8 Abo batoombona cino ciindi teshi bakambonewo tubili. Balaakunyandoola, sombi teshi nkacanikeewo.
Liinso ilyo lyakamubona teshi likamubonewo tubili. Ncakwiila teshi akaboolewo kuŋanda yakwe alimwi.
Sombi tapakwe kwiinda aciindi taakwe kucanikaawo. Ndakeelesha kumulangoola apa apaapa cakutamubonaawo.
Mwebo mulapa mulandu akukalalila muntu ceebo ca shibiibi shakwe. Mulanyonyoola buboni bwakwe anga ngamacenje. Ncakwiila buumi bwa muntu uli woonse buli anga nkuyoya kwalinkanda lyomwi.
NobaLesa, sa mwebo mulalanga muntu uli mbuli wooyo? Sa mulamuleta akunembo lyanu ayi mumoomboloshe?
Mulaŋanga ancetani kumyeendo. Nshila shangu shoonse mulashilangisha abuumbi mukulangishisha moonse moonja cilyata.
Ono na nsaku iyo yatumoonwaamo, taaku ukonsha kwishiba ayi nsaku iyo yakalingaamo.
Ono bulya mbwaafwa inga ndalikashishanshi kulya? Sa inga ndamubusha ayi abe muumi alimwi? Sobwe, nebo ndimenshi nkaye nkwaaya, sombi lakwe taakoonshi kuboola kuli ndime.”
Nendakasansulwa, naakwiinga sunu nshintoopenga. Ncakwiila naakwiinga ndiletebo tontolo
Ceebonshi tamukoonshi kulekelela shibiibi shangu? Sa inga tamulekeleli kulubisha kwangu? Onoonobo ndaakuya kucuumbwe mulaakunangoola, sombi teshi nkacanikeewo.”
Uloona kaali mubile, sombi lilaba linkanda lyakweelaako. Ncakwiila na wapapuka ulacana palinga buboni bwakwe ngumusenabo.
Sombi muntu ulafwa woona mubulongo. Na watula kale moyo, camana uyo weenda.
Ulaakushiminganabo bweenka mbuli ciloto Ee, kushiminganabo bweenka mbuli cili anga nciloto ca mashiku. Ulaakushimingana cakutabonwaawo tubili.
Muuwo na walipuupila, liluba ilyo lilayuma. Lyalo talibonekiwo tubili mumusena wa ndilyo.
