Jobo 8:3 - Baibo Busansulushi Bwa Libuku Ili

³ Sa Lesa uloombolosha cakunyengelela? Sa Shinkusu shoonse ulaalilwa kucita shiluleme?

Jobo 8:3 교차 참조

2 Makani 19:7

Kamuloonda Mwaami Lesa akoombolosha kabotu mukwiinga Mwaami Lesa, Lesa wesu taamusuminishi kucita shintu shitaluleme, kasalulushi nabi kutambula makulo.”

Dutolonomi 32:4

“NguMwaandami, milimo yakwe teecite kampenda. Nshila shakwe shoonse shililuleme. NguLesa ushomeka utabishi, ulacita shiluleme akoombolosha kabotu.

Matalikilo 18:25

Ndushinisho teshi mucaye batacite milandu pantu pomwi abacite milandu. Tamukoonshi kucita boobo, ceebo na mwacita boobo, nkokwaamba ayi batacite milandu batootondeshekwa bukali pantu pomwi abacite milandu. Ono ico tacicitiki. Moomboloshi wa cishi coonse ulyeelete kucita shintu cabululami.”

Danyelo 9:14

Mwebo noBaami baLesa, baLesa besu tamukwe kucelwa kutuletela mapensho mukwiinga mwebo muliluleme mushintu shoonse nshemucita alimwi swebo tatukwe kumunyumfwila.

Ciyubululo 16:7

Kuswawaawo ndakanyumfwa liswi kuswa kucipaililo lyakwaamba ayi, “NoBaami baLesa Beshinkusu shoonse! Ncakwiila koombolosha kwanu nkwalushinisho alimwi kuliluleme!”

Ciyubululo 15:3

Bakalinga kwiimba lwiimbo lwakwe Mose musebenshi wakwe Lesa alimwi alwiimbo lwa Mwanaambelele ayi, “NoBaami baLesa Beshinkusu shoonse, micito yanu njinene alimwi ilakankamika abuumbi! NoBaami baLesa ba mishobo yoonse ya bantu, nshila shanu shililuleme alimwi nshalushinisho!

Bene Loma 2:5

Ono ceebo uli shicimpamya utoolengesha Lesa ayi akeendeewo kukutondesha bukali bwakwe pabushiku ndyeshi akoomboloshe bantu boonse mubululami.

Esekelo 33:20

Nakubi boobo, mwebo nobene Isilaeli mulaamba ayi, ‘Nshila sha Mwaami Lesa tashilulemeewo,’ sombi nebo muntu womwi awomwi ndaakumoombolosha kweelana anshila shakwe mwiine.”

Esekelo 33:17

“Nakubi kwaamba ayi bene mishaanu balaamba ayi, ‘Nshila sha Mwaami Lesa tashilulemeewo.’ Sombi ninshila shabo shitaluleme.

Esekelo 18:25

“Ono mwebo mulaamba ayi, ‘Nshila sha Mwaami Lesa tashilulemeewo.’ Amunyumfwe mwebo nobene Isilaeli. Sa mutooyeeya ayi nshila shangu nsheshitaluleme? Sa teshi nshila shanu shitaluleme?

Kulumbaisha 99:4

Mwaami Shinkusu shoonse, ulisuni shiluleme. Lakwe walengesha ayi koombolosha kululeme kube muIsilaeli, ee, muIsilaeli mwaleta bululami akoombolosha cakutanyengelela.

Kulumbaisha 89:14

Bululami akoombolosha kwakutanyengelela shili anga ndwiimbi lwa cuuna ca bwaami bwanu. Lusuno lwanu lutamaani akushomeka shilaboneka mushoonse nshemucita.

Jobo 40:8

Sa webo utookakatila kwaamba ayi nebo nshiluleme? Sa webo utoompa mulandu mukwaamba ayi webo uboneke kululama?

Jobo 40:2

“Sa webo inga wapikishanya aShinkusu shoonse? Kumbula tunyumfwe nowalinga kupikisha.”

Jobo 35:13

Lesa taabiki maano kukusenga lucafwo kwabo kutaaku mbokubete. Ndushinisho Shinkusu shoonse taakutikiiwo mipailo yabo napaceyi.

Jobo 34:5

“Jobo utokwaamba ayi, ‘Nebo nshicitewo mulandu, sombi Lesa lakwe wakaka kuŋombolosha cabululami.

Jobo 21:20

Mucita shibi alibonene mwiine kunyonyooka kwakwe. Ee, mwiine aalinyumfwile bukali bwakwe Lesa Shinkusu shoonse.

Jobo 21:15

Anu Shinkusu shoonse ngani kwaamba ayi katumusebensela? Ino nimpindunshi ili mukupaila kuli nguwe?’

Jobo 19:7

“Ndalilishaanya pabukali bwakwe ubu, sombi taaku nabi womwi utoonkutika. Ncakwiila taakuuwo utookutika kulila kwangu pakoombolosha kululeme.

Jobo 10:3

Sa cilamukonda kundyatilila akunsebaanya nemulimo wa maansaanu, sombi kamukondwa milimo ya bamucita shibi?

Jobo 9:2

“Ee, ndishi kwaamba ayi mbocibete ubo. Sombi muntubo inga walulama buyani kunembo lyakwe Lesa?

Jobo 4:17

Liswi ilyo lyakaamba ayi, ‘Sa muntubo inga walulama kwiinda Lesa? Sa muntu inga weendaawo kubula kampenda pali wooyo wakamulenga?

Jobo 36:3

Lushibo lwangu lulaswa palaamfu, aboobo ntoosebensesha lushibo lwangu kutondesha ayi Lesa Mulengi wangu uliluleme.

Jobo 36:23

Ngani weenga walwiita Lesa shakucita nabi kumwaambila ayi, ‘Mwebo mwabisha?’

Jobo 37:23

Ceebo ca nkusu shakwe shiinji swebo tulaalilwa kumusena pafwaafwi. Sombi lakwe uliluleme alimwi uloombolosha bantu cakutanyengelela.

Jobo 19:6

Sa mwebo tamubwene kwaamba ayi nguLesa wacita shintu ishi? NguLesa wanteya koose kwaamba ayi ncatwe.