Jobo 32:8 - Baibo Busansulushi Bwa Libuku Ili

⁸ Sombi ndabona ayi nguMushimu wakwe Lesa Shinkusu shoonse uyo useluka pabantu akubapa busongo.

Jobo 32:8 교차 참조

Jobo 38:36

Ngani wakapa busongo makumbi kulosha mfula mumisenamisena? Ngani wakapa maano shikunku kutondesha ayi mfuula itooloka?

Jobo 33:4

Mushimu wakwe Lesa ngowakanenga, ee, muuya wa Shinkusu shoonse ngoompa buumi.

2 Timoti 3:16

Malembo akwe Lesa oonse akayubululwa anguwe mwiine alimwi alayandika mukwiisha shalushinisho, kukasha shilubo, kululika shitaluleme amukupa milasho iyandika mukwikala buumi bululeme.

Jemusi 1:5

Sombi na umwi pakati kanu taacite busongo, asenge kuli Lesa uyo upa bantu boonse camaansa obilo akutatongooka, ncakwiila ulaakupekwa.

Shikushimikila 2:26

Ncakwiila kuli wooyo usangalasha Lesa, lakwe ulapa busongo, lushibo alimwi akukondwa. Sombi kumucita shibi ulapa mulimo wakubunganya akusunga buboni kwaamba ayi akabupe wooyo usangalasha Lesa. Ici acalo taaku mbocibete, cilibo anga nkutandaanya muuwo.

Tushimpi 2:6

Ceebo nguMwaami Lesa upa busongo, kuli nguwe nkokuswa lushibo amaano akunyumfwisha shintu.

1 Baami 3:12

ntoocita ico ncewasenga. Ntookupa busongo alushibo kwiinda shakabawo kale amuntu uli woonse nabi nsheshi akabaasho.

Danyelo 2:21

Ulasandula nshiku ashiindi sha mumwaaka. Ulabika bantu pabwaami alimwi akubakushaawo. Ulapa busongo amaano akunyumfwisha shintu.

Danyelo 1:17

Lesa wakabapa lushibo amaano akunyumfwisha shintu sha malembo oonse akwiiya. Kuswawaawo wakapa Danyelo maano akusansulula shili anga nshiloto alimwi ashilotobo.

Jobo 35:11

Ulatwiisha maano kwiinda pabanyama ba mucishi, akutupa busongo bwiinda bayuni booluka.’

Jobo 33:16

Cimwi ciindi ulaamba kabalinyumfwila amatwi abo akubalengesha kuba aboowa ceebo cakucenjesha kwakwe.

1 Baami 3:28

Bene Isilaeli ndibakanyumfwa Solomoni mbwaakoombolosha, boonse bakatalika kumulemeka abuumbi mukwiinga ono bakeshiba ayi Lesa wamupa busongo bwakoombolosha milandu cakutanyengelela.

1 Bene Kolinto 12:8

Mushimu Usalashi ulapa muntu umwi cipo cakwaamba cabusongo, sombi Mushimu weenka uyo ulapa muntu umwi cipo cakupanda maano bamwi.

Matalikilo 41:39

Mpomunyaawo wakaambila Josefu ayi, “Lesa wakutondesha shoonse ishi, aboobo teshi acakutonsha kwaamba ayi webo ulicite busongo alushibo kwiinda bantu bamwi boonse.

1 Baami 4:29

Lesa wakapa Solomoni busongo, kunyumfwishisha kwa shintu shoonse alushibo luteelekwa.

Matalikilo 41:38

Mpeeke Falawo wakabaambila ayi, “Teshi tukacaneewo musankwa uli mbuli Josefu, uyo ucite Mushimu wakwe Lesa muli nguwe.”

Jobo 12:13

Nakubi boobo Lesa taacitebo busongo, sombi ankusu alimwi Lesa taacitebo maano eenka, sombi alushibo.

Jobo 27:3

kulilabo na noociyoya, ndushinisho kulilabo Lesa kaacimpa buumi,

1 Baami 5:9

Bantu bangu balaakukusha shisamu kuLebanoni kushileta kulweenge, akushaanga pantu pomwi mumilwimilwi kwaamba ayi shikanooya buseela pamaanshi pafwaafwi aloombe lwa lweenge kushika ampomusuni ayi shishikile. Bantu bangu apo balaakushaangulula, lyalo bantu banu bakashibweese. Ono mwebo lubasu lwanu ndisuni kwaamba ayi mukapebo shakulya shiyandika kubantu bangu.”

Jobo 12:16

Lesa ngomwine nkusu abusongo, bantu bacenjeekwa abeshikubacenjeeka bali mumaansaakwe.

Tushimpi 20:27

Buumi bwa muntu ndilampi lya mwaami Lesa, lilamunikila pali poonse mumubili wa muntu.

Isaya 28:26

Mulimi ulishi bwakucita mulimo wakwe uyu kwiinda mulushibo lwakamupa Mwaami Lesa.