11 Ncakwiila balibombya, ulabasumpula. Balila abalo ulaboomusha akubafukata.
Pakumana kupenshekwa kwaciindi ciniini, Lesa shiluse loonse, uyo wakamwiita ayi kwiinda muli Klistu mukatambule bulemu bwakwe butamaani, ulaakumubotesha cakumaninina mumushimu. Ulaakumuyumya mulushomo, kumupa nkusu alimwi akumubika palwiimbi luyumu.
“Mulicite coolwe mwebo nomufwa nsala bulya mukwiinga mulaakukuta! “Mulicite coolwe mwebo nomutoolila mukwiinga mulaakusekelela!
Shisamu shoonse sha mucishi shilaakwishiba ayi ndi Mwaami Lesa. Ndawisha shisamu shilaamfu akulengesha shisamu shiniini kukomena. Ndayumya shisamu shisonsete akulengesha shisamu shiyumu kusonsa. Nebo neMwaami Lesa ndaamba alimwi ndaakucicita.”
Mwaami Lesa ngoosumpula bakandu kuswa mulusuko, akunyamuna bataaku mbobabete kuswa mumapensho abo.
Sombi bapengete wakabakusha mumapensho abo, akufusha bamumaandaabo anga ngamatanga a shifubwa.
Lesa ngoomufuna lyoonse, maansaakwe amuyayaya ngaamulama. Ulatanda balwani kunembo lyanu, akumwaambila ayi mubanyonyoole.
Mushomi mukandu ulyeelete kusangalala na Lesa wamusumpula.
Mwaami Lesa utokwaamba ayi, “Ndaakupulushabo baabo bansuni, akufuna baabo bashoma muliina lyangu.”
Atulumbe Lesa Ishi Mwaami wesu Jesu Klistu! Ceebo ca nkumbu shakwe shiindaawo, wakatupa buumi bupya ayi tube akulangila kwiine kwiine kwiinda mukubusha Jesu Klistu kuswa kubafu.
Lesa ulabombya balisumpula alimwi akupulusha balibombya.
Baluleme ulabalama ciindi coonse. Ulababika pashuuna sha bwaami akubasumpula ayi balemekwe kwalyoonse alyoonse.
Buboni bwako boonse bulya bwakanyonyooka bulaakuceya ceebo Lesa ulaakukupa buboni buunji munshiku shitoosa.
