Jobo 8:10 - Baibo Busansulushi Bwa Libuku Ili

¹⁰ Bakulukulu basongo abakwiishe, ukutikishe balo mbobakalinga kwaamba.

Jobo 8:10 교차 참조

Tushimpi 18:15

Moyo wa musongo ulisuni kwishiba shintu, amatwi asongo alakutika ayi anyumfwishe.

Bene Ebulu 12:1

Ono mukwiinga aswebo tuli abakamboni baanji batushingulukite, atukushe shoonse shitukasha kucita nshetweelete alimwi ashibiibi shoonse isho nshetucita lyoonse. Lyalo tucice cankusu lubilo ulu ndotucite.

Bene Ebulu 11:4

Kwiinda mulushomo, Abelo wakapa mulambu weelete kuli Lesa kwiinda wakwe Kaini. Ceebo ca lushomo, Lesa wakabanda Abelo ayi uliluleme mukwiinga Lesa mwiine wakakondwa pamulambu wakwe. Lushomo ndomunya ulu ndolulengesha ayi Abelo anoocaamba kuli ndiswe, nakubi kwaamba ayi ulifwite.

Mateyo 12:35

Muntu uli kabotu ulaamba shintu shibotu isho shili mumoyo wakwe, alakwe muntu mubiibi ulaamba shibiibi shili mumoyo wakwe.

Tushimpi 16:23

Musongo ulayeeya kaatana kwaamba. Nshaamba shilalengesha kusuna kukutika.

Kulumbaisha 145:4

Lishalane lilaakunoolwiita lishalane limwi shamilimo yanu iyoosha, ncakwiila alaakunokwaamba pamicito yanu yankusu.

Jobo 32:7

Nebo ndalinga kuyeeya ayi bamanene mbobeelete kwaamba ceebo tulaamba ayi, ‘Munene mushiye kulubilo, sombi kumaano inga toomushiyi.’

Dutolonomi 11:19

Mwaiishe kubana banu. Kamwaabandika kumishaanu nabi kumwibo, pakookesha nabi pakusebensa.

Dutolonomi 6:7

Amuyiishe bana banu. Kamwiindulukaamo ndyemuli kumishaanu nabi kumwibo, pakookesha nabi pakusebensa.

Jobo 8:9

Swebo tulibo bacilo, aboobo taaku ncetwishi, nshiku shesu pacishi ca panshi shilibo anga ncimfule ciindilite.

Jobo 8:11

Matete taakoonshi kuswa pataapu maanshi, alimwi taakoonshi kumena pataapu katoonto.