintu shoonse shili pacishi ca panshi nshaangu.

Jobo 40:11

Langa beshikulisumpula, ubakalalile akubabombya.

Naamu 1:5

Tulundu tunene tulatenkaana kunembo lyakwe atwalo tulundu tuniini tulasunguluka. Cishi ca panshi cilatenkaana kunembo lyakwe, ncakwiila cishi coonse cilatenkaana aboonse abo bekalaamo.

Naamu 1:6

Ngani weenga weemikana kubukali bwakwe? Ngani ukonsha kwiimikana kubukali buyoosha? Bukali bwakwe bulanyaka anga ngumulilo. Mabwe oonse alapwayooka kunembo lyakwe.