12 Ulalyatilila miyeeyo ya bantu bacenjete kwaamba ayi bataswitilili mumicito yabo.
Ndushinisho nabi bapangana kubishisha ndimwe, ee, nabi bapangana miyeeyo ibiibi, teshi bakaswitilile.
Amupangane muyeeyo bwakucita, sombi teshi mukaswitilileewo. Cili coonse nceshi mubambe teshi cikasebenseewo mukwiinga Mwaami Lesa uli aswebo.
Taaku busongo bwa muntu, lushibo nabi miyeeyo yakwe isho sheenga shaswitilila mukulwana Mwaami Lesa.
Mukwiinga Mwaami Lesa ulaakuuma bamucita shibi mumanungo ayi bamane nkusu, sombi baluleme ulabeemikanina akubafuninina.
Mpomunyaawo Pita wakeshiba cakacitika akwaamba ayi, “Ono ndeshiiba calushinisho kwaamba ayi Mwaami Lesa ngowatuma munjelo ayi amfuune munkusu shakwe Elodi alimwi akushintu shoonse baJuda nshebalinga kusuni kucita pali ndime.”
Balwani besu bakanyumfwa kwaamba ayi tweshiiba miyeeyo yabo alimwi ayi Lesa weepilinganya. Lyalo soonse twakaboolela kumulimo wesu wakuyakulula lubumbu.
Lyalo munjelo wa Mwaami Lesa wakaya kumisumba ya bene Asilya akucaya bashilumamba bali 185,000. Kumuyamaca bantu ndibakabuka bakacanabo mituntu apa apapalya!
Bene Ijipiti balaakutyongola alimwi ndaakulengesha miyeeyo yabo kubula mpindu. Balaakwiipusha kushibumbwabumbwa, kumishimu, kubeshi shamucaamba alimwi akubeshikwaamba amishimu.
Cibiibi cako ncakwiila ceeisha mulomo wako shakwaamba. Mulaka wako wababo anga ngwa muntu ucenjete cabusulwe.
Ndime Lesa uyo ulubaanya bulaluki bwa balaluki babeshi akulengesha bamukamwaami kuboneka buluya. Ndime Lesa uyo ukoma lushibo lwa basongo akululengesha kuba buluya.
Ino inga mwaamba buyani ayi, ‘Tuli basongo mukwiinga tulicite milawo ya Mwaami Lesa?’ Nakubi boobo balembi babeshi balemba milawo iyo cakutashomeka.
Mwaami Lesa utokwaamba ayi, “Pabushiku ubo, ndaakunyonyoola basongo ba muEdomu, bantu abo bacite lushibo ba mumalundu a Esau.
Ndipakeenda nshiku shotatwe, Labani wakalwiitwa ayi Jakobo wakaloboka.
Mpeeke Defedi abashilumamba bakwe abo bakalinga mpashi myaanda ili yosanwe amwaanda womwi bakaswaako kuKeila uko akunooya cilongalonga. Lyalo Saulo ndyaakanyumfwa ayi Defedi wakalobokaako kuKeila, taakwe kuyaako.
Nakubi boobo Uliya taakwe kuyawo kuŋanda yakwe, wakoonabo pamwinjililo wa ŋanda ya bwaami pantu pomwi abasebenshi ba mwaami wakwe.
Mpomunyaawo Abusalomu abene Isilaeli bamwi boonse bakaamba ayi, “Muyeeyo wapa Ushayi mwine Aki weendaawo kubota pawakwe Ayitofelo.” Ono cakacitika boobo mukwiinga Mwaami Lesa wakalinga weelibalabo kunyonyonganya muyeeyo ubotu wakwe Ayitofelo kwaamba ayi alete libona pali Abusalomu.
Sombi Elisha wakatuma nkombe kumwaami wa bene Isilaeli, kumucenjesha kutashikaako kumusena uyo mukwiinga bene Silya nkobatooyubilila kumulwana uko.
Sombi twakapaila kuli Lesa wesu akubika beshikulindilila malumwi amashiku mukutabilila ndabala.
Mwaami Lesa ulalama bantu bacite lushibo, sombi ulapilinganya maswi a batashomeki.
Pabene Edomu Mwaami Lesa Shinkusu shoonse wakaamba ayi, “Sa busongo bwakamana muEdomu? Sa beshikupandaako maano bakamana? Sa busongo bwabo bwakashimingana?
