Jobo 40:11 - Baibo Busansulushi Bwa Libuku Ili

¹¹ Langa beshikulisumpula, ubakalalile akubabombya.

Jobo 40:11 교차 참조

Danyelo 4:37

“Paceebo ceeco nebo neNebukadinesa ndalumbaisha akulemeka Mwaami wa Kwiculu mukwiinga shoonse nshaacita nshibotu alimwi nshila shakwe shoonse shililuleme. Lakwe ulakonsha kubombya baabo balisumpula.”

Isaya 2:17

Kulinaamuna kwa bantu kulaakumana, ncakwiila kulisumpula kwabo kulaakunyonyoolwa. Pabushiku ubo Mwaami Lesa eenkabo ngweshi akasumpulwe.

Naamu 1:6

Ngani weenga weemikana kubukali bwakwe? Ngani ukonsha kwiimikana kubukali buyoosha? Bukali bwakwe bulanyaka anga ngumulilo. Mabwe oonse alapwayooka kunembo lyakwe.

Jemusi 4:6

Sombi Lesa ulatupa luse lwakushikoma. Nceceeco Malembo ncaambila ayi, “Lesa ulakaka bantu balisumpula sombi ulapa luse kubaabo baliceesha.”

Luka 18:14

Ntoomulwiita ayi musonkeshi wakaboola kumishaabo kaaluleme pameenso akwe Lesa kuteshi muFalisi. Mukwiinga uyo woonse ulisumpula, ulaakuceeshekwa. Awooyo uliceesha, ulaakusumpulwa.”

Malaki 4:1

Mwaami Lesa Shinkusu shoonse utokwaamba ayi, “Ncakwiila bushiku bulaakushikila balisumpula abamucita shibi ndyeshi bakapye anga mbwiisu. Pabushiku ubo balaakulokota cakutacaalaako.

Esekelo 28:2

“Webo omuntu, lwiita mwaami wa Taya ayi nebo neMwaami Lesa Shinkusu shoonse ndaamba ayi, ‘Mukulisumpula kwa moyo wako ulaamba ayi, Ndi lesa. Ndekala pacuuna ca bwaami cakwe lesa pakati ka lweenge. Sombi webo uli muntubo, teshi ndiwe lesa, sobwe, nakubi kwaamba ayi ulalibona anga uli musongo mbuli lesa.

Isaya 42:25

Paceebo ceeco bukali bwakwe bwakesa pali ndiswe. Bukali bwakwe bwakeenda munkondo iyo yakatupolela. Inkondo yakatukalalila soonse mucishi ca Isilaeli. Nakubi boobo tatukwe kuwishiba citoocitika. Ndushinisho taaku ciiyo ncetwakacanaamo nabi comwi.

Kulumbaisha 144:6

Amutume kubeka kwanu kwa mfula mupalanganye balwani bangu, amuwaale mifwi yanu akubalengesha kucica.

Jobo 27:22

Cipuupu ici cilaakumupupila cakubula nkumbu. Cilaakumupupila cankusu nabi akeeleshe kucica.

Jobo 20:23

Amumuleeke akute mbuli mbwaasuni. Lesa ulaakumuloshesha bukali bwakwe.

Dutolonomi 32:22

Bukali bwangu bulaakunoonyaka anga ngumulilo kuya mukushika akumusena wa bafu. Ulaakunyonyoola cishi ca panshi ashisepo sha ncico, akukumika lwiimbi lwa tulundu.

Kulonga 18:11

Ono ndeshiiba ayi Mwaami Lesa ulicite nkusu kwiinda pabalesa boonse, mukwiinga wakacita boobo ciindi bene Ijipiti ndibakalinga kubona bene Isilaeli ayi taaku mbobabete.”

Kulonga 15:6

“NoBaami baLesa, lyaansa lyanu lyalulyo lilicite nkusu shiloondesha. NoBaami baLesa, lyaansa lyanu lyalulyo lilasansoola balwani.

Jobo 4:9

Lesa ulabanyonyoola anga ncipuupu cinene ncakwiila bukali bwakwe bulabalobya.

Jobo 21:30

Balaamba ayi pabushiku bwa bukali bwakwe Lesa mucita shibi ngoopulushikwa. Ee, ayi mucita shibi lakwe ngoofunwa mubushiku bwa bukali ubu.

Isaya 22:19

Mwaami Lesa waamba ayi, “Ndaakukukusha amulimo wako, ee, ndaakukutumunaawo pacuuna cako.

Isaya 23:9

Mwaami Lesa Shinkusu shoonse ngowakapinga kucita cintu ici. Wakaciyeeya kwaamba ayi amane kulisumpula kwabo pashintu nshebakacita akunyaya bulemu bantu abo bakalinga kulemekwa cishi coonse.

Isaya 25:11

Balaakutandabika maansaabo anga ngumuntu utooyanda kusamba njabwe. Sombi Lesa ulaakumana kulisumpula kwabo nakubi kwaamba ayi balacita shabucenjeshi.

Isaya 26:5

Abo balinaamuna ulababoosha panshi. Ndabala yabo uleenyonyoola. Lilinga lya njiyo ulalikuloola cakubabo lusuko.

Jelemiya 48:29

“Ndakanyumfwa bene Moabu mbobalisumpula. Ncakwiila balalisumpula akulyuuma mushaamba. Ee, balalisumpula alimwi mbeshi kulinaamuna. Balilisuni abuumbi mumyoyo yabo.

Danyelo 4:24

“Nobaami, anu cili anga nciloto ici cilaamba bobulya alimwi nceeci Mwaami Lesa wa kwiculu Wiindaawo ncaamba pali ndimwe nkambo:

Naamu 1:8

Sombi ulaakunyonyoola balwani bakwe anga ngamaanshi asefuka acite mukuuku unene. Ulaakutandaanishila baabo bamupatite mumunshinshe.

Jobo 9:5

Ngootenkaanya tulundu cakubula kucenjesha alimwi ngoosandamuna tulundu mubukali bwakwe.

Kulumbaisha 94:2

Amunyamuke noboomboloshi ba bantu boonse, amuboosheshe beshikulisumpula shintu nshebeelete.