Jobo 29:3 - Baibo Busansulushi Bwa Libuku Ili

³ Muciindi ico lilampi lyakwe lyakalinga kumunikila. Wakalinga kumunikila ndindakalinga kweenda mumunshinshe.

Jobo 29:3 교차 참조

Kulumbaisha 18:28

Mwebo noBaami baLesa ndimwe munyasha mumuni wa buumi bwangu, mulapalanganya munshinshe kunembo lyangu.

Joni 8:12

Jesu wakaambila baFalisi alimwi ayi, “Ndi mumuni umunikila bantu boonse. Uyo woonse unkonkela teshi akeende mumunshinshe napaceyi, sombi ulaakuba amumuni upa buumi.”

Jobo 18:6

Mumuni uli muŋanda yakwe ulaakuba munshinshe. Lilampi lili muliimfwa lyakwe lilaakushimika.

Bene Efeso 5:8

Kale kale mwebo mwakalinga mumunshinshe, sombi bulya muli mumumuni mukwiinga mwakaba bantu ba Mwaami. Aboobo mulyeelete kwikala anga mbantu bekala mumumuni.

Joni 12:46

Ndakesa mucishi ca panshi bweenka mbuli mumuni kwaamba ayi uyo woonse eshi ashome muli ndime atabi mumunshinshe.

Jobo 22:28

Lyalo kulilabo nceenga wasuuna, cilaakunoocitika. Mumuni ulaakumunikila nshila shako.

Jobo 11:17

Ncakwiila buumi bwako bulaakubala anga ndisuba ndyeliba pakati ka mutwi. Mapensho ako alaakumana bweenka bumana munshinshe ndyebuca.

Tushimpi 24:20

Ceebo lakwe taakuuwo ncaalangila munshiku shili kunembo alimwi lilampi lya buumi bwa mucita shibi lilaakushimishikwa.

Kulumbaisha 84:11

NoBaami baLesa muli anga ndisuba alimwi anga ndiyawo lyesu. Mulatupa coolwe mukutunyumfwila nkumbu akutupa bulemu. Mwebo tamukaki kupa shintu shibotu kubaabo bacita shiluleme.

Bene Efeso 5:14

Mukwiinga mumuni ulalengesha ayi shintu shoonse shiboneke. Nceceeco ncebaambila ayi, “Buka webo noolete, buka kuswa kubafu lyalo Klistu ulaakulengesha ayi ube mumumuni.”

Isaya 2:4

Mwaami Lesa ulaakoombolosha mishobo akumana nkondo pakati ka bantu baanji. Mipeeni yabo balaakunoifula ayi shibe shakulimisha, aalo masumo abo ayi abe shakukwesoosha shisamu. Taaku mushobo weshi ukapililike mipeeni kuya mukulwana umwi, nabi weshi ukanooya mukwiiya shankondo.

Tushimpi 13:9

Baluleme bali anga ndilampi linyakisha, sombi bamucita shibi bali anga ndilampi litooyanda kushimika.

Kulumbaisha 27:1

Mwaami Lesa ngomumuni alimwi ngoompulusha, taaku muntu nabi womwi ngoonoonda. Mwaami Lesa ndyelilinga lya buumi bwangu, taaku muntu nabi womwi ngoonoonda,

Kulumbaisha 23:4

Nakubi kwaamba ayi ndeenda mumunshinshe ushiya mbi, teshi nkaloondeewo mukwiinga mwebo noBaami baLesa muli anebo. Ncakwiila musako wanu wa bweembeshi ankooli yanu shilankalika moyo.

Tushimpi 20:20

Uyo woonse ushingana baishi abanyina, buumi bwakwe bulaakumanabo anga ndilampi lyashimika mumunshinshe.

Kulumbaisha 4:6

Mbaanji bapaila kuli ndimwe ayi, “Amutupe shoolwe shiinji noBaami baLesa. Amutukumbule akutubonesha nkumbu shanu!”

Jobo 21:17

“Sombi ngamankanda ongaye lilampi lya buumi bwabo ndyelishimishikwa? Ino ngamankanda ongaye mapensho ndyeesa pali mbabo? Mankanda ongaye Lesa ngaakabapa mulandu mubukali bwakwe?

Kulumbaisha 18:29

Mulampa nkusu ayi nkonshe kulwana balwani bangu, alimwi mulanengesha kukonsha kuuluka malinga abo.

Kulumbaisha 112:4

Nabi kube munshinshe, lakwe muntu ululeme uleenda mumuni. Ee, kuli baabo beshiluse, beshinkumbu alimwi baluleme kuli mumuni.